25.9 C
Dushanbe

Гирифторони бемории COVID-19 дар Тоҷикистон бештар аз он аст, ки мақомот мегӯяд?

Бемории коронавирус дар Тоҷикистон, ба хусус дар Душанбе хеле паҳн гаштааст. Як манбаъ аз шаҳри Душанбе, ки нахост номаш зикр шавад, дар тамос бо “Аздо тв” гуфт, хонаводаи онҳо ва аксари ҳамсояҳо ба ин беморӣ гирифтор шудаанд.

Ӯ дар посух ба суоли “Аздо тв”, ки чаро ба бемористон намераванд ва ба табибон муроҷиат намекунанд, гуфт:

“То агар шиноси қавӣ ва наздик надошта бошӣ бемористон қабул намекунад ва ташхис ҳам намегузаронад, духтур рафтан бисёр мушкил аст”.

Ин манбаъ мегӯяд, аз сабаби он ки табибон ба додашон нарасиданд, маҷбур шудаанд дар хона ба табобат машғул шаванд.

Дар ҳамин ҳол як манбаи дигар аз вилояти Хатлон низ ба “Аздо тв” гуфт, ки “намедонам зуком аст ё коронавирус, вале хеле сахт гирифтааст, ҳатто бӯйро аз даст додем. Хонавода, ҳамсояҳо, хулоса мардуми зиёд гирифторанд, вале духтурон ташхис намегузаронанд”.

Ин дар ҳолест, ки мақомоти кишвар дар омори расмии дирӯзааш гирифторон ба бемории COVID-19-ро 21 нафар ва як рӯз пеш 24 нафар гуфта буд. Аммо сокинон ба ин омор бовар надоранд ва мегӯянд, ки мисли марҳилаи аввали паҳншавии бемории ҳамагир дар гуфтани оморҳо пинҳонкориҳои зиёд аст ва омори воқеӣ бештар аз онест, ки мақомот ироа мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Дархости мухлисони футбол аз “Барқи тоҷик”

Сокинони шаҳру ноҳияҳои Тоҷикистон аз ширкати "Барқи тоҷик" талаб доранд, ки имшаб барои тамошои футболи дастаи “Истиқлол”-и Душанбе ва “Ан-Наср”- и Арабистони Саудӣ, барқро қатъ накунанд.

Чанд шаҳру ноҳия дар рӯзи аввал нақшаи даъватро иҷро карданд

Мақомоти ВМКБ, баъзе ноҳияҳои вилояи Хатлон ва вилояти Суғд хабар доданд, ки нақшаи даъватро дар як рӯз пурра иҷро кардаанд.

Баъди бо тухм задани Раҳмон, намоянданони ҳукумат дар нишасти САҲА ширкат мекунанд?

Нишастҳои навбатии Созмони Амният ва Ҳамкории Аврупо дар мавриди санҷиш ва баҳодиҳии ҳуқуқи инсон дар шаҳри Варшава, пойтахти Лаҳистон аз имрӯз, 2-уми октябри соли 2023 шуруъ мешавад.

Дар Тоҷикистон боздошти пайвандони мухолифон идома дорад

Бо гузашти се рӯз аз тазоҳурот ва бо тухм...