28.9 C
Dushanbe

Трамп расман Амрикоро аз Созмони ҷаҳонии беҳдошт хориҷ кард

Ба гузориши ББС давлати Амрико бо ирсоли дархости расмии худ ба СММ эълон кард, ки аз Созмони ҷаҳонии беҳдошт хориҷ мешавад.

Амрико аз сармоягузорони калидии ин созмон ба шумор мерафт, аммо аз замони оғози ҳамагири корона Доналд Трамп, раисҷумҳури ин кишвар борҳо аз СҶБ интиқоди шадид карда буд ва ин ниҳодро таҳти сайтараи Чин медонист.

Сухангӯи дабири кулли СММ рӯзи сешанбе 7 -уми июл таъйид карда аст, ки Иёлоти Муттаҳидаи Амрико ба таври хаттӣ талаб кардааст, ки аз СҶБ хориҷ мешавад.

Трамп дар моҳи гузашта гуфта буд, бар ин бовар аст, ки СҶБ таҳти сайтараи Чин қарор гирифта ва дар ҷараёни паҳншавии вируси нави корона бо ҳимоят аз Пекин сабаби гумроҳии Амрико ва ҷаҳон шудааст.

Амрико солона ҳудуди 400 млн доллар ба СҶБ кумаки молӣ мекард, ки ҳудуди 15% буҷаи солонаи ин созмон буд. Ба андешаи коршиносон хуруҷи Амрико аз СҶБ ояндаи ин ниҳоди баналмиллалиро ба хатари ҷиддӣ рӯ ба рӯ хоҳад кард ва бисёре аз барномаҳои он барои пешгирӣ ва муқобила бо бемориҳо дар саросари ҷаҳонро бо хатар мувоҷеҳ мекунад.

СҶБ соли 1948 таъсис шуда мақарраш дар шаҳри Женеваи Швейсария мебошад ва вазифаи он талош барои пешгирӣ ва дармони бемориҳои фарогир, тавзеи воксину давоҳои бехатар ва ҳифзи саломатии мардум дар сатҳи ҷаҳон мебошад

Ин созмон 194 узв дорад ва буҷаи он таркибе аз ҳаққи узвияти кишварҳо ва кумакҳои довталабона аст. Ҳаққи узвияти кишварҳо бар асоси сарвати онҳо ҳисоб карда мешавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ихроҷи 3400 муҳоҷир дар 6 моҳ

Дар шаш моҳи аввали соли ҷорӣ наздик ба сениюм ҳазор муҳоҷири тоҷикистониро мақомоти Русия ихроҷ кардаанд.

Оғози гармои шадид дар Тоҷикистон ва фармони Раҳмон ба мардум

Шурӯъ аз имрӯз дамои ҳаво дар бархе минтақаҳои Тоҷикистон ба таври камсобиқа гармтар шуда, ва он мақомотро нигарон кардааст.

Боздошти “РАЛИК” баъд аз нашри наворҳои баҳсбарангез

Рэпсарои ҷавони тоҷик Рамазон Муродов, ки бо тахалуси "РАЛИК" маъруф аст, рӮзи 23-уми июл пас аз интишори чанд навори интиқодӣ боздошт шуд.

Ҳалокати 5 узви як хонавода дар Суғд

Бар асари як садамаи нақлиётӣ дар вилояти Суғд 5 узви як хонавода кушта ва ду каси дигар захмӣ шудааст.