Пас аз гузориши Azda TV дар бораи вазъи экалогӣ ва риоя нашудани тозагӣ аз тарафи сокинон дар ҷамоати Ҳулбуки ноҳияи Восеъ, шикоятҳои зиёде ба унвонии мо расид.
Аз ҷумла, корбарони Фейсбук дар зери гузориши Azda TV навиштанд, ки вазъи экалогӣ дар шаҳри Душанбе, ки аз сӯи Рустами Эмомалӣ, писари раисҷумҳур мудирият мешавад, аз дигар ноҳияҳо бадтар аст.
Корбарон мегӯянд, масъалаи тозагии шаҳри Душанбе хело “ташвишовар” шудаст. “Пештар партовҳоро дар як хафта як ё ду бор аз пеши хонаҳои истиқоматӣ ва партовгоҳои шаҳр тоза мекарданд. Ҳозир бошад, дар ин гармии ҳаво дар як моҳ як ё ду бор тоза мекунанд, ки ин боиси касалиҳои сироятӣ ва хатар ба саломатии сокинони шаҳр мебошад.”, менависанд корбарон.
Корбаре менависад, ки “рӯз ба рӯз вазъияти шаҳр бад шудааст, ҳаққи хизматрасониҳои коммуналиро пешакӣ аз мардум ҷамъ карда мегиранду партовхоро сари вақт тоза намекунанд. Фақат нарху наво ва ҳаҷми ҷаримаву андозро баланд карда, дигар парвои мардум надоранд.”
Як кобари дигар хулса карда гуфтааст, “кӯчаҳои шаҳри Душанбе ба ахлотхона табдил шудааст.”
Рустами Эмомалӣ бо як фармони падараш соли 2017 раиси шаҳри Душанбе таъйин карда шуд. Инак 7 сол мешавад ба курсии шаҳрдори Душанбе нишастааст. Ӯ дар ин симат Маҳммадсаид Убайдуллоевро иваз карда буд, сокинони шаҳр аз мудирияти Рустами Эмомалӣ ба шиддат интиқод карда, мегӯянд, ки наметавонад мушкилоти шаҳрро ҳал кунад.
