17.9 C
Dushanbe

Зубайдуллоҳи Розиқ аз утоқи ҷаримавӣ озод карда шуд

Зубайдуллоҳи Розиқ, зиндонии сиёсии 80-сола ва собиқ узви раёсати Олии Ҳизби наҳзати исломии Тоҷикистон аз утоқи ҷаримавӣ (ШИЗО) ба утоқи маъмулӣ гузаронида шудааст.

Дар ин бора имрӯз 1-уми августи соли ҷорӣ Ваколатдори ҳуқуқи инсон дар Тоҷикистон Бобозода Умед дар нишасти матбуотӣ хабар дод.

Ин масъули ҳуқуқи инсон дар кишвар гуфт, ки пас аз нашри хабарҳо дар мавриди ба утоқи ҷаримавӣ гузаронидани Зубайдуллоҳи Розиқ бо сабаби риоя накардани тартиботи дохилии маҳбасхона ба муассисаи ислоҳие, ки ӯ дар онҷо ҳаст тамос гирифтанд, масъулони зиндон гуфтанд, ки айни ҳол ӯ аз ШИЗО озод карда шуда, ба утоқи маъмулӣ гузаронида шудааст.

Аммо ваколатдори ҳуқуқи инсон дар Тоҷикистон нагуфт, ки Зубайдуллоҳи Розиқ, пирамарди 80-сола бо кадом ҷурм ба утоқи ҷаримавӣ интиқол дода шуд.

Пойгоҳи ПАЁМ бо нашри хабаре гуфта буд, ки Зубайдуллоҳи Розиқро “барои хондани намози шаб” ба утоқи ҷаримавӣ андохтаанд.

Дар ҳамин ҳол Зубайдуллоҳзода Ҳисом, писари Зубайдуллоҳи Розиқ дар суҳбат бо Azda tv озодии падарашро аз утоқи ҷаримавӣ таъйид карда, гуфт: “падарамро аз утоқи ҷаримавӣ раҳо кардаанд, вале саломатияш хуб нест. Хонавода имрӯз давоҳои лозимаро барояш бурданд“.

Аз ин пештар ҳам наздикони Зубайдуллоҳи Розиқ нигарони саломатии ӯ буданд. Гуфта мешуд, чун утоқи ҷаримавӣ, ки хеле шароити вазнин дорад, таҳаммул кардани чунин шароит барои як пирамард хеле душвор аст.

Зубайдуллоҳи Розиқ ҳамроҳи дигар аъзоёни аршади ҲНИТ сентябри соли 2015 боздошт ва соли 2016 бо иттиҳомоти гуногун барои 25 сол аз озодӣ маҳрум карда шуд. Иттиҳометое, ки худи ва пайвандонаш ба куллӣ рад мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...

Боздошти собиқ раиси Тоҷик-Эйр

Мақомоти Тоҷикистон собиқ раиси Фурӯдгоҳи байналмилалии шаҳри Душанбе ва ширкати ҳавопаймойи "Тоҷик-Эйр"-ро боздошт кардаанд.

Сиёсати ҷанг ё идораи об?

Дар натиҷаи набардҳои ба вуҷуд омада дар минтақаҳои ҳаммарзи Афғонистон ва Эрон дасти кам се нафар кушта ва даҳҳо каси дигар аз ду тараф ҷароҳат бардоштанд.

Аз истирдоди як тоҷик ба Душанбе пешгирӣ шуд

28-уми майи соли ҷорӣ аз истирдоди паноҳҷӯи тоҷик Сорбон Абдураҳимзодаи 30-сола аз Варшава ба Душанбе пешгирӣ шуд.