Ин пешниҳод дар шароите садо медиҳад, ки баҳсҳо перомуни муносибати давлат бо муҳоҷирон дар ҷомеаи русӣ шиддат мегирад. Ҳомиёни ҳуқуқ ва ҷомеаи шаҳрвандӣ мегӯянд, ки интиқоди шадид аз муҳоҷирон ва бор кардани мушкилот ба онҳо метавонад ба афзоиши бадбиниҳо, табъиз ва зӯроварӣ оварда расонад.
Бо назардошти он, ки шумори зиёде аз муҳоҷирони кории Тоҷикитсон дар Русия қарор доранд, ҷорӣ шудани чунин қарорҳои нав агар аз як сӯ ба нафъи саломатии онҳо бошад, аз сӯи дигар вақте мақомот дар амал ин иқдомҳоро амалӣ кардан мехоҳанд, бархе гурӯҳҳо ва кормадони мақомоти рус бо баҳонаҳои мухталиф даст ба ҷайби муҳоҷирон зада, пулу моли онҳоро ғорат мекунанд.
Инчунин, мақомоти украинӣ низ ба расонаҳо гуфтаанд, ки “ҳамлаи мазкур дақиқ ба як минтақаи тиҷоратӣ нигаронида шуда, ҳангоми авҷи рафтуомади мардум сурат гирифт ва дар маҷмуъ, 54 мағоза, 13 иншоот ва беш аз 300 манзил осеб дидаанд.
Ҳамзамон бо ин ҳамла, Русия зарбаҳои мушакӣ ва дронӣ ба дигар шаҳрҳои Украина, аз ҷумла Харков, Виннитсия ва Одессаро низ анҷом дод, ки дар натиҷа дасти кам 15 нафар захмӣ ва ба зерсохторҳои иҷтимоӣ ва энергетикӣ дар минтақа осеб расидааст.
Гуфтанист, ин амал дар пасманзари шартгузории ахири Доналд Трамп, президенти ИМА ба Русия сурат гирифт. Кохи сафед аз Кремлин талаб карда буд, ки дар муддати 50 рӯз дар бораи тавофуқоти сулҳ бо Украина бо Ғарб ба созиш бирасад, вале он аз ҷониби Маскав нодида гирифта шуд.
Аз сӯи дигар, мақомоти Украина ва нозирони байналмилалӣ низ ин ҳамларо ҳамчун як амали ваҳшиёна алайҳи аҳолии осоишта маҳкум намуда, даъват ба иқдомҳои ҷиддии дипломатӣ ва ҷазоҳои иловагӣ карданд.
Садҳо нафар муҳоҷирони корӣ аз кишварҳои Осиёи Марказӣ ва бахусус аз Тоҷикистон дар шаҳри Санкт-Петербурги Русия наметавонанд сари вақт патентҳои худро дарётф кунанд.
Имрӯз, 16-уми июли соли 2025, бархе муҳоҷорони кории Тоҷикистон дар Русия бо ирсоли аксу наворҳое аз Маркази муҳоҷирати Санкт-Петербург мегӯянд, ки соатҳо дар интизори навбат истодаанд, то ҳуҷҷатҳои худро сари вақт дуруст кунанд, аммо наметавонанд.
Инчунин дар бархе аз ин наворҳо низ дида мешавад, бархе касоне, ки сари вақт аз гирифтани ҳуҷҷатҳои худ ноумед шудаанд ва ё аз навбатпойии зиёд хаста шудаанд, дар дигар утоқҳои ҳамшафат ва махсуси онҷо рӯи замин хобидаанд.
Ҳамзамон дар байни ин муҳоҷирони корие, ки барои гирифтани патент ва дигар намуди иҷозатномаҳо ба Маркази муҳоҷиратии Санкт-Петербург муроҷиат кардаанд, афроди бузургсол ва ҳатто ришсафедон низ дида мешавад, аммо ба гуфтаи муҳоҷирон муносибати мақомоти дахлдор бо дидани ин ҳама ҳолатҳои риққатовар на танҳо беҳтар, балки рӯз аз рӯз бадтар ҳам мешавад.
Гуфтанист, мақомоти Русия аз лаҳзаи вуруди муҳоҷирони корӣ аз кишварҳои Осиёи Марказӣ ва бахусус муҳоҷирон аз кишварҳои Тоҷикистон ва Узбекистон ба хоки ин кишвар таҳқиру тавҳин ва сахтгириҳои худро нисбат ба онҳо оғоз мекунанд ва рӯз то рӯз раванди гирифтани патент ва дигар намуди иҷозатномаҳои кориро низ барои онҳо душвортар менамоянд.
Ин ҳолати риққатбор танҳо хосси як маркази муҳоҷират дар Санкт-Петербурги Русия нест, балки дар дигар бузургшаҳрҳои Русия ба мисли Маскав ва атрофи он низ аҳволи муҳоҷирон ба ҳамин монанд ва ё баъзан бадтар аз он низ гузориш мешавад.
