32.9 C
Dushanbe

Волии Ҳирот дар куштани олимони Афғонистон Тоҷикистонро муттаҳам кард

Мавлавӣ Нураҳмад Исломҷор, волии Ҳироти Афғонистон дар як суханронии ахираш Тоҷикистонро ба он муттаҳам кард, ки “террорист”-ҳоро дар худ ҷой дода, барои куштани олимон ба Афғонистон мефиристад.

Мавлавӣ Нураҳмад Исломҷор, волии Ҳироти Афғонистон

Ин намояндаи Толибон дар суханронияш, ки сабти он 5 рӯзи пеш ба шабакаҳо роҳ ёфтааст, мегӯяд, нафарони зиёде, ки дар куштан ва террори чеҳраҳои бонуфузи Афғонистон ва хусусан дар Ҳирот даст доштанд, дастгир кардаанд.

Ба гуфтаи волии Ҳирот, куштани олимон ва шахсони бонуфузи Афғонистон бо як тарҳрезии мушаххас аз беруни кишвар роҳнамоӣ мешавад. Ва одатан касоне, ки дар куштани олимони динӣ даст доранд, “шахсони ҷоҳиланд аз дин маълумоте надоранд.”

Ӯ ҳамчунин гуфт: “Ҳоло маҷбур ҳастем, ки миллати худро дар ҷараён бигузорем, гоҳе авқот мо як қотилро пайдо кардем. Аз ҳамин Ҳирот, ки мардуми бегуноҳро шаҳид мекарда. Ӯ аз Душанбеи Тоҷикистон меравад ба Русия ва аз Русия меравад ба Туркия ва аз Туркия меояд ба Эрон ва аз Эрон тавассути марз меояд ба Ҳирот”.

Дар ин суханронӣ Нураҳмад Исломҷор ошкор нагуфт, ки қотилон шаҳрвандони Тоҷикистон ҳастанд ва ё худи афғонҳои муқими Душанбе, аммо таъкид кард, ки онҳо “низоми исломиро намехоҳанд”.

Волии Ҳирот дар хитоб ба рақибони сиёсии Иморати исломӣ, ки Душанберо бештар мавриди назар дошт, гуфт: “Он нақшаҳои шуме, ки шумо доред ва гумон мекунед низоми исломиро заифъ мекунед, ин нақшаҳо бисёр барбод аст.

Мақомоти расмии Толибон дар ин бора тавзеҳи бештаре надодаанд ва мақомоти Тоҷикистон низ то ҳол ба изҳороти волии Ҳирот вокунише накардаанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Мишустин аз густариши ҳамкориҳои Русия бо Тоҷикистон гуфт

Михаил Мишустин, сарвазири Русия дар суҳбат бо ҳамтои тоҷикаш...

Трамп расман ба даст доштан дар ҷинояти нав муттаҳам шуд

Доналд Трамп, собиқ раисҷумҳури Амрико аз сӯи Вазорати додгустарии ин кишвар дар парвандаи нигаҳдории асноди маҳрамонаи давлатӣ пас аз поёни давраи президентияш муттаҳам мешавад.

Мулоқоти сафири Тоҷикистон бо Додситони кулли Туркия

Ашрафҷон Гулов, домоди Эмомалӣ Раҳмон ва сафири Тоҷикистон дар Туркия, 8-уми июни соли ҷорӣ бо Додситони кулли Туркия Бекир Шоҳин мулоқот карда, ба густариши ҳамкориҳо таъкид кард.

Ифтитоҳи бузургтарин масҷиди Осиёи Марказӣ дар Тоҷикистон

Бузургтарин масҷиди Осиёи Марказӣ бо ҳузури Амири давлати Қатар Шайх Тамим ибни Ҳамад Оли Сонӣ ва Эмомалӣ Раҳмон, Президенти Тоҷикистон дар шаҳри Душанбе мавриди баҳрабардорӣ қарор гирифт.