36.9 C
Dushanbe

Фирори як сарбози зиндонӣ аз зиндони Бритониё

Як сарбози 21-солаи артиши Бритониё, ки ба ҷосусӣ барои Эрон муттаҳам мешуд, тавноиста аз зиндони Уандсворт дар Лондон фирор кунад.

Расонаҳо аз ин собиқ сарбоз Данел Обид Халифа ном бурдаанд. Гуфта мешавад, ӯ рӯзи 6-уми сентябри соли ҷорӣ тавониста дар зери як мошине, ки ба зиндониён ғизо меорад, бо тасмае худро баста, фирор кунад. Ба иттилои пулис, ӯ ҳангоми фирор дар тан либоси сарошпази зиндонро доштааст.

Ба иттилои расонаҳои бритониёӣ, пас аз эълони фирори ин зиндонӣ барои ёфтани ӯ дар фурӯдгоҳҳои ин кишвар тадобири амниятии шадиде гирифта шуда, ки он боиси сафҳои тӯлонӣ, ба хусус дар фурӯдгоҳҳои Лондон шудааст.

Ба гузориши BBC, ин зиндонии фирорӣ ва собиқ сарбози артиши Бритониё ба “ҷамъоварии иттилооте, ки барои душман муфид аст”, муттаҳам мешавад. Гуфта мешавад, манзур аз “душман”-е, ки дар парвандаи ӯ дарҷ шудааст, Эрон аст.

Рӯзномаи Горден навишта, ки Халифа қарор буд моҳи ноябри соли ҷорӣ муҳокимаи додгоҳияш оғоз шавад. Гуфта мешавад, ӯ дар моҳи июни соли гузашта бо иттиҳоми ҷудогонае боздошт шуда буд, вале баъдтар бо шартҳои махсус озод шуд. Аммо Маркази пулиси Лондон ӯро моҳи августи соли ҷорӣ бори дигар боздошт кард.

Мақомоти Бритониё гуфтаанд, дар 4 соли охир ин бори дувум аст, ки аз ин зиндон зиндониён фирор мекунанд. Ин масъаларо баёнгари сиёсати нодуруст дар идора ва таъмини амнияти он гуфтаанд.

Бархе коршиносони бритониёӣ пурсишеро матраҳ мекунанд, ки модом Халифа ба террористӣ муттаҳам буд, дар зиндони радаи А, ки амнияташ қавитар аст, бояд нигаҳдорӣ мешуд, аммо дар зиндони радаи В, ки амнияташ чандон қавӣ нест, ҷой карда буданд. Коршиносон аз мақомот талаб кардаанд, ки алайҳи масъулони зиндон таҳқиқот оғоз шавад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Ҳалокати 5 узви як хонавода дар Суғд

Бар асари як садамаи нақлиётӣ дар вилояти Суғд 7 нафар кушта ва ду каси дигар захмӣ шудааст.

Эмомалӣ Раҳмон писари Аҳмадшо Масъудро аз Душанбе ронд

Бархе расонаҳои афғонистонӣ хабар доданд, ки мақомоти Тоҷикистон дафтари Ҷабҳаи муқовимати миллии Афғонистонро дар Душанбе бастааст.

Боздошти як шаҳрванди Узбекистон дар Лаҳистон

Бино ба иттилои расонаҳои лаҳистонӣ, як шаҳрванди Узбекистон бо иттиҳоми ҳамла ба корд ба ҷони ду ноболиғ боздошт шудааст.

Беш аз 135 муҳоҷир дар интизори ихроҷ аз Русия

Сафорати Тоҷикистон дар Русия эълон кардааст, ки танҳо дар як боздоштгоҳи муваққатии Маскав беш аз 135 муҳоҷири тоҷикистонӣ дар интизори ихроҷ қарор доранд.