Тоҷикистон

Изҳороти Прокуратураи ВМКБ дар хусуси қатли Г.Зиёбеков

Прокуратураи Вилояти Мухтори Кӯҳистони Бадахшон бо нашри як изҳороти фаврӣ Гулбиддин Зиёбековро ба "одамрабоӣ", "барангехтани кинаю адовати маҳалгароӣ" ва "оташ кӯшадон" ба самти кормандони боздошткунандаи ӯ аз прокуратура муттаҳам кард.

Маркази матбуоти Прокуратураи Вилояти Мухтори Кӯҳистони Бадахшон, ки ин изҳороти фавриашро тавассути АМИТ "Ховар" нашр кард, мегӯяд: "сокини деҳаи Тавдеми ноҳияи Роштқалъаи ВМКБ Зиёбеков Гулбиддин Зиёбекович, соли таваллудаш 1992, ки барои содир кардани ҷиноят аз рӯи моддаҳои 181, қ.3 (ғасби гаравгон аз ҷониби гурӯҳи муташаккил) ва 189, қ.3 (барангехтани кинаю адовати маҳалгароӣ)-и Кодекси ҷиноятии Ҷумҳурии Тоҷикистон дар асоси маводи кофтуковии мақомоти Прокуратура дар кофтукови расмӣ қарор дошт, ҳангоми амалӣ намудани чорабиниҳои фаврӣ оид ба  боздошт намуданаш бар зидди кормандони ҳифзи ҳуқуқ муқобилияти мусаллаҳона нишон дода, аз таппончаи тамғаи «Макаров», ки ғайриқонунӣ дар ихтиёраш қарор дошт, оташ кушод.

Прокуратураи ВМКБ дар бораи чӣ гуна ба қатл расидани Гулбиддин Зиёбеков муфассал намегӯяд, танҳо таъкид мекунад: "Дар натиҷаи оташи ҷавобӣ ҷинояткор захмдор гардид."  Ва "ҳангоми азназаргузаронии ҷои ҳодиса силоҳи ҷинояткор — таппончаи тамғаи ПМ бо як тирдон ва панҷ адад тир дарёфт ва гирифта шуд."

Пркуратураи аилоятӣ Зиёбековро ба он гунаҳкор мекунад, ки гӯё ӯ бо ҳамдастонаш 1-уми феврали соли 2020 ёрдамчии Прокурори ноҳияи Роштқалъа Абирзода А.-ро гаравгон гирифта, дар  деҳаҳои Анҷим ва Барҷангали ҳамин ноҳия муддати 8 соат мавриди латукӯб ва шиканҷа қарор додаанд.

Прокуратураи ВМКМ меафзояд: Вобаста ба ҳолати мазкур нисбат ба Зиёбеков Г.З. ва ҳаммаслаконаш аз тарафи Прокуратураи ВМКБ  парвандаи ҷиноятӣ оғоз гардид. Вале ӯ ва шарикони ҷиноятпешааш даъватҳои чандинкаратаи мақомоти тафтишотиро нодида гирифта, барои додани нишондод ҳозир нашуданд. Аз ин рӯ, дар кофтукови расмӣ қарор доштанд.

Аммо пеш аз ин манбаи Аздо тв аз Хорӯғ гуфта буд, ки шаби 24-ум ба 25-уми ноябри соли ҷорӣ Гулбиддин Зиёбеков, як сокини ноҳияи Роштқалъаи Вилояти Мухтори Кӯҳистони Бадахшон дар хонаи истиқоматиаш тавассути кормандони прокуратураи вилоят аз ноҳияи сараш парронда шуд.

Додоҷони Атовулло, раҳбари созмони "Ватандор", дар сафҳаи Фесбукиаш қатли Гулбиддин Зиёбековро "амали террористӣ" хонда, навиштааст, ки тавассути "гурӯҳи мусаллаҳи ниқобпӯш" сурат гирифтааст.

Ҳамзамон "Pamir Daily News" дар саҳфаи Фейсбукиаш хабар дода, ки пас аз қатли Гулбуддин Зиёбеков "аз Хорӯғ гузориш мешавад, ки вазъият бадтар гардида ва садои тир ҳам шунида мешавад." Гурӯҳе аз ҷавонони ин вилоят ҳам дар маркази шаҳри Хорӯғ ҷамъ шуда, тазоҳурот карданд.

Хонандагони азиз, лутфан, ҳар хабару гузоришеро, ки мушоҳида мекунед ва ё пешниҳоду суоле доред, метавонед онро ба мо, тариқи почтаи электронӣ, Telegram, WhatsApp, Viber ва Imo ба ин рақам:

Матолиби дигари Тоҷикистон

Тоҷикистон

Оғози музокираи Ҳукумат бо мардуми Бадахшон

Тоҷикистон

Боздошти 18 ҷавони бадахшонӣ дар Душанбе

Тоҷикистон

Эътирозҳо аз Бадахшон ба Амрикову Аврупо расид

Тоҷикистон

Фаврӣ: Дар Хорӯғ имрӯз чор каси дигар парронда шуд