Сироҷиддин Муҳриддин, вазири корҳои хориҷии Тоҷикистон бо Наҷот Шамим Хон, муовини додситони Додгоҳи байналмилалии ҷиноӣ мулоқот кардааст.
Бино ба иттилои сомонаи расмии ВКХ, мулоқот 19-уми ноябри соли 2025 дар шаҳри Брюссел баргузор гардидааст. Ҷонибҳо дурнамои рушди ҳамкорӣ байни Тоҷикистону Додгоҳи байналмилалии ҷиноӣ ва тадорукот ба иҷлоси Ассамблеяи кишварҳои узви Статути Румро, ки қарор аст аз 1-ум то 6-уми декабри соли 2025 дар шаҳри Ҳааги Подшоҳии Нидерланд баргузор гардад, баррасӣ кардаанд.
Вазорати корҳои хориҷии кишвар ҷузъиёти дигаре аз ин мулоқот надодааст ва маълум нест ба ҷуз масъалаҳои гуфташуда ҷонибҳо боз дар бораи чӣ гуфтугӯ кардаанд.
Мулоқоти Сироҷиддин Муҳриддин бо муовини прокурори ДБҶ дар ҳоле сурат мегирад, ки Ҳизби наҳзати исломии Тоҷикистон бо созмони ғайриҳукуматии Хазинаи ихтиёриёни байналмилалии Украина (FUVI) ва созмони ҷамъиятии Озодӣ барои Авруосиё беш аз 60 парвандаи нақзи ҳуқуқи инсон, шиканҷа, таҷовуз ба номус, боздоштҳои худсаронаи мухолифин, таъқиб, фишор ва мусодираи молу дороӣ дар Тоҷикистонро ҷамъоварӣ намуда, моҳи апрели соли 2025 тавассути вакили мудофеи худ Николас Лигнул ба Додситонии Додгоҳи байналмилалии ҷиноӣ шикояти расмӣ карда буданд.
Гуфта мешавад, шикоят бо дастгирии Кумитаи Ҳелсинкии Норвегия омода шуда буд ва дар парванда ҷиноятҳои Эмомалӣ Раҳмон ва мақомдоронаш аз соли 2011 то имрӯз ҷамъоварӣ гардида буд. Ва бо пешниҳоди шикоят аз ДҶБ хоста шуда, ки алайҳи мақомоти Тоҷикистон, аз ҷумла Эмомалӣ Раҳмон тафтишот оғоз шавад ва онҳо ба ҷавобгарӣ кашида шаванд ва дар пайгарди байналмилалӣ қарор дода шаванд.
Маълум нест мулоқоти ин вазири тоҷик бо яке аз масъулони ин додгоҳ то куҷо ба шикояти ҲНИТ аз болои мақомдорони Тоҷикистон ва Эмомалӣ Раҳмон рабт дорад ва чӣ таъсире ба он хоҳад расонд.
Аммо Салим Султонзода, сухангӯи Паймони Миллии Тоҷикистон дар саҳфаи фейсбукии худ навишта, ки сафари оҷили намояндаи раҳбарикунандаи ВКХ маҳз бо мақсади баррасӣ, назорат ва таъсиррасонӣ ба ҳамон шикояти Паймони Миллӣ Тоҷикистон (ҲНИТ шомили ин эътилоф аст) сурат гирифтааст.
Ба гуфтаи Султонзода, мақомоти Душанбе хуб дарк мекунанд, ки парвандаи Гаага дорои хусусияти фаромиллӣ ва ғайрисиёсӣ буда, дар назди ДБҶ болотар аз ҳама гуна мансаб ва мақом қарор дорад ва худи воқеияти қабули шикоят ва сарусадоҳо атрофи он нишон медиҳад, ки қазия таъсири сахт дар баданаи режими Эмомалӣ Раҳмон доштааст
Ҳамчунин ӯ бар ин бовар аст, ки намояндаи баландпояи Тоҷикистон ба Брюссел бо ҳадафи назорат бурдан, пешгирӣ ё кам кардани эҳтимоли баррасии парванда дар сатҳи болотар, фиристода шудаааст. Аммо Султонзода таъкид мекунад, ки дар механизми Суди Байналмилалии Ҷиноӣ лобби, фишор ва сафсатасозӣ натиҷа намедиҳад,
