Дар нимсолаи аввали соли ҷорӣ сохтмони хонаҳои истиқоматӣ дар Тоҷикистон наздик ба 20% коҳиш ёфтааст.
Бино ба иттилои расонаҳо, имрӯз, 29-уми июли соли 2024, Кумитаи меъморӣ ва сохтони Тоҷикистон дар нишасти матбуотии худ эълон кард, ки сохтони хонаҳои истиқоматӣ дар кишвар нисбат ба ҳамин давраи соли гузашта 19 фоиз камтар шудааст.
Низом Мирзозода, раиси Кумитаи меъморӣ ва сохтмони Тоҷикистон гуфтааст, ки дар 6 моҳи аввали соли ҷорӣ дар кишвар “ба масоҳати умумии 629,5 ҳазор метри мураббаъ хонаи истиқоматӣ сохта ба истифода дода шудааст.”
Ҳамзамон Низом Мирзозода, гуфтааст, ки дар ин давраи ҳисоботӣ “инвеститсияи сармояи асосӣ аз ҳисоби ҳамаи манбаҳои сармоягузорӣ ба маблағи 9,5 млрд сомониро ташкил дод, ки нисбат ба ҳамин давраи соли гузашта 115,7 фоизро ташкил намуд”.
Бархе коршонисон таъкид мекунанд, ки вақте Кумитаи меъморӣ ва сохтон мегӯяд, ки наздик ба 20 фоиз ҳаҷми кори сохтмони хонаҳои истиқоматӣ дар ин нимсола дар Тоҷикистон камтар шудааст, афзоиши 115,7 дарсадии “сармоягузорӣ аз ҳисоби ҳама манбаъҳо” далел боло рафтани нархи кор ва маҳсулоти сохтмонӣ дар киршвар арзёбӣ мешавад.
