32.9 C
Dushanbe

Вокуниши Русия ба хабари пайвастани Финландия ба НАТО

Дабири кулли НАТО (Созмони Аҳдномаи Анталникаи Шимолӣ) Йенс Столтенберг аз пайвастани Финландия ба ҳайси 31-умин узви ин созмони низомӣ хабар дод.

Столтенберг дар нишасте эълом кард, ки рӯзи сешанбе кишвари Финландия ба таври расмӣ ба эътилофи НАТО мепайвандад. Финландия дар шимоли Аврупо ҷойгир буда, бо Русия беш аз 1300 километр марзи муштарак дорад.

Хабари пайвастани ин кишвар ба НАТО Русияро нигарон кардааст. Дар вокуниш ба ин хабар Русия низ эълом кард, ки нерӯҳои дифоияшро дар наздикии марз бо Финландия тақвият мебахшад.

Котиби матбуотии расиҷумҳури Русия Дмитрий Песков рӯзи сешанбе гуфт, ки пайвастани Финландия ба НАТО “ташдид ёфтани вазъият”, “таҷовуз ба амнияти Русия” аст. Ӯ афзуд, ки дар робита ба ин иқдом кишвараш “чораҳои муқобил” меандешад.

Ҳамзамон Вазорати корҳои хориҷаи Русия дар вокуниш ба ин иқдоми Финландия гуфт, ки ин кишвар баъд аз ҳамроҳ шудан ба НАТО озодӣ ва истиқлоли худро зери суол мегузорад. Ин ниҳоди калидии Русия мегӯяд, пас аз ҳамроҳ шудани Финландия ба ин эътилофи низомӣ авзоъ дар Аврупои Шимолӣ куллан тағйир хоҳад ёфт.

Русия густариши эътилофи НАТО-ро дар назди марзҳояш таҳдид ба амнияти худ арзёбӣ мекунад. Аммо Дабири кулли НАТО Йенс Столтенберг мегӯяд, ки маҳз амалкардҳои Русия боиси густариши ин созмони низомӣ шудааст, на баръакс.

Ҳамзамон рӯзи сешанбе расонаҳои Русия иттилоъ доданд, ки пас аз эълони ҳамроҳ шудани Финландия ба НАТО Вазорати хориҷаи ин кишвар аз муваққатан баста шудани филиали консулгарии генералияш дар шаҳри Петрозаводски Русия хабар дод.

Мақомоти Финландия далели бастани консулгарии худро дар шаҳри Петрозаводски Русия ба “коҳиши қобили мулоҳизаи шумори вазифаҳои калидӣ” рабт дода, мегӯяд, ки кормандони он ниёзе ба доштани дафтари махсус дар ин шаҳр надоранд. Аммо расонаҳои русӣ ин амалро иқдомои Финландия ба амалкарди ахираш талаққӣ кардаанд.

Пас аз ҳамлаи Русия ба Украина ва ба далели нигарониҳои амниятӣ баъзе кишварҳои Аврупои Шимолӣ, аз ҷумла Финландия ва Шветсия хостори ҳамроҳ шудан ба НАТО шуданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Баргузории ҳамоишҳои эътирозӣ дар Олмон

Ҷамъе аз фаъолони олмонӣ ва тоҷикистонӣ тасмим гирифтаанд, ки ҳафтаи оянда се ҳамоиши эътирозӣ дар Берлин - пойтахти Олмон баргузор кунаад.

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.