25.9 C
Dushanbe

Хуҷанд: Духтарони пешвозгиранда дар чархболи Эмомалӣ Раҳмон чӣ меҷӯянд?

Субҳи имрӯз Эмомалӣ Раҳмон дар идомаи сафари кориаш ба вилояти Суғд вориди шаҳри Хуҷанд ва Бобоҷон Ғафуров шуд.

Бино ба иттилои расмӣ, Президенти Тоҷикистон субҳи имрӯз, 15-уми апрели соли 2022 ба шаҳри Хуҷанд рафт ва аксари онҳое, ки маҷбурӣ дар фурӯдгоҳи байналмилалии шаҳри Хуҷанд барои истиқболи ӯ ҷамъоварӣ шуда буданд, нохурсандона Эмомалӣ Раҳмонро пешвоз гирифтанд.

Дар фурӯдгоҳи байналмилалии шаҳри Хуҷанд Эмомалӣ Раҳмонро раиси вилояти Суғд Раҷаббой Аҳмадзода, ки дирӯз, 14-уми апрел аз субҳи барвақт то поёни шаб дар шаҳри Панҷакент ҳамроҳӣ мекард, пешвоз гирифт.

Инчунин бо супориши раиси вилоят Раҷаббой Аҳмадзода садҳо гулдухтарони донишҷӯ ва донишомӯзро, ки тайи наздик ба се моҳи ахир маҷбурӣ барои истиқболи президент омодагӣ гирифта буданд, ба пешвози Эмомалӣ Раҳмон фиристоданд.

Имрӯз Эмомалӣ Раҳмон дар шаҳри Хуҷанд ва ноҳияи Бобоҷон Ғафурови вилояти Суғд аз суҳби барвақт то ҳол аксари вақтҳои худро ба лентабурӣ ва бандкашӣ барои ифтитоҳи корхонаҳои хусусии соҳибкорон, аз он ҷумла корхонаи истеҳсоли хӯроки чорво, хӯроки паранда, “Орди фатир”, корхонаи истеҳсоли лифт ва ғайра бахшида аст.

Ҷолиб он, ки дар аксҳои нашр кардаи Хадамоти матбуоти Президент дида мешавад, се тан аз гулдухтароне, ки қабл аз пойин шудани Эмомалӣ Раҳмон аз чархбол дар масофаи то 100 метр дуртар ҳамроҳ бо дигарон барои истиқболи ӯ омодагӣ мегирифтанд, баъд аз пешвозгирӣ дар пушти сари Эмомалӣ Раҳмону ҳамроҳонаш назди дари вурудии чархболи президент ҳузур доранд ва барои савор шудан ба он шитоб доранд.

Гуфта мешавад, барномаи сафари Эмомалӣ Раҳмон ба вилояти Суғд аз пеш барои расонаҳо эълон нашудааст, вале вай ин сафарашро дирӯз, 14-уми апрел аз ноҳияи Айнӣ оғоз карда, сипас соате баъд ба шаҳри Панҷакант рафт ва тавре дар аксу наворҳо дида шуд, аксари онҳое, ки маҷбурӣ барои истиқболи ӯ оварда шуда буданд, бо чеҳраҳои боз вайро пешвоз нагирифтанд.

Амруллоҳи Низом, махсус барои АЗДО тв

Хабарро таблиғ кунед:

БЕШТАР БИХОНЕД
БЕШТАР БИХОНЕД

Вазорати маориф: То девори мактаб чаппа нашавад, таъмир намекунем

Мақомот дар ноҳияи Рашт ба масъулини як мактаби хурде, ки дар ҳолати садавамӣ қарор дорад, гуфтаанд, то деворҳояш фурӯ нарезад, онро таъмир намекунанд.

Собиқ раиси Конибодом зиндонӣ шуд

Собиқ раиси шаҳри Конибодом Абдусалом Тӯхтасунзода ба 12 соли зиндон маҳкум шуд.

Нигаронии мақомот аз таълимоти динии ҷавонон

Мақомоти Тоҷикистон боз аз ҷалб шудани ҷавонон ба таълимоти - ба гуфти худашон - "ғайриқонунии динӣ" изҳори нигаронӣ карданд.

Эмомалӣ Раҳмон ба Маскав сафар кард

Президенти Тоҷикистон Эмомалӣ Раҳмон бо даъвати ҳамтои русаш Владимир Путин бо сафари корӣ ба Маскав рафт.