Эрон ба сурати яктарафа раводиди шаҳрвандони Тоҷикистон ва 32 кишвари дунёро барои вуруд ба ин кишвар лағв кард.
Бино ба иттилои расмӣ, 13-уми декабри соли 2023 Ҷумҳурии исломии Эрон раводиди шаҳрвандони кишварҳои Тоҷикистон, Узбекистону Қирғизистон ва 30 кишвари дигарро ба сурати яктарафа бекор кард.
Ба қавли манбаъ, Эрон дар маҷмуъ раводиди шаҳрвандони 17 кишвари ссиёӣ, 6 кишвари африқоӣ, 5 кишвари аврупоӣ ва 5 кишвари дигар аз Амрикои Лотин ҳам дар ин иқдоми якҷонибаи худ бекор кардааст. Дар байни кишварҳои осиёӣ кишварҳои подшоҳии Арабистони Саудӣ, Подшоҳии Баҳрайн, Қатар, Кувайт, Лубнон, Тунис, Малайзия ва Сингапур низ ҳастанд.
Ҷолиб он ки дар байни ин 33 кишвар исми ҳеч аз кишварҳои ҳамсояи Эрон ба мисли Афғонистону Покистон, Туркманистону Озарбойҷон ва Туркияву Ироқ, ки бо ин кишвар марзҳои муштараки заминӣ доранд, вуҷуд надорад. Эрон раводид шаҳрвандони Ҳиндустонро низ бекор карда, вале Афғонустону Покистонро на.
Гуфта мешавад, 8-ноябри соли ҷорӣ ҳангоми сафари Иброҳим Раисӣ ба Тоҷикистон вазирони корҳои хориҷаи Эрон ва Тоҷикистон дар ҳузури сарони ду кишвар санади рафтуомади бераводид (виза) миёни ду кишварро имзо карда буданд.
Бо гузашти беш аз як моҳ ҳамоно ҷониби Тоҷикистон ба сурати расмӣ дар бораи мавриди амал қарор гирифтани ин санади рафтуомади бераводид байни Тоҷикистон ва Эрон хабар надодааст. Аммо ҷониби Эрон мегӯяд, ки лағви раводид барои шаҳрвандони 33 кишвари дунё, аз ҷумла Тоҷикистонро ба сурати яктарафа мавриди амал қарор додааст.
