Кумитаи ҳолатҳои фавқулодда ва мудофеаи граждании Тоҷикистон рӯзи панҷшанбе, 3-уми ноябр аз боришоти борону барф ва эҳтимоли омадани сел дар минтақаҳои кӯии кишвар ҳушдор дод.
Кумитаи ҳолатҳои фавқулоддаи Тоҷикистон аз шаҳрвандон ва меҳмонони кишвар хостааст, ки рӯзҳои 3-5-уми ноябр сафарҳои худро аз Дуашнбе ба вилояти Суғд ва ё баракс маҳдуд кунанд. Зеро дар натиҷаи барф ва ё борони сахту омадани сел эҳтимоли масдуд шудани роҳҳои кӯҳӣ вуҷуд дорад.
“Рӯзҳои 3-5-уми ноябр боронҳои шадид метавонанд сабаби омадани селҳо, резиши санг дар ноҳияҳои кӯҳиву наздикӯҳии вилоятҳои Хатлон, Суғд, ноҳияҳои тобеъи ҷумҳурӣ, ҳамчунин қаламрави ноҳияи Дарвози ВМКБ шаванд.”, омадааст дар хабари кумита.
Дар ҳамин ҳол рӯзи ҷумъа, 4-уми ноябр телеграм-канали Parviz TV наворе нашр карда, ки дида мешавад, дар роҳи мошингарди Душанбе-Хуҷанд аллакай барфи зиёд меборад ва баъзе мошинҳо бо мусофиронашон банд мондаанд.
Зимни нашри ин навор, аз шаҳрвандони кишвар хоста шуда, ки барои сафар ба манотиқи дурдасти кишвар аз эҳтиёт кор бигиранд ва безарурт ба сафар набароянд.
