35.9 C
Dushanbe

Ду таркиш дар як рӯз дар шаҳри Кобул

Акс аз: “www.aa.com.tr”

Бино ба гузориши хабаргузории “Ariananews”-и Афғонистон имрӯз 19 август дар шаҳри Кобул ду таркиш ба вуқӯъ пайваст, ки бар асари он ду нафар захмӣ ва ду каси дигар кушта шуданд. То ҳол масъулияти ин амали террористиро касе ба душ нагирифтааст.

Фирдавс Фарамарз, сухангӯи Фармондеҳи полиси Кобул гуфт, ки таркиши аввал рӯзи чаҳоршанбе (19 август) тақрибан соати 6:45 субҳ ба вақти маҳаллӣ дар минтақаи 12-уми амниятии шаҳри Кобул рух додааст. Ҷаноби Фарамарз гуфт, ки ин ҳодиса бо таркиши як минаи магнитӣ, ки дар як мошини худрав ҷогузорӣ шуда буд, рух додааст.

Вай афзуд: “Соати 8 саҳар, дар ин таркиши минаи магнитӣ як мошини навъи Corolla, ки ба вазорати маориф тааллуқ дошт, дар шаҳри Кобул мавриди ҳадаф қарор гирифт. Сухангӯи идораи полиси Кобул таъйид кард, ки дар ин инфиҷорҳо ду нафар кушта ва ду нафари дигар маҷрӯҳ шудаанд. Масъулияти ин инфиҷорҳоро ҳеҷ гурӯҳ ё шахси алоҳида то ҳол ба дӯш нагирифтааст.

Ёдрас мекунем, ки чандест дар Ҷумҳурии исломии Афғонистон бо ташаббуси Амрико ва қувваҳои минтақа бо ҳадафи таъмини сулҳ раванди музокироти байни Толибон ва ҳукумати ин кишвар идома дорад. Яке аз шартҳои асосии Толибон барои ризоият ба идомаи музокирот ин раҳоии зиндониёни ин гурӯҳ буд, ки айни ҳол бо дастури Ашраф Ғанӣ иддае аз онҳо раҳо шуд ва ҳаминтавр қарор аст 400 тан аъзоёни Толибон аз зиндонҳои Афғонистон раҳо шаванд.

Ҳафтаи гузашта расонаҳои Афғонистон аз раҳо шудани 80 зиндонии хатарнок аз зиндонҳои ин кишвар хабар дода буданд. Ин дар ҳолест, ки аксари коршиносон ва таҳлилгарони масоили сиёсӣ дар минтақа бар ин боваранд, ки сулҳ бо Гурӯҳи Толибон чандон ба манфиат нест. Ва ин таркишу кушторҳое, ки ҳамзамон дар ҷараёни сулҳ сурат гирифтаистодааст, кори дасти онҳост.

Хабарро таблиғ кунед:

БЕШТАР БИХОНЕД
БЕШТАР БИХОНЕД

ДБҶ ҳукми боздошти ду раҳбари Толибонро содир кард

Додгоҳи Байналмилалии Ҷиноятӣ (ICC), воқеъ дар шаҳри Ҳагаи Нидерландия, барои ду раҳбари аршади Толибон, Ҳайбатуллоҳ Охунзода ва Абдулҳаким Ҳаққонӣ ҳукми боздошт содир намуд.

Гуфтугӯҳо миёни Трампу Натанёҳу ба чӣ анҷомид?

Бинёмин Натанёҳу, нахуствазири Исроил рӯзи душанбе барои мулоқот бо Доналд Трамп ба Амрико сафар кард.

Ҳукми зиндони Дилмурод маълум шуд

Мақомоти Тоҷикистон фаъоли сиёсӣ ва узви ҶИРТ Дилмурод Эргашевро ба 8 соли зиндон маҳкум кард.

Гурӯҳе аз имомони мусалмони кишварҳои ғарбӣ ба Исроил сафар карданд

Субҳи 7-уми июл, Президенти Исроил Исаак Ҳерсог дар қароргоҳаш бо як гурӯҳ аз имомон ва намояндагони ҷомеаҳои мусалмонӣ аз Фаронса, Белгия, Нидерланд, Италия ва Британияи Кабир дидору гуфтугӯ намудааст.