28.9 C
Dushanbe

Илон Маск Твиттерро мехарад

Илон Маск пешниҳод кардааст, ки шабакаи иҷтимоии Твиттерро бо қимати 44 миллиард доллари ИМА мехарад, ҳайъати мудирон ба пешниҳоди ӯ розӣ шудаанд.

Акс аз ББС

Ба гузориши ББС, дирӯз, 25-уми апрели соли 2022 Илон Маск бо пешниҳоди 44 миллиард доллари ИМА ризоияти моликони ширкати Твиттерро ба даст овард, то тамоми саҳмияҳои ин ширкатро ба ӯ фурӯшанд.

Пеш аз ин вай дар оғози моҳи апрели соли ҷорӣ бо қимати 2,89 миллиард доллари ИМА 9,2% саҳмияҳои ширкати Твиттерро харида, пас аз чанд рӯз пешниҳод карда буд, ки қасди хариди кулли саҳмияҳои онро дорад.

Инчунин 14-уми апрели соли 2022 Илон Маск бо нишон додани як ҳуҷҷати танзимкунанда пешниҳод карда буд, ки омодааст бо қимати 41 миллиарду 390 миллион доллар ширкати Twitter (TWTR.N)-ро бихарад.

Он замон нархи пешниҳодии Илон Маск 54,20 доллар барои як саҳмияро дар муқоиса бо нархи пешниҳодии Твиттер дар 1-уми апрели соли ҷорӣ ташкил мекард.

Илон Маск ба моликони Твиттер пешниҳод карда буд, ки ин ширкатро ба ӯ фурӯшанд, ва гуфта буд, ин шабакаи иҷтимоӣ дорои потенсиали бузурги истифоданашудаест, ки ӯ метавонад онро дарк ва бозёбӣ кунад.

Гуфта мешавад, ширкати Твиттер яке аз шабакаи иҷтимоии маъруфи дунёст, ки пас аз Фейсбук дар мақоми дувум қарор дошта, ба ҳисоби миёна рӯзона дар дунё бештар аз 300 миллион корбар ё муштарӣ дорад.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Сафари кории хабарнигрони AZDA TV ба Норвегия

Гузориши кӯтоҳе аз сафари ҳайати Azda TV ба Норвегия ва иштирок дар "Форуми Озодии Осло 2024"

Манъи пӯшидани “ниқоб” дар Русия

Вакилони парлумони Русия лоиҳаи конун дар бораи манъи пӯшидани либосҳое, ки чеҳраро пинҳон мекунад, барои баррасӣ ба ҳукумат фиристодаанд.

Даҳҳо зиндонии қирғиз дар Тоҷикистон

Мақомоти адлияи Қирғизистон мегӯянд, ки даҳҳо нафар аз шаҳрванди ин кишвар дар зиндонҳои Тоҷикистон ба сар мебаранд.

Боздошти 8 тоҷик дар Амрико бо гумони ҳамкорӣ бо ДИИШ

Рӯзи сешанбе, 11-уми июни соли ҷорӣ мақомоти Амрико 8 шаҳрванди Тоҷикистонро бо иттиҳоми иртибот бо ДИИШ боздошт карданд.