32.9 C
Dushanbe

Аз хоки Афғонистон ба Узбекистон ҳафт мушак партоб шудааст

Вазорати корҳои хориҷаи Узбекистон аз партоб шудани панҷ мушак аз хоки Афғонистон ба як минтақаи марзӣ дар ин кишвар хабар дод.

Бино ба иттилои Вазорати корҳои хориҷии Узбекистон 5-уми июли соли 2022, тахминан соати 16:20 ба вақти маҳаллӣ аз хоки Афғонистон ба як минтақаи сарҳадии Узбекистон 5 мушак партоб шудааст.

Гуфта мешавад, ҳангоми афтидани мушакҳо таркиш ба амал наомада, талафоти ҷонӣ ба қайд гирифта нашудааст.

Дар натиҷаи афтодани ин мушакҳо ба чаҳор хонаи шахсӣ дар маҳаллаи “Маҷнунтол”-и Тирмиз хисороти ночиз расида, мушаки панҷум аз майдони футбол пайдо шуда, ҳамаи мушакҳо безарар гардонида шудаанд.

Мақомоти Узбекистон дар якҷоягӣ бо ҷониби Афғонистон сабабҳои ҳодисаро таҳқиқ доранд.

Ин бори аввал нест, ки хабари партоб шудани мушакҳо аз хоки Афғонистон ба Узбекистон расонаӣ мешавад. Дар моҳи апрели соли ҷорӣ дар расонаҳо хабарҳое нашр шуданд, ки гуфта мешуд, шохаи “Хуросон”-и ДОИШ аз Афғонистон ба иншооти низомӣ дар вилояти Сурхондарёи Узбекистон даҳ мушак партоб кардааст. Аммо сухангӯи Президенти Узбекистон ин хабарҳоро рад карда буд.

Инчунин рӯзи 7-уми майи соли ҷорӣ, расонаҳои Афғонистон хабар доданд, ки ҷангҷӯён аз он кишвар ба Тоҷикистон ҳафт мушак партоб кардаанд. Аммо мақомоти тоҷик дар вокуниш ба ин хабар гуфта буданд, ки чанд тир “тасодуфан” ба хоки кишвар афтодааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.

Санги қабри Мамадбоқировро канданд

Кормандони Кумитаи давлатии амнияти миллии Тоҷикистон санги рӯи қабри...

Киев ва Маскав ҳар ду мавриди ҳамла қарор гирифтанд

Тайи се рӯзи ахир Русия ҳамлаҳои худ алайҳи Украинаро афзоиш додааст, вале Маскав ҳам субҳи имрӯз мавриди ҳамла қарор гирифт.

Бонки миллӣ мизони таваррум дар кишварро эълон кард

Тибқи нишондодҳои расмӣ, дар 4 моҳи аввали соли ҷорӣ Маҷмуи маҳсулоти дохилӣ дар кишвар 8 дарсад рушд карда, сатҳи таваррум 2,3 дарсадро ташкил додааст.