Тоҷикистон бо 108 кишвари олам ҳамкории тиҷоратӣ доштааст. Аммо ҳаҷми воридоти маҳсулот аз 89 кишвар аз содирот ба маротиб бештар мебошад. Аз 66 кишвар танҳо воридот доштааст вале маҳуслот содир накардааст.
Хабаргузории «Авесто» бо такя ба маълумоти Вазорати рушди иқтисод ва тиҷорати Тоҷикистон менависад, давоми панҷ моҳи соли ҷорӣ ҳаҷми гардиши савдои хориҷии кишвар1,8 миллиард долларро ташкил додаааст, ки 9,3%, ва ё $158,9 млн. дар муқоиса бо ҳамин давраи соли гузашта бештар будааст. Ба гуфтаи манбаъ тавозуни тиҷорат манфӣ буда $675,1 млнро дар бар мегирад. Воридоти маҳсулот дар ҳамин давра дар ҳаҷми бештар аз $1,2 млрд, ки нисбат ба соли 2019 2,2%, ё $29 млн бештар мебоашд. Содироти маҳсулот то 45,8%, ва ё $187,9 млн. афзоиш ёфта $598,4 млнро ташкил додааст.
Нишондодҳои содироти маҳсулот аз 89 кишвар аз воридоти маҳсулот бештар аст. Танҳо бо 12 кишвар нишондодҳои содироти маҳсулот назар ба воридот бештар будааст, ки он ҳам бо фарқияти ночиз. Дар шумори чунин кишварҳо Швейцария ва Туркия қарор гирифтаанд,ки умдатан маъданҳои гаронарзиш алюминий ва нахи панба содир карда мешавад. Ҳаҷми содироти маҳсулот ба ҷазираҳои Вирҷиниё 2 миллион долларро ташкил додааст.
Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp , Viber ва Imo ба ин рақам: +48519767404 бифиристед.