27.9 C
Dushanbe

Ҷузъиёти тоза дар бораи ҷангҷӯёне, ки аз Афғонистон ба Тоҷикистон ворид шуданд

Бино ба иттилои як манбаи огоҳ аз ҷои ҳодиса, дар он задухӯрди мусаллаҳонаи рӯзи 26-уми апрел на 2 кас, балки дасти кам 7-8 нафар аз Афғонистон ба хоки Тоҷикистон ворид шуда буданд. Аммо манобеи дигар шумораи онҳоро аз 10 нафар ҳам бештар гуфтанд.

Ин манбаъ, ки нахост номаш фош шавад, дар суҳбат ба Azda tv гуфт, ҷангҷӯён дар ин сӯи дарё қасди ҷобаҷо шуданро доштаанд, аммо дар ин миён бо сабабҳои номалум нисфи онҳо ба он тарафи об бозмегарданд ва ду нафар дар хоки Тоҷикистон боқӣ мемонад.

Ба иттилои манбаъ, пас аз оне, ки нону хӯроки онҳо ба охир мерасад, бо мақсади дарёфти хӯрока ба кӯча байни аҳолӣ мебароянд ва аз мардуми маҳал нон мехоҳанд. Дар натича касе аз мардуми маҳал пулисро хабар кардааст ва пас аз он нерӯҳои вежа эъзом мешаванд ва якеро дар болои сақфи хона ё мактаб, ё масҷид дигареро дар кӯҳ мекушанд.

Дар ҳамин ҳол як манбаи дигар гуфт, ки он аксҳое, ки гӯё ҷангҷӯён бо балон аз дарё гузашта бошанд, сохтагӣ ва кори дасти мақомот аст. “Зеро мақомоти тоҷик аз дарё гузаштани онҳоро дар рӯзҳои аввал умуман хабар надоштанд, танҳо баъд аз чанд рӯз вақте, ки маводи хӯрокашон тамом шуду аз гуруснагӣ дархости нон карданд, сипас мақомот аз вуҷуди онҳо хабардор шуданд.”

Наворе дар шабакаҳои иҷтомӣ нашр шуда, ки дида мешавад, нерӯҳои вежа аз як навҷавон дар бораи он ҷангҷӯён мепурсанд. Он ҷавони сокини маҳаллӣ мегӯяд, онҳо аз ӯ нон хоста буданд ва ва барояшон нон додааст. Эътирофи ин чавон дар навор низ тайид гуфтаҳои манобеи мо мебошад, ки ҷангчӯён аз сокинони маҳал дархости нон карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.