20.9 C
Dushanbe

Намояндаи ИМА аз нақзи ҳуқуқи инсон дар Афғонистон гуфту Тоҷикистонро фаромӯш кард

Рӯзи 28-уми феврали соли ҷорӣ дар шаҳри Остонаи Қазоқистон вазирони корҳои хориҷаи Иёлоти Муттаҳидаи Амрико ва Тоҷикистон бо ҳам мулоқот карданд.

Дар мулоқот ҷонибҳо масоили ҳамкориҳои дуҷонибаро баррасӣ карданд. Блинкен зимни мулоқот бо Сироҷиддин Муҳриддин таъкид бар рушди ҳамкориҳои иқтисодӣ ва амниятии ду кишвар кард.

Инчунин Вазири корҳои хориҷаи Амрико дар дидор бо Вазири корҳои хориҷии Тоҷикистон дар масоили Афғонистон суҳбат карда, бавежа дар бораи эҳтиром ба ҳуқуқи занон ва духтарон дар Афғонистон такид кард.

Дар баёнияи расммии Вазорати корҳои хориҷаи Амрико таъкид мешавад, ки дар ин мулоқот Блинкен такид бар ҳимояти Амрико аз тамомияти арзӣ, ҳокимияти сиёсӣ ва истиқлолияти Тоҷикистон кардааст.

Ба гуфтаи коршиносон, Энтони Блинкен бо Сироҷиддин Муҳриддин дар бораи ҳуқуқи занони Афғонистон дар ҳоле изҳори нигаронӣ карда, ки дар Тоҷикистон вазъи ҳуқуқи башар аз Афғонистон бадтар аст. Аммо дар ин гуфтугӯ Блинкен дар бораи озодии расонаҳо, рӯзноманигорони зиндонӣ, маҳдуд кардани озодиҳои сиёсӣ, саркӯби мардуми Бадахшон ва ақалияти мазҳабӣ, озодиҳои динӣ ва нақзи арзишҳои демократӣ дар Тоҷикистон ишорае накардааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти беш аз 20 нафар дар парвандаи ҳамла ба Крокус

Дар пайи ҳамлаи хунин ба “Крокус Сити Ҳолл”-и Красногорски...

Нақшаи даъвати баҳории сарбозон пурра иҷро шуд

Вазорати мудофиаи Тоҷикистон хабар дод, ки нақшаи даъвати баҳории ҷалби сарбозон ба Артиш дар кишвар рӯзи 22-уми майи соли ҷорӣ 100% иҷро шуд.

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сатр напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.