14.9 C
Dushanbe

ВКХ аз шаҳрвандон бо исрор хост ба Қирғизистон сафар накунанд

Вазорати корҳои хориҷаи Тоҷикистон 2-юми феврал зимни нашри баёнияе аз шаҳрвандони кишвар, ба хусус донишҷӯён бо исрор хоста, ки ба кишвари ҳамсояи Қирғизистон сафар накунанд.

Вазорати корҳои хориҷаи кишвар иброз медорад, ки бо вуҷуди фармоиши Девони вазирони Ҷумҳурии Қирғизистон аз 22 октябри соли 2021 дар бораи муҳайё намудани имконият барои шаҳрвандони Ҷумҳурии Тоҷикистон ҷиҳати таҳсил ва фаъолияти корӣ намудан дар муассисаҳои таълимии Қирғизистон, боз ҳам ҳолатҳои боздошти донишҷӯёни тоҷик дар гузургоҳҳои сарҳадии ин кишвар ва ҳолатҳои муносибати ғаразнок нисбат ба шаҳрвандони тоҷик мушоҳида мешавад.

“Муассисаҳои таълимоти олии Қирғизистон таҷрибаи ба таври сунъӣ кашол додани раванди бозпасдиҳии ҳуҷҷатҳои донишҷӯёни тоҷикро идома дода, барои судури ҳуҷҷатҳои лозима барои гузариш ба макотиби олии Тоҷикистон монеа эҷод месозанд. Зимни ин дар аксар мавридҳо ба донишҷӯён шарт гузошта мешавад, ки маблағи ҳаққи таълимро барои соли пурраи таҳсил пардохт намоянд, ҳарчанд дар қарордодҳои онҳо бо муассисаҳои таълимии Қирғизистон талаботи мазкур пешбинӣ нашудааст.”, омадааст дар баёнияи вазорат.

Дар идома таъкид мешавад, ки бо дарназардошти ҳолатҳои мазкур Вазорати корҳои хориҷии Тоҷикистон аз шаҳрвандони кишвар, ки дар муассисаҳои таълимии Қирғизистон таҳсил ва кор мекунанд, бо исрор хоҳиш менамояд, ки аз сафар ба кишвари мазкур худдорӣ кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Тоҷикистон шомили кишварҳои олудатарини ҷаҳон шуд

Созмони швейтсариягии IQAir, ки сифатнокии ҳаворо дар кишварҳои ҷаҳон таҳқиқ мекунад, дар гузориши тозааш Тоҷикистонро шомили кишварҳои олудатарини дунё кардааст.

Шикояти муҳоҷирони тоҷик дар Русия аз боздошту шиканҷа

Пас аз ҳодисаи ҳамла ба бинои "Крокус Сити Ҳолл" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Ҳабси пешакии гумонбарон дар ҳамлаи хунини Русия

Пас аз ҳодисаи ҳамла ба бинои "Крокус Сити Ҳоле" дар Маскав муҳоҷирони тоҷик аз ҷониби пулис ва ҳатто мардуми оддӣ мавриди ҳамлаҳои лафзӣ ва ҷисмӣ қарор гирифтаанд.

Баррасии ҳамкориҳои Тоҷикистону Туркия

Мақомоти баландпояи Тоҷикистон ва Туркия дар бораи ҳамкориҳои худ ва аз он ҷумла дар бораи масоили амниятӣ суҳбат карданд.