-2.1 C
Dushanbe

Вазири корҳои хориҷии Афғонистон имрӯз 17 сентябр вориди Душанбе шуд

Муҳаммад Атмар Ҳаниф. Акс аз сомонаи Вазорати корҳои хориҷии Афғонистон

Вазири корҳои хориҷаи Афғонистон Муҳаммад Ҳаниф Атмар имрӯз 17 сентябр бо даъвати расмии вазири корҳои хориҷии Тоҷикистон Сироҷидин Муҳриддин барои таҳкими муносибатҳои Афғонистон бо Тоҷикистон дар бахшҳои амният, марз ва иқтисод вориди Душанбе шуд. Дар ин бора вебгоҳи Вазорати хориҷаи Афғонистон дар хабар медиҳад.

Дар расонаҳои расмии Тоҷикистон то ҳоло дар бораи сафари ин ҳайати баландпояи ҳамсоякишвар чизе гуфта нушудааст.

Қарор аст дар ин сафари расмӣ Муҳаммад Ҳаниф Атмар бо мақомҳои баландпояи Тоҷикистон, аз ҷумла бо президент Эмомалӣ Раҳмон, сарвазир Қоҳир Расулзода, вазири корҳои хориҷӣ Сироҷиддин Меҳриддин ва раиси Кумитаи давлатии амнияти миллии Тоҷикистон Саймумин Ятимов дидору гуфтугӯҳо анҷом диҳад. Муҳокимаҳо ба таҳкими минбаъдаи муносибатҳои ду кишвар дар бахшҳои амният, марз, нақлиёт, сармоягузорӣ, тиҷорат, транзит ва энергетика равона хоҳанд шуд.

Дар хабар Вазорат омадааст, ки дар ин сафари расмӣ Вазири хориҷаи Афғонистонро як қатор масъулони давлатӣ, раисони шаҳру вилоятҳо ва шуморе аз аъзоёни Парлумон ҳамроҳӣ мекунанд.

Ин сафараи масъули Вазорати корҳои хориҷии Афғонистон ба Тоҷикистон дар ҳоле сурат мегирад,  ки президенти расиҷумҳурони ду кишвар, Ашраф Ғанӣ ва Эмомалӣ Раҳмон рӯзи 3 сентябр дар як гуфтугӯи телефонӣ барои ташриф овардани як ҳайати байнивазоратӣ таҳти сарварии сарпарасти Вазорати корҳои хориҷ Афғонистон Муҳаммад Ҳаниф Атмар рӯзҳои наздик ба Тоҷикистон ба мувофиқа расида буданд.

Ду президент дар ин гуфтугӯи телефонӣ низ ба мувофиқа расидаанд, ки ҳайатҳои ду ҷониб масоили сиёсии байни ду кишвар, ҳамкориҳои иқтисодӣ ва амниятӣ, бавижа мубориза бо терроризм ва маводи мухаддирро баррасӣ хоҳанд кард.

Ҷумҳурии Тоҷикистон бо Ҷумҳурии исломии Афғонистон пеш аз 1400 километр марзи муштарак дорад. Дар ин кишвари ҳамсоя аз замони ҳуҷуми Шӯравӣ то ба ҳол беш аз 40 сол мешавад, ки ҷангҳои хунин идома дорад. Пас аз хуруҷи нерӯҳои Шӯравӣ аз хоки Афғонистон Гурӯҳи Толибон бо ҳукумати ин кишвар дар ҷанг аст. Чандест масъалаи сулҳ байни Толибон ва ҳукумати Афғонистон бо ташаббуси ИМА раванди сулҳ идома дорад. Рӯзи 12 сентябр дар Давҳа пайтахти Қатар байни ҳайатҳои Ҳукумат ва Толибон маросими ифтитоҳи музокироти сулҳ оғоз ёфт.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Толибон: Аҳмади Масъуд бо Иморати исломӣ байъат кардааст

Толибон мегӯянд, ки Аҳмади Масъуд, раҳбари ҷабҳаи муқовимати миллии Афғонистон бо Иморати исломӣ байъат кардааст.

Тасдиқи бемории Мамадшоева дар зиндон

Улфатхоним Мамадшоева, рӯзноманигор ва фаъоли зодаи Вилояти Мухтори Кӯҳистони Бадахшон дар зиндон аз фишорбаландӣ азият мекашад.

Бобаки Занҷонӣ баъди 10 сол озод мешавад

Бобаки Занҷонӣ, миллардер ва тоҷири шинохтаи эронӣ, ки бо иттиҳоми напардохтани беш аз 2 миллиард евро дар Теҳрон боздошт ва зиндонӣ шуда буд, озод хоҳад шуд.

Раиси Додгоҳи ноҳияи Ҷаббор Расулов бо кадом ҷурм зиндонӣ шуд?

Агентии зидди фасоди Тоҷикистон мегӯяед, раиси Додгоҳи ноҳияи Ҷаббор Расулов бо иттиҳоми гиирфтнаи пора дар ҳаҷми калон боздошт ва равонаи зиндон шуд.