31.2 C
Dushanbe

Воксинаи вируси COVID-19 ба ба муомилот бароварда шуд

Гурӯҳи аввали ваксинаи русӣ аз коронавирус “Спутник-V” ба муомилоти шаҳрвандӣ бароварда шуд. Дар ин бора аз Вазорати тандурустии Русия хабар додаанд.

Дар Вазорат қайд кардаанд, ки ваксина аз ҳама озмоишҳои зарурии лабораторӣ гузаштааст.

Пештар директори Маркази миллии тадқиқотии эпидемиология ва микробиология ба номи Гамалея пешгӯӣ карда буд, ки дар сурати эмгузаронии оммавии бомуваффақият, пандемияи коронавирус дар Русия тобистони оянда хотима хоҳад ёфт.

Ба гуфтаи ӯ, андозаи истеҳсолот имкон медиҳад, ки дар давоми 12 моҳ 80 миллион доза ваксина истеҳсол карда шавад.

Ваксинаи Русия алайҳи коронавирус дар ду навъ – барои кӯдакон ва калонсолон пешниҳод карда мешавад, дар ин бора РИА Новости бо такя ба гуфтаҳои мудири шӯъбаи Маркази миллии тадқиқотии эпидемиология ва микробиология ба номи В.И. Гамалея, профессор Александр Бутенко хабар дод.

“Ду навъи ваксинаҳо пешбинӣ шудааст: барои калонсолон ва кӯдакон. Барои кӯдакон, он сабуктар ва камтар реактогенӣ хоҳад буд. Вазни бадани кудакон нисбат ба калонсолон камтар аст, аз ин рӯ миқдори онҳо кам карда мешавад”, – мегӯяд профессор Бутенко.

Мутахассис қайд кард, ки системаи иммунии кӯдакон шояд мисли калонсолон инкишоф наёфта бошад.

Ба гуфтаи Бутенко, тавлиди ваксина барои кӯдакон пас аз хатми марҳилаи озмоиши оммавӣ оғоз хоҳад шуд. Дар таҳқиқоти он одамони синну соли гуногун аз зану мард ҷалб карда мешаванд.

Аз ба қайдгирии аввалин ваксинаи зидди коронавирус, ки Русия истеҳсол кардааст, моҳи август президенти ин кишвар Владимир Путин хабар дод. Ваксина “Спутник V” номгузорӣ шудааст. Аввалин шуда, табибон ва шаҳрвандони гурӯҳи осебпазир эм карда мешавад ва тақрибан дар миёнаи сентябр эмгузаронии оммавии русҳо оғоз меёбад.

То имрӯз дар тамоми ҷаҳон аз бемории коронавирус зиёда аз 891 ҳазор нафар фавтида, зиёда аз 27 млн нафар ба ин беморӣ гирифтор шудаанд. Тибқи омори расмӣ дар Тоҷикистон 8824 нафар ба ин беморӣ гирифтор шуда, 70 нафар фавтидааст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши “рейд”-и муҳоҷирон дар Челябинск

Дар вилояти Челябински Русия тафтиш ва амалиётҳои махсуси мақомоти қудратӣ болои муҳоҷирони корӣ афзоиш ёфтааст.

Кушта шудани чанд коргари афғон дар Тоҷикистон

Ба иттилои расонаҳо, 8 шаҳрвнади Афғонистон дар пайи як таркише дар кони истихроҷи ангишт воқеъ дар вилояти Суғди Тоҷикистон ҷон бохтаанд. 

Ҷанги Русия ва Украина ба поён мерасад?

Москва пешниҳод кард, ки музокирот бидуни ягон шартҳои муқаддамотӣ оғоз шавад, аммо Киев аввал мулоқоти рӯбарӯ бо Путинро талаб кард.

Иқомаи як муҳоҷири тоҷик дар Русия бекор шуд

Пулиси шаҳри Самараи Федератсияи Русия иқомаи доимии як шаҳрванди Тоҷикистонро бекор кард.