18.9 C
Dushanbe
Array

Вазъи саломатии Маҳмурод Одинаев дар зиндон бад шудааст

Бино ба иттилои манобеи Azda tv, вазъи саломатии Маҳмурод Одинаев, собиқ муовини раиси ҲСДТ дар зиндони нави шаҳри Ваҳдат вазнин шуда, ҳоло ӯро ба бемористони зиндон интиқол додаанд.

Гуфта мешавад, ин маҳбуси сиёсӣ аз бемории қалбу ҷигар ранҷ мебарад, то ҳадде, ки гиряву нола мекунад. Манбаъ мегӯяд, Одинаев аз замони боздошт дар соли 2020 то кунун аз саломатияш ҳамеша шикоят дошт, вале мақомот ба табобати ӯ таваҷҷуҳ намекард.

Ҳатто ӯ аввали моҳи феврал аз дохили зиндон бо навиштани нома аз масъулони маҳбаси шаҳри Ваҳдат ва Раёсати зиндонҳо хоста буда, ки ӯро дар бемористон ҷой кунанд. Пайвандону наздиконаш низ аз мақомот талаб дора буданд, ки вазъи ин зиндонии сиёсӣ ногувор нашуда, ба муолиҷаи ҷиддӣ ниёз дорад ва ӯро бояд дар бемористони маҳбас бистарӣ кунанд.

Дар ҳамин ҳол Фонди Бузургмеҳр Ёров аз мақомоти зиндонҳои Тоҷикистон талаб дорад, ки вазъи бади саломатии Маҳмурод Одинаевро ба назар гирифта, режими зиндонашро ба ҳабси хонагӣ иваз кунанд.

Ёдовар мешаем, ки моҳи декабри соли 2020 Маҳмурод Одинаев, собиқ муовини раиси ҲСДТ аз тарафи мақомот дастгир ва бо иттиҳоми авбошӣ ва даъват ба сарнагун сохтани ҳокимияти конистутсионӣ гунаҳкор дониста, ба 14 соли зиндон маҳкум шуд. Дертар мақомот дар моҳи сентябри соли 2021 Маҳмурод Одинаевро шомили афв карда, аз 14 соли ҳукми зиндони ӯ 3 солашро кам кардаанд. Аммо худи Одинаев афвро напазируфта хостори раҳоияш шуда буд.

Маҳмурод Одинаев 20-уми ноябри соли 2020 ва баъди дархости гирдиҳамоӣ нопадид шуд. Ӯро баъд аз ду ҳафта дар ҳудуди шаҳри Душанбе дастгир карданд.

Пеш аз боздошти Одинаев писараш Шайхмуслиҳиддин Ризоев низ боздошт шуда буд. Мақомот Шайхмуслиҳиддинро бо иттиҳоми “авбошӣ” ва “кӯшиши таҷовуз ба номус” барои 6 сол аз озодӣ маҳрум кард.

Пайвандони Маҳмурод Одинаев ӯ ва писарашро бегуноҳ медонанд ва боздошти онҳоро фармоишӣ ва ба хотири фаъолиятҳои сиёсии Одинаев арзёбӣ мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кишварҳои аврупоӣ давлати Фаластинро ба расмият шинохтанд

Рӯзи чоршанбе, 22-уми майи соли ҷорӣ кишварҳои Ирландия, Испания ва Норвегия аз тасмими худ дар бораи ба расмият шинохтани давлати Фаластин хабар доданд.

Сафари Раҳмон ба Теҳрон

Субҳи имрӯз Президенти Тоҷикистон дар раъси як ҳайати расмӣ вориди Теҳрон, пойтахти Эрон шуд.

Сомон Маҳмадбеков барандаи медали биринҷӣ гашт

Сомон Маҳмадбеков, варзишкори шинохтаи тоҷик медали қаҳрамонии ҷаҳонро ба Тоҷикистон овард.

Чин дар истихроҷи ангишт ва газ ба Тоҷикистон кумак мекунад

Мақомоти Тоҷикистон бо мақомоти Чин рӯзи 21-уми майи соли ҷорӣ дар робита ба сармуоягузории ин кишвар дар истихроҷи ангишт ва газ созишнома ба имзо расониданд.