20.9 C
Dushanbe

Эҳзори сафири Тоҷикистон дар Эрон ва тақдими нотаи эътирозӣ ба ӯ

Акс аз сомонаи Вазорати хориҷаи Эрон

Нимаи дуюми рӯзи ҷумъа сафири Тоҷикистон дар Теҳрон аз ҷониби роҳбари маъмурияти Осиёи Марказӣ ба Вазорати корҳои хориҷӣ эҳзор шуда ва дар бораи эътирози шадиди Ҷумҳурии Исломии Эрон алайҳи иттиҳомоти беасос ва рафтори ғайриҳирфавии телевизиони давлатии Тоҷикистон ба ӯ расонда шуд. Дар ин бора Вазорати хориҷаи Ҷумҳурии исломии Эрон дар сомонаи худ хабар дод.

Пас аз пахши ба ном як филми мустанади “Хиёнат” дар телевизионҳои давлатии Ҷумҳурии Тоҷикистон ва бофтани иттиҳомоти бардурӯғ ва ғаразнок алайҳи давлати Эрон, сафири Тоҷикистон дар Теҳрон баъд аз зӯҳри ҷумъа аз ҷониби роҳбари Дафтари Осиёи Марказӣ ба Вазорати корҳои хориҷӣ даъват карда шуд. Ӯро аз иттиҳомоти беасос ва рафтори ғайрикасбии телевизиони давлатии Тоҷикистон огоҳ карданд.‎

Дар ҷараёни мулоқот таъкид шуд, ки Ҷумҳурии исломии Эрон мехоҳад муносибатҳои дӯстона ва бародаронаро мабнӣ бар эҳтироми мутақобил бо Тоҷикистон дошта бошад, аммо идомаи чунин рафтор аз ҷониби ҳукумати Тоҷикистон хилофи қоидаи муносибатҳои дӯстона аст ва ҳукумати Тоҷикистон бояд аз оқибатҳои чунин рафтор огоҳ бошад.

Дар ин мулоқот мақомоти давлати Эрон аз сафири Тоҷикистон дар ин кишвар хостаанд, ки Тоҷикистон муносибати худро ислоҳ кунад, алахусус дар қатъи таблиғоти бардурӯғ алайҳи Эрон дар телевизионҳои давлатӣ.

‎Ҳамзамон сафири Тоҷикистон дар навбати худ гуфта, ки ҳарчи зудтар эътирози Ҷумҳурии исломии Эронро ба ҳукумати Тоҷикистон мерасонад.
Гуфта мешавад, ки дар тӯли як ҳафтаи охир ин бори дуввум аст, ки сафири Тоҷикистон дар робита ба ин масъала ба Вазорати корҳои хориҷии Эрон даъват шуда, аз эътирози сахти ин кишвар огоҳ карда мешавад.

Пештар сафири Тоҷикистон аз ҷониби ёвари вазир ва мудири кулли Авроосиёии Вазорати корҳои хориҷии Эрон даъват шуда буд.

Ёдовар мешавем, ки чандест мақомоти амниятии Тоҷикистон як филми ба ном мустанадеро зери номи “Хиёнат” дар интиқод аз интиқоди ҲНИТ ва аъзоёни он сохта ва дар телевизионҳо ба намоиш гузошт. Дар он филм ҲНИТ-ро ба он иттиҳом мекунанд, ки гӯё аз давлати Эрон сармоягузорӣ мешуду корҳои тахрибкоронаеро анҷом медод.

Ин дар ҳолест, ки ҲНИТ ва дар умум мухолифону коршиносон маълумоти дар ин филм пахш шударо, туҳмате беш намедонанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боздошти беш аз 20 нафар дар парвандаи ҳамла ба Крокус

Дар пайи ҳамлаи хунин ба “Крокус Сити Ҳолл”-и Красногорски...

Нақшаи даъвати баҳории сарбозон пурра иҷро шуд

Вазорати мудофиаи Тоҷикистон хабар дод, ки нақшаи даъвати баҳории ҷалби сарбозон ба Артиш дар кишвар рӯзи 22-уми майи соли ҷорӣ 100% иҷро шуд.

Мақомот мехоҳанд бародари як мухолифи тоҷикро аз хонааш берун кунанд

Мақомоти ноҳияи Зафаробод мехоҳанд замини як мухолифи тоҷик Салим Султонзодаро, ки дар он бародараш хона сохтаасту зиндагӣ мекунад, мусодира кунад.

Мақомот: Занҳо сатр напӯшанду мардҳо ришу мӯйи баланд нагузоранд!

Мақомоти амниятӣ ва интизомии кишвар дар кӯчаву бозорҳо "рейд" гузаронида, масъалаи пешгирӣ аз "либоси ба фарҳанги тоҷикон бегона"-ро сахт гирифтаанд.