22.9 C
Dushanbe

Шумори қурбониёни заминларза аз 36 ҳазор гузашт

Аз заминларзаи мудҳиши Туркия ва Сурия ва кишварҳои минтақа, ки дар натиҷа миллионҳо нафар зарар дидаанд, як ҳафта гузашт ва ҳамоно умедҳо барои наҷоти мардум вуҷуд дорад.

Созмони Милал моро хор кард

Имрӯз, 13-уми феврали соли 2023 гузоришҳои мақомоти Туркия ва Сурия аз он ҳикоят доранд, ки теъдоди қурбониёни ҳодисаҳои заминларзаҳои ахир аз марзи 36 ҳазор нафар убур кардааст.

Бар асоси ин омор теъдоди қурбониён дар Туркия зиёда аз 31 ҳазору 643 нафар ва ин теъдод дар Сурия беш аз 4 ҳазору 500 нафарро ташкил медиҳад. Аммо “Марсад“, созмони ҳуқуқи инсон дар Сурия мегӯяд, ки теъдоди қурбониёни ин кишвар ба беш 5 ҳазору 200 нафар расидааст. Шумори маҷруҳони Тукрия ва Сурия низ дар ҳоли афзоиш буда, аз марзи 90 ҳазор нафар убур кардааст.

Сокинони шимолу ғарбии Сурия, ки аз ҳама зиёдтар зарар дидаву он минтақа зери назорати озодихоҳони ин кишвар қарор дорад, бо сарчапа тасвир кардани парчами Созмони Милали Муттаҳид мегӯянд, ки Созмони Милал моро хор кард.

Аз сӯи дигар, намояндаи Созмони Миллали Муттаҳид низ дар Сурия мегӯяд, ки онҳо ҳақ доранд дар бораи ҷомеаи ҷаҳонӣ чунин қазоват бикунунд. Дар ин минтақа зиёда аз 4 миллион нафар ба сурати фаврӣ ба кумакҳои аввалия ниёз доранд. Ҳазорҳо нафар аз сокинони ин минтақа бесарпаноҳ монда, дар ин рӯзҳои сард рӯи замин мехобанд. На хаймае доранд, ки сарашонро паноҳ кунанд ва на обу ноне, ки ишмакҳояшон сер шавад.

Кумакҳои СММ баъд 6 рӯз аз гузашти ин ҳодиса ба Сурия расиданд. Имрӯз ҳам Созмони Милал дар бораи ирсоли кумакҳо ва бардоштани таҳримҳои иқтисодӣ аз ин кишвар ташкили ҷаласа дорад ва интизор меравад, ки ба як натиҷаи мусбате даст ёбанд.

Гуфта мешавад, бо вуҷуди ин ҳама шароити душвор ҳамоно ҳама умедҳо барои наҷоти мардумони зери оворҳо ва вайронаҳо ба ҷо монда идома дорад ва дар ин лаҳзаҳое, ки ин матлаб таҳия мешуд, хабар расид, ки гурӯҳҳои наҷот баъд 176 соат як пиразанро ҳамроҳи духтар ва наберааш зинда аз зери вайронаҳо берун бароварданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Раҳмон ба Итолиё меравад?

Вазорати корҳои хориҷӣ ва ҳамкории байналмилалии Итолиё дар якҷоягӣ бо Оҷонсии савдои ин кишвар (ICE) дар бораи Тоҷикистон нишаст баргузор мекунанд.

Ихроҷи 600 муҳоҷири кории тоҷик аз Корея

Дар давоми камтар аз як моҳи ахир мақомоти Кореяи Ҷанубӣ беш аз 600 муҳоҷири кории шаҳрвнадони Тоҷикистонро аз ин кишвар ихроҷ кардаанд.

Сафари Шавкат Мирзиёев ба Душанбе

Раисҷумҳури Узбекистон Шавкат Мирзиёев рӯзи 18-уми апрели соли ҷорӣ бо сафари расмӣ вориди пойтахти Тоҷикистон шаҳри Душанбе шуд.

Тахриби масҷид дар Маскав

Мақомоти дахлдлори Русия дар шаҳри Троитски вилояти Маскав масҷиди Абӯбакрро пурра тахриб карданд.