26.9 C
Dushanbe

Баёнияи муштараки вазирони хориҷа дар нишасти Теҳрон

Вазирони умури хориҷаи кишварҳои ҳамсояи Афғонистон дар охири нишасти Теҳрон рӯзи 27- уми октябр дар як баёнияи муштаракае тавофуқоти худро эълом карданд.

Вазирони корҳои хориҷии ҳамсояҳои Афғонистон дар баёнияи муштарк ба 11 банд мувофиқа карданд. Яке аз тавофуқоти аслии ин баёния ин аст, ки танҳо роҳи ҳалли мушкилоти амнӣ ва сиёсии Афғонистон ташкили давлати фарогир, ки ҳама ақвом дар он шомил бошанд, мебошад.

Дар нишасти мазкур бар ҳимоят аз ҳокимияти миллӣ, истиқлоли сиёсӣ, ваҳдат ва тамомияти арзӣ, адами мудохила дар умури дохилии Афғонистон таъкид шуд.

Дар яке аз бандҳои дигари баёнияи муштараки ин нишаст аз кишварҳое, ки масъули аслии мушкилоти Афғонистон дониста мешаванд ва ҷомеаи байналмиллаӣ хоста шуда, ки барои мардмуи Афғонистон, ки дар ҳолати бади иқтисодӣ ва маишӣ қарор доранд, ба тааҳудоти худ пойбанд бимонанд ва кумакҳои иқтисодӣ ва башардӯстонаи худро ҳарчи зудтар ба ин кишвар бирасонанд.

Инчунин дар нишаст таъкид бар он шуд, ки созмонҳои байналмиллалӣ ва минтақавӣ, ба хусус Созмони Миллали Муттаҳид ва аъзои Шӯрои амнияти СММ ба масъулияти худ дар заминаи пешбурди ҳаллу фасли масоили Афғонистон пойбанд бошанд ва аз кумакҳои башардӯстонаи иҷтимоӣ ва иқтисодӣ барои мардуми ин кишвар ҳимоят кунанд.

Ҳамалҳои террористӣ ба ҳар шаклу сурате, ки бошанд, аз ҷумла ҳамлаҳои ахир дар масоҷид зидди қавмҳо ва мазҳабҳо нигаронида шуда буд, аз ҷониби вазирони умури хориҷӣ маҳкум карда шуд.

Дар охири нишаст замони баргузории даври сеюми он зикр шуд. Гуфта шуд, ки нишасти навбатӣ соли 2022 дар Чин баргузор хоҳад шуд.

Баёнияи муштарки вазирони хориҷии ҳамсояҳои Афғонистон – Теҳрон 27-уми октябр

Хабарро таблиғ кунед:

БЕШТАР БИХОНЕД
БЕШТАР БИХОНЕД

Афзоиши муҳоҷирати тоҷикон ба ИМА

Сафорати Иёлати Муттаҳидаи Амрико дар Тоҷикистон мегӯяд, ки судури раводиди муҳоҷиратӣ барои тоҷикистониҳоро афзоиш додааст.

Нишасти Шӯрои олии иқтисодии Иттиҳоди Авруосиё

Эмомалӣ Раҳмон дар нишасти Шӯрои олии иқтисодии Иттиҳоди иқтисодии Авруосиё, ки ба ҳайси меҳмон даъват шуда буд, иштирок ва суханронӣ кард.

ВКД-и Тоҷикистон хостори таҳқиқи латтукӯби донишҷӯён шуд

Вазорати корҳои дохилаи Тоҷикистон бо ирсоли барқияе аз мақомоти Русия хостори таҳқиқи латтукӯби донишҷӯён ва "рейд"-и муҳоҷирони тоҷик шудааст.

Вазорат латтукӯби бераҳмонаи сарбозро рад кард, аммо шоҳидон чизи дигар мегӯянд

Вазорати мудофиаи Тоҷикистон бо нашри изҳороте хабари бераҳмона латтукӯб шудани сарбози қаторӣ Маҷидов Аслиддинро аз ҷониби ҳамхизматонаш беасос номид.