Давоми панҷ моҳи соли 2025, Шуъбаи ҳифзи муҳити зисти шаҳри Бохтар шаш мансабдорро барои нақзи қоидаҳои партовкашонӣ беш аз 18 ҳазор сомонӣ ҷарима кардааст.
Аз ҷумла, як директори корхонаи КФД “Ниҳолпарварӣ ва кабудизоркунӣ” 10 ҳазору 800 сомонӣ ва панҷ масъули дигар ҳар кадом 1500 сомонӣ ҷарима шуданд.
Дар маҷмуъ 96 нафар ба маблағи 52 ҳазор сомонӣ ҷаримабандӣ гардида, қариб тамоми маблағ ситонида шудааст. Баъзе аз ҷаримаҳо ба давраи соли гузашта тааллуқ доштанд.
Ҷаримаи мансабдорони муҳити зисти шаҳри Бохтар дар ҳоле аст, ки борҳо сокинон аз шароити бади муҳити зист, саривақт тоза накардани партовгоҳо, тоза накардаи ҷӯйборҳои шаҳр ва роҳҳои хароби мошингар шикоят кардаанд.
Давлаталӣ Саид, раиси вилояти Хатлон дар як нишасти матбуотӣ мушкилоти коммуналӣ дар шаҳри Бохтаро тасдиқ карда буд.
Ӯ он замон гуфта буд, ки дар ҳоли ҳозир масъулини ин шаҳр тавони ҳалли мушкили патовгоҳоро надоранд ва наметавонанд саривақт партовҳои маркази шаҳрро тоза кунанд.
