Мақомоти олии Тоҷикистон ва Корея дар бораи масоили ҳамкориҳои Тоҷикистон ва Корея дар шаҳри Душанбе гуфтугӯ карданд.
Бино ба иттилои расмӣ, 4-уми январи соли 2024, Сироҷиддин Меҳриддин, вазири корҳои хориҷии Тоҷикистон бо сафири фавқулода ва мухтори Ҷумҳурии Корея дар Ҷумҳурии Тоҷикистон Квон Донгсокро мулоқот кардааст.
Ба қавли манбаъ, дар вақти мулоқт “ҷонибҳо ҳолати кунунии муносибатҳои дуҷониба ва бисёрҷониба, инчунин ҳамкориҳо дар чаҳорчӯби созмонҳои байналмилалӣ, дурнамои густариши равобит байни кишварҳо ва дигар масъалаҳои мавриди таваҷҷуҳи муштаракро мавриди муҳокима қарор доданд.”
Гуфта мешавад, ба сурати расмӣ 28 апрели соли 1992 байни Ҷумҳурии Тоҷикистон ва Ҷумҳурии Корея муносибатҳои дипломатӣ барқарор карда шуд. Дар панҷ соли ахир муносибатҳои дипломатӣ ва иқтисодиву сармоягузорӣ байни Тоҷикистон ва Корея нисбат ба солҳои пешинин хеле рушд кардааст. Гардиши молу колоҳои тиҷоратӣ низ байни ду кишвар наздик ба 20 миллион доллари амрикоиро ташкил медиҳад.