Мақомоти Русия блогери озаритабори 30-сола Ҳусейн Ҳасанов (Гусейн Гасанов)-ро барои шустушӯи пул ва напардохтани андоз дар ҷустуҷӯи байналмилалӣ додаанд.
Бино ба иттилои Кумитаи тафтишоти Русия, Ҳасанов аз соли 2019 то 2021 аз пардохти андоз ба маблағи беш аз 170 миллион рубл саркашӣ карда, танҳо 20 миллион рубли онро тавассути як қатор амалиётҳои молиявӣ қонунӣ гардонда, баъдан Русияро тарк кардааст. Ҳоло макони будубошаш дақиқ нест.
Аммо худи Ҳусейн Ҳасанов дар шабакаҳои иҷтимоии гуфтааст, ки ҳама андозро ҳанӯз соли гузашта супоридааст ва ҳуқуқшиносони ӯ барои ҳалли ин қазия кор бурда истодаанд.
Гуфта мешавад, Ҳусейн Ҳасанов блогери озаритабор буда, дар Русия ба дунё омадааст. Ӯ дар саҳфаи инстаграмаш беш аз 30 миллион дунболкунанда дошта, бо наворҳояш ва баргузор намудани лотореяҳо бештар миёни мардум шинохта шудааст.
Ин блогер моҳи апрели соли 2023 бо даъвати Исмоили Маҳмадзоҳир, набераи раисҷумҳури кишвар ва раиси Федератсияи ҷудо ба Тоҷикистон омадааст. Ӯро дар Тоҷикистон дар сатҳи як президент пешвоз гирифтанд, ки вокуниши корбарон ва мардумро ба бор оварда буд.
