35.9 C
Dushanbe

Путин расман бо Толибон робита барқарор карданист

Русия дар талоши барқарор кардани равобит бо Толибон аст ва мехоҳад ҳамаи гурӯҳҳои этникии Афғонистон дар идораи кишвар ба таври комил ширкат кунанд.

Ба қавлибархе расонаҳои ғарбӣ, Путин дар вохӯрӣ бо президенти Тоҷикистон дар шаҳри Душанбе таъкид кардааст, ки Русия мехоҳад дар идораи ҳукумати Афғонистон тамоми ақаллиятҳои қавмии он кишвар ҳамроҳ бошанд.

Хадамоти матбуотии президенти Русия низ хабар дода, ки Путин бо ишора ба Афғонистон гуфтааст, Русия ҳама корро анҷом медиҳад, то вазъ дар ин кишвар ба эътидол ояд. “Мо талош мекунем бо нерӯҳои сиёсие, ки вазъиятро пурра назорат мекунанд, равобит барқарор кунем”, – гуфтааст Президенти Русия.

Ин ҳам дар ҳолест, ки ҳарчанд Русия Толибонро расман ҳамчун гурӯҳи “ифротгаро” ва “терруристӣ” шинохтааст, аммо қаблан намояндаи Толибонро ба ҳайси намояндаи расмии кишвари Афғонистон пазируфта буд. Инчунин ҳайъати Толибон дар Форуми иктисодии байналмиллалии Санкт-Петербург низ ширкат варзиданд.

Хадамоти матбуотии президенти Тоҷикистон дар ин бора тафсилоте наовардааст, танҳо ишора кардааст, ки ҷонибҳо зимни мулоқот ба рушди вазъият дар Афғонистон таваҷҷуҳи хоса зоҳир карда, “таҳкими ҳифзи сарҳадоти байни Тоҷикистон ва Афғонистон”-ро баррасӣ карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Коҳиши 80%-и кишти кукнор дар Афғонистон

Толибон аз ҷомеаи ҷаҳонӣ хоста, ки барои кишоварзоне, ки...

ВКХ: Пайвастани Тоҷикистон ба ИИАО баррасӣ нашуд

Ҳукумати Тоҷикистон ҳоло масъалаи пайвастани кишварро ба Иттиҳоди иқтисодии АвруОсиё баррасӣ надорад.

Русия: Тоҷикистон набояд ба Ғарб наздик шавад

Сергей Лавров зимни боздидаш аз Душанбе дар суханрониҳояш ба мақомоти тоҷик тазаккур дод, ки Русия намехоҳад ҳамкориҳои Тоҷикистону Ғарб бештар шаванд.

Суқути қурби рубли русӣ дар Тоҷикистон

Баъд аз сафари вазири корҳои хориҷии Русия ба шаҳри Душанбе ва музокироти сатҳи олии раҳбарони Тоҷикистон ва Русия қурби рубли русӣ дар баробари пули миллӣ-сомонӣ поён расфт.