31.9 C
Dushanbe

Хатлон: Ҳамлаи А.Соҳибови хеши президент ба як зан

Бар асари як ҳамлаи мусаллаҳонаи Азизулло Соҳибов, раиси “Тоҷикматлубот” дар вилояти Хатлон ба “дӯстдухтараш”, ҷабрдида аз ноҳияи гардан захмӣ шудааст. (Хабар таҳрир шудааст.)

Сомонаи Радиои Озодӣ бо нашри гузорише хабар дод, ки хонум С.О.-и 36-сола ва аз дӯстони Азизулло Соҳибов шоми 10-уми окятбри соли ҷорӣ бо ҷароҳатҳои вазнин аз ноҳияи гарданаш аз маҳаллаи Ломоносови шаҳри Бохтар ба бемористони Қарияи Болои вилояти Хатлон интиқол ёфтааст.

Ин гузориш дар истинод таъкид мекунад шоми он рӯз Азизулло Соҳибов бо корд ба хонум С.О. ҳамла карда ва ба қавли яке аз шоҳидон “пас аз чанде садои доду вой баланд шуд ва пас аз бурдани зани оғуштаи хун он ҷо кормандони милиса ҳозир шуданд.”

Аммо 20-уми окятрб Азизулло Соҳибов ба расонаҳо гуфтааст, ки дар захмӣ шудани он зан касе даст надорад, вай зан худаш “худро бо корд задааст.”

Бо ин вуҷуд, гуфта мешавад, зани ҷароҳатбардошта пас аз се рӯзи бистарӣ шудан дар шӯъбаи эҳёи беморхонаи Қарияи Болои вилояти Хатлон рухсат шудааст. Аммо ҳанӯз маълум нест, ки оё ҷабрдида алайҳи муттаҳам ба мақомоти корҳои дохилӣ шикоят кардааст ё на? Ва ё мақомоти корҳои дохилӣ пас аз анҷоми ин ҷинояти мудҳиш алайҳи хеши наздики президент Эмомалӣ Раҳмон Азизулло Соҳибов парвандаи ҷиноятӣ боз кардаанд ё хайр?

Азизулло Соҳибови 50-сола, бародари Зоир Соҳибов ва амаки Шамсулло Соҳибов, домодҳои Эмомалӣ Раҳмон, президенти Тоҷикистон аст. Вай дар шаҳри Бохтар (Қӯрғонтеппаи собиқ) зиндагӣ мекунад ва солҳо боз раиси ҷамъияти “Тоҷикматлубот”-и вилояти Хатлон аст.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Боз беш аз 150 муҳоҷири тоҷик боздошт шуд

Нерӯҳои интизомии Федератсияи Русия субҳи рӯзи 30-уми майи соли ҷорӣ беш аз 150 муҳоҷири тоҷикро дар назди метрои Митинои Маскав боздошт карда, ба шуъбаи пулис бурданд.

Афзоиши ҳолатҳои қаллобӣ дар Тоҷикистон

Вазорати корҳои дохилаи Тоҷикистон рӯзи 30-уми майи соли ҷорӣ аз боздошти нафаре хабар дод, ки дар қаллобӣ ва азхудкунии пулҳои мардум бо роҳи фиреб муттаҳам мешавад.

Ҳушдори Белорус ба Ғарб: Хатти сурхро убур накунед!

Як мақомдори баландпояи низомии Белорус пас аз ҷобаҷакунии силоҳҳои ҳастаии Русия дар хоки ин кишвар ба Ғарб ҳушдор дод, ки хатти сурхро убуб накунанд.

Идомаи “рейд”-и муҳоҷирон дар Русия

Ҳафтаи дуюм аст, ки дар шаҳру ноҳияҳои Федератсияи Русия...