32.9 C
Dushanbe

Дар шаҳри Варшаваи Лаҳистон “Бунёди Бузургмеҳр Ёров” таъсис ёфтааст.

Акс: Фейбук

Дар ин бора бародари Бузургмеҳр Ёров, Ҷамшед Ёров дар саҳифаи фейсбукаш хабар дод.

Гуфта мешавад, ки самтҳои фаъолияти ин бунёд бештар ба ҳимояи ҳуқуқи зиндониёни сиёсии Тоҷикистон равона шуда, инчунин онҳоеро, ки ҳуқуқҳояшон ҳангоми мурофаҳои додгоҳӣ аз тарафи мақомоти судӣ поймол мешавад, пуштибонӣ мекунад.

Дӯстони азиз, ба маълумоти шумо мерасонем, ки БУНЁДИ БУЗУРГМЕҲР ЁРОВ оғози фаъолияташро эълон менамояд.Бунёд ба…

Gepostet von Buzurgmehr Yorov Foundation am Sonntag, 27. September 2020

Дӯстони азиз, ба маълумоти шумо мерасонем, ки БУНЁДИ БУЗУРГМЕҲР ЁРОВ оғози фаъолияташро эълон менамояд.

Бунёд ба ифтихори маҳбуси сиёсии тоҷик, фаъоли ҳуқуқи башар ва ҳуқуқшинос, барандаи ҷоизаи Файзинисо Воҳидова-2019, ҷоизаи Homo Homini -2019 ва барандаи дипломи ҷоизаи Вацлав Ҳавел-2019 Бузургмеҳр Ёров таъсис ёфтааст.

Бунёд ба принсипҳои волоияти қонун, адолат ва баробарӣ содиқ буда, фаъолияташро дар самтҳои зерин анҷом хоҳад дод:

– Таҳлил ва баёни сабабҳои аслии боздошт ва зиндонӣ шудани маҳбуси сиёсии тоҷик Бузургмеҳр Ёров ва мусоидат намудан барои ҳар чӣ тезтар озодшавии ӯ;

– фарогирии парвандаҳо ва ҳимояи ҳамаи маҳбусони сиёсӣ дар Тоҷикистон, инчунин ҳимояи ҳуқуқ ва озодиҳои аъзои оилаи онҳо.

– Мониторинги вазъи ҳуқуқи инсон дар Тоҷикистон

– дастгирии ҳуқуқӣ ва моддӣ ба шахсоне, ки дар натиҷаи вайрон кардани ҳуқуқ ва манфиатҳои қонунии онҳо аз ҷониби мақомоти давлатӣ зарар дидаанд;

– мусоидат барои баланд бардоштани маърифат ва донишҳои ҳуқуқӣ дар байни аҳолии Тоҷикистон

– Мубориза бо шиканҷа ва саҳмгузорӣ дар ислоҳоти низоми иҷрои ҷазо дар Тоҷикистон ва ғайра.

БУНЁДИ БУЗУРГМЕҲР ЁРОВ аз тарафи наздикону дӯстони маҳбусони сиёсии тоҷик, инчунин намояндагони ҷомеаи шаҳрвандии Тоҷикистон ва дигар кишварҳо таъсис дода шудааст.

БУНЁДИ БУЗУРГМЕҲР ЁРОВ ташкилоти сиёсӣ нест. Мо бо ягон ташкилоти ҷамъиятӣ, ки ягон ҳадафи сиёсиро пеш мегирад, вобаста нестем.

Мо барои ҳамкории судманд ва мутақобила бо ташкилотҳо, муассисаҳо ва шахсони ҳуқуқи башар, ки ҳадафҳои Бунёди моро муштараканд, бозем.

Раёсати ФОНДИ БУЗУРГМЕҲР ЁРОВ

Хабарро таблиғ кунед:

БЕШТАР БИХОНЕД
БЕШТАР БИХОНЕД

Латтукӯби муҳоҷирон ва ба маконҳои номаълум бурдани онҳо идома дорад

Чанд рӯзи ахир боздошт ва латтукӯби муҳоҷирон, бахусус муҳоҷирони тоҷик аз ҷониби нерӯҳои амниятӣ ва интизомии Русия бештар шудааст.

Рафту омад дар роҳи Душанбе-Хуҷанд маҳдуд шуд

Шуруъ аз имрӯз, 1-уми июни соли ҷорӣ дар шоҳроҳи Душанбе-Чаноқ барои рафту омади мошинҳо маҳдудият ҷорӣ шудааст.

Эълони ҳукми зиндони сарбозоне, ки наваскаронро латтукӯб карданд

Чанд сарбозе, ки дар як навор навсакаронро бераҳмона латтукӯб мекарданд, ҳамаи онҳо равонаи зиндон шуданд.

Сафорат боздошти муҳоҷирон дар Митиноро шарҳ дод

Сафорати Тоҷикистон дар Маскав рӯзи 30-уми майи соли ҷорӣ пас аз боздошти беш аз 150 муҳоҷири корӣ, ки дар расонаҳои дохилӣ ва хориҷӣ бозтоби густарда ёфт, шарҳ дод.