Дар Русия алайҳи муҳоҷирони таксирон қонунҳои шадидтареро ҷорӣ карданд, ки фаъолияти онҳоро душвор мекунад.
Бино ба иттилои расонаҳои русӣ, шаҳрдори Маскав Сергей Собянин қонуни наверо имзо кард, ки тибқи он ронандагони таксие, ки бе гузаштан аз сертификатсияи ҳатмӣ фаъолият мекунанд, 5000 рубл ҷарима мешаванд.
Дар ин санҷиши ҳатмӣ аз ронандагон имтиҳон гирифта мешавад, ки он то 20 дақиқа давом мекунад ва довталабон бояд ҳадди ақал аз 9 савол ба 8 савол посухи дуруст диҳанд.
Ин чунин дар ин аттестатсия дониши ронандагон оид ба ҷойгиршавии муассисаҳои муҳими шаҳр, қоидаҳои интиқоли мусофирон ва рафтор дар ҳолатҳои изтирорӣ санҷида мешавад. Гуфта машавад, сертификатсия ройгон буда, ду сол эътибор дорад. Ба гуфтаи масъулони шаҳрдории Маскав, аллакай беш аз 160 ҳазор ронанда ин санадро дарёфт кардаанд.
Тибқи омор, дар байни ронандагони таксии шаҳри Маскав шумораи муҳоҷирон аз Осиёи Марказӣ зиёд аст. Танҳо дар соли 2023 аз миёни 332 ҳазор ронанда 79 ҳазор шаҳрванди Қирғизистон, 7 ҳазор аз Тоҷикистон ва 5 ҳазор аз Узбекистон будаанд.
Дар соли 2024 роҳбари иттиҳодияи “Добро” Николай Кодолов гуфт, ки муҳоҷирон тақрибан нисфи ронандагони таксӣ дар Маскавро ташкил медиҳанд. Ба гуфтаи ӯ, коҳиши шумораи муҳоҷирон метавонад ба болоравии нархи хизматрасонӣ ва камбуди ронандагон дар ширкатҳои таксӣ сабаб шавад.
