Хона блог саҳифа 373

Қирғизистон боз аз Туркия паҳпод харид. Тоҷикистон чӣ?

Аз ҷониби
firuzihait
-
0

Қирғизистон аз кишвари Туркия паҳподҳои навъи “Anka”-ро харидорӣ кард. Дар ин бора раиси дафтари матбуоти раисиҷумҳури ин кишвар Дайирбек Орунбеков дар саҳфаи фейсбукиаш хабар дод.

Бино ба иттилои Дайирбек Орунбеков, Қирғизистон барои дифоъ аз худаш паҳподи “Анка”-ро харидааст. Аммо Орунбеков мушаххас накардааст, ки чӣ миқдор паҳпод харидорӣ ва ба ин кишвар ворид шудааст.

Қаблан мақомоти Қирғизистон аз харидории паҳподҳои Байрактар, Аксунгур ва Акинҷӣ аз Туркия низ хабар дода буданд.

Гуфта мешавад, ҳамаи паҳподҳо дар ихтиёри Хадамоти сарҳадии Кумитаи давлатии амнияти миллии Қирғизистон гузошта шудаанд.

Дайирбек Орунбеков пештар хабар дода буд, ки бо як қарори кобинаи вазирон пардохти мукофотпулӣ ба хизматчиёни давлатии Қирғизистон барои харидани ҳавопаймоҳои бесарнишини ҳарбӣ аз охири соли гузашта боздошта шуд.

Ба гуфтаи Орунбеков “пас аз задухӯрд дар Бодканд, ба таҳкими нерӯҳои мусаллаҳ ва дифоъ таваҷҷӯҳи хоса зоҳир мешавад. Ҷоизае, ки ба хизматчиёни давлатӣ дода мешавад, ба таҳкими амнияти давлат нигаронида шудааст. Агар давлат бехатарии худро таъмин карда натавонанд, мукофотпулиҳо арзише надоранд”.

Хабари харидории навъи чоруми паҳподҳои Туркия аз ҷониби Қирғизистон, шаҳрвандони Тоҷикистон, асосан нафаронеро, ки дар марз бо Қирғизистон хона доранд, нигарон кардааст. Чун Ҷониби Қирғизистон дар муноқишаи ахир, ки рӯзҳои 14-17-сентябри соли 2022 сурат гирифт ва дар он аз ду тараф беш аз 100 нафар кушта ва даҳҳо нафари дигар захмӣ шуд, аз аз паҳпод истифода карда буд.

Дар шабакаҳои иҷтимо бархе корбарони ва сокинони кишвар мепурсанд, ки “Чиро Ҳукумати Тоҷикистон баръакси Қирғизистон дар фикри таҳкими нерӯҳои мусаллаҳи кишвараш нест? Оё мақомоти кишвар наметавонад як иқдомеро мисли мақомдорони қирғиз роҳандозӣ кунанду аз мукофотпулиҳои худ даст кашанд? Ё Эмомалӣ Раҳмон, ки худро “Пешво” эълон кардааст, наметавонад аз фонди захиравиаш, ки солона он аз буҷаи кишвар пур карда мешавад, барои дифои марзу буми кишвар пул ҷудо кунад?”

Гуфта мешавад, тибқи қонун “Дар бораи молияи давлатии Ҷумҳурии Тоҷикистон”, фонди захиравии Президент ба андозаи 2 дарсади даромади буҷаи давлат муқаррар карда шудааст ва тартиби истифодабарии маблағҳои Фондро худи Эмомалӣ Раҳмон муайян мекунад.

Ҳаҷми Фонди захиравии Президенти Тоҷикистон дар буҷаи давлатии ҷумҳурӣ танҳо дар соли 2021 404 миллион сомонӣ муқаррар карда шуда буд.

“Маҳал ва маъшуқа” меъёрҳои қабули кори тв-ҳои Тоҷикистон

Аз ҷониби
amrullokhi
-
0

Баҳси кор дар телевизионҳои давлатии Тоҷикистон, ки барномаҳои якранге доранд, аз нав дар миёни бархе сокинони кишвар доғ шудааст.

Журналисти шинохтаи тоҷик, бону Ҳуринисо Ализода, раҳбари Шӯрои Васоити ахбори оммаи Тоҷикистон бо нашри як матлаб телевизионҳои давлатиро ба макони маҳалгароӣ ва маъшуқачаронӣ муттаҳам кардааст.

Ба қавли раҳбари Шӯрои Васоити ахбори оммаи Тоҷикистон: “Дар шабакаҳои мо озодии баён намерасад. Маоши хуб намерасад, имкониятҳои техникӣ ва омӯзиши пайваста намерасад.  Журналистони хубро ҷалб кардан зарур аст. Маҳалу маъшуқа не, саводу истеъдод, критерияи интихоби журналистон дар ТВ  бояд бошад.“

Бону Ҳуринисо Ализода таъкид мекунад, ки телевизионҳои давлатӣ ҷойи “Тутиҳои хушпару болу такроргар не, журналисти донишманду эҷодкор даркор, ки барномаҳои креативӣ кунанд. Ними кишвар дар руйхати сиёҳ неву дар барномаҳо бояд бошанд.“

Ин интиқодҳои хонум Ҳуринисо Ализода, раҳбари Шӯрои Васоити ахбори оммаи Тоҷикистон дар шабакаҳои иҷтимоӣ ба истиқболи зиёде рӯбарӯ шудааст. Аз ҷумла, корбаре бо номи Маҳмуд Холов мегӯяд: “Эфирро бо барномаҳои “дуздӣ”-и аз телевизионҳои ҷаҳон пур мекунанд. Ҳаваскори ҳич кас намешинохтаро ба эфир роҳ медиҳанд, вай чӣ мехонад, чӣ мегӯяд, касе тафтиш намекунад ва ҳоказо…”

Корбари дигаре ҳам бо номи Гулсара Ёрова таъкид мекунад: “Аҷоиб ҳаст, тамоми кӯчаҳо, транспортҳои мусофиркаш, рекламаҳо, ном ва нишонаҳои корҳонаву, мағозаву ошхонаҳо саросар мавзӯь барои баҳс ҳаст, аммо журналистон хоҳиши барнома сохтан надоранд…“

Гуфта мешавад, ин интиқоди раҳбари Шӯрои Васоити ахбори оммаи Тоҷикистон дар интиқод ба як матлаби ҳафтаномаи “Фараж”, ки аз Кумитаи телевизион ва радиои Тоҷикистон хоста буд, “Шахсони маъруфи интернетро ба телевизион оред” садо додааст.

Муаллифи “Шахсони маъруфи интернетро ба телевизион оред” иддао карда карда буд, ки “зиёда аз 90 фоизи аҳолӣ шабакаҳои телевизионии ватаниро тамошо мекунанд.” Аммо раҳбари Шӯрои Васоити ахбори оммаи Тоҷикистон ин иддаоро рад карда, гуфт: “Аввалаш ин ки 90 фоизи тамошобини гуфтаатон омори ҳавоӣ аст. Телевизор тамошо кардан ин маънои телевизиони тоҷикро дидан нест. “

Бону Ҳуринисо Ализад меафзояд: “Ҳоло, ки садҳо шабакаҳои ҷаҳонӣ дастрасанд, фисади камтарини аҳолӣ, бинандаи телевизионҳои мо ҳастанд. Мардум телевизор тамошо мекунад, вале шабакаҳои бегонаро. Ва то кай мо онҳоро ҳамчун омори тамошобинони шабакаҳои тоҷикӣ “меҳисобонем”?

Ин баҳсҳо дар ҳоле гарм мешаванд, ки аксари сокинони кишвар ҳам ҳамин эътирозҳоро нисбати телевизионҳои давлатӣ доранд. Ба гуфтаи сокинон, дар телевизионҳои давлатӣ ба ҷуз тавсифҳои беҷо аз расиҷумҳур ва омори дурӯғ додан аз пешравиву саноат дигар чизе надоранд. Аммо бо вуҷуди ҳар дам иваз шудани раиси Кумитаи раидо ва телевизиони кишвар, ҳеч тағйироте дар барномаҳои ин соҳа дида намешавад.

Ба хотири додхоҳӣ бародари адвокати зиндонӣ ҳам зиндонӣ шуд

Аз ҷониби
AZDA TV
-
0

Додгоҳи ноҳияи Вахши вилояти Хатлон сокини ин ноҳия Баҳоуддин Шамсиддинов, бародари вакили дифои зиндонӣ Саиднуриддин Шамсиддиновро ба 4 соли зиндон маҳкум кард.

Акс аз Интернет

Як манбаи ошно ба парванда бидуни зикри номаш ба Azda tv хабар дод, ки рӯзи 13-уми январ Додгоҳи ноҳияи Вахш Баҳоуддин Шамсиддиновро, ки барои озод кардани бародари зиндонияш Саиднуриддин талош мекард, бо 3 моддаи Кодекси Ҷиноятии кишвар, аз ҷумла 307, 338 ва 345 (ҳамкорӣ бо гурӯҳҳои мамнуъ ва фош кардани сирри давлатӣ ва инчунин худсарона азхудкунии замн) гунаҳкор дониста, 4 сол аз озодӣ маҳрум кард.

Ба гуфтаи манбаъ, “додситонии ноҳия барои зиндонӣ кардани ӯ 9 сол талаб карда буд, аммо додгоҳ 4 сол ҳукм баровард.”

Манбаи Azda tv гуфт: “Баҳоуддин 31 сол дошт, мақомот аз ӯ қасос гирифт. Онҳо фармони додситони вилояти Хатлонро иҷро карданд. Фармонро Раҳимзода Абдураҳим додаст, ки Баҳовиддинро ба ҳабс бигиранд. Чун Баҳоуддин барои озод кардани бародараш Саиднуриддин мубориза мебурд ва ҳатто як чан маротиба ба Дастгоҳи Президент, Додситони кул ва дигар мақомоти дахлдор аз болои додситони вилояти Хатлон Раҳимзода Абдураҳим шикоят карда буд.”

Манбаъ мегӯяд, Баҳоуддин гуноҳе надошт, танҳо мақсадаш ин буд, ки бародараш озод шавад, аммо додситони ноҳия Раҳимзода Абдураҳим аз тарси ин ки бародараш Саиднуриддин озод нашавад, аз ӯ қасос гирифт. “Худаш дар сухани охиринаш зиёд ҳарф назад, танҳо гуфт, ки гуноҳе надорам, маро шиканҷа карданд, ки гуноҳи накардаро ба дӯш гириам, аммо шумо аз Худованд мебинед, ман 3 фарзанд дорм, оҳи дил доранд”, – афзуд манбаъ.

Ёдовар мешавем, ки аввали соли 2021 мақомоти ноҳияи Вахш вакили дифоъ Саиднуриддин Шамсиддиновро бо иттиҳоми “хариду фурӯши ғайриқонуни замин”, “қаллобӣ” ва “паҳн кардани маълумоти дурӯғ” барои 8,5 сол аз озодӣ маҳрум кард. Пас аз талошҳои зиёд барои озод шуданаш ва даъвоҳо ба зинаҳои болоӣ мақомот боз як иттиҳоми дигар, “ҳамкорӣ бо Гурӯҳи 24”-ро дар парвандааш илова карда, 8 моҳи дигар ба ҳукми зиндонаш афзуд.

ЭЪЛОН! ОЗМУНИ ТАНЗИ СИЁСӢ ДАР AZDA TV

Аз ҷониби
ofis
-
0

Шабакаи Аздо тв ба муносибати ҷашни Наврӯзи соли 2023 ва шод кардани рӯҳияи мардум нахуст озмуни навиштани танзи сиёсиро эълон мекунад!

Иштирокдорони ин озмун метавонанд матни танзҳои сиёсии худро тариқи эмайл ва ё ин рақамҳо аз тариқи Ватсапп ва ё Телеграм ба мо фиристанд. Ғолибони озмунро мукофотҳои пулӣ дар ҳаҷми умумӣ то 10 ҳазор сомонӣ интизор аст.

Эзоҳ:

  1. Ҳувияти иштироккунандаҳо бидуни ризоияти муаллифон фош намешавад;
  2. Қабули матнҳо барои озмун аз 19-уми январ то 16-уми марти соли ҷорӣ идома меёбад;
  3. Матни танзҳои ирсолшуда ҳам ба сурати навишторӣ ва ҳам сурати видеоӣ дар сафҳаҳои Azda tv дар шабакаҳои иҷтимоӣ, аз ҷумла Фейсбук ва Ютуб нашр мешаванд;
  4. Ҷойҳои якум, дуюм ва сеюм бо гузоштани лайк ва шарҳҳои хонандаҳо ва бинандаҳо интихоб мешаванд;
  5. Мукофот барои ҷои якум 5000 сомонӣ, ҷои дуюм 3000 сомонӣ ва ҷои сеюм 2000 сомонӣ;
  6. Муддати ҳисоби “лайк”-ҳо ва шарҳҳои корбарон дар поёни матнҳои нашршуда як ҳафтаро дар бар мегирад ва аз рӯзи нашри матн то 7 рӯз идома меёбад ва сипас ҷамъбаст мешаванд.

Иқдоми нек барои ҳифзи ҷони парандагон дар ин сармои сахт

Аз ҷониби
AZDA TV
-
0

Сокинони шаҳру ноҳияҳои кишвар бо ташаббусҳои шахсӣ барои ҳифзи ҷони парандагон дар ин сармои сахт иқдом карда, масъулин ҳам ба онҳо шарик шуданд.

Акс аз сомонаи Кумитаи ҳифзи муҳити зисти Тоҷикистон

Бахши Кумитаи ҳифзи муҳити зист дар ноҳияҳои тобеи марказ ва вилояти Хатлон барои ҳифзи ҷони парандагон дар ин сармои сахт дар кӯҳҳо ва соҳилҳо дон пошиданд.

Хабаргузории “Ховар” бо такя ба бахши матбуоти Сарраёсати ҳифзи муҳити зисти вилояти Хатлон иттилоъ дод, ки дар кормандони ин соҳа дар шаҳри Бохтар ва дигар ноҳияҳои ин вилоят барои ҳифзи парандагон аз сармо корҳои биотехнткӣ анҷом дода, дар талу теппаҳо дон пошиданд.

Тавре манбаъ иттилоъ медиҳад, аз ҷумла “18 январ аз тарафи кормандони бахши ҳифзи муҳити зисти шаҳри Левакант (собиқ шаҳри Сарбанд) ҷиҳати сардии ҳаво барои ҳайвонону парандагон дар ҷойҳои муайни шаҳр корҳои биотехникӣ анҷом дода шуда, дону хӯрокӣ гузошта шуданд.”

Аммо дар хабар аз иқдомҳои сокинон дар ин бора ёдовар нашудааст. Дар ҳоле, ки тибқи гузориши Радиои Озодӣ, Иззатуллои Муродалӣ, як сокини ин шаҳр бо ташаббуси шахсияш ва бо кумаки ҳамдеҳагонаш парандаҳое, ки аз сардии ҳаво аз паридан бозмондаанд, ба гармхонаи худ оварда обу дон медиҳад.

Акс аз гузориши Радиои Озодӣ

Гуфта мешавад, Иззатулло ҳатто барои касоне, ки ба гармхонаи ӯ парандагони сармозадаро меоранд маблағ пешниҳод мекунад. Ва ҳоло то 1000 навъи гуногуни парандагон дар гармхонаи ӯ нигаҳдорӣ мешаванд.

Сармои шадиди имсол дар Тоҷикистон ва набудани барқу газ зиндагии сокинонро ба маротиб душвор кард. Ҳатто вафоти баъзе шахсони дар кӯчамонда ҳам гузориш мешавад. Аз ҷумла, дар шабакаҳои иҷтимоӣ наворе давр мезад, ки дида мешуд ҷасади як нафарро аз дохили истигҳо пайдо мекунанд. Корбарон зери он навор навиштаанд, ин ҳодиса дар ноҳияи Рӯдакӣ рух дода, зоҳиран марҳум шаб дар ин сардӣ ҷои сарпаноҳе наёфтааст.

Ҷузъиёти истирдоди писари узви аршади ҲНИТ аз Олмон ба Тоҷикистон

Аз ҷониби
AZDA TV
-
0

Бино ба иттилои манобеи Azda tv, адвокатҳо дар фурӯдгоҳи Истанбули Туркия талош карданд пеши роҳи истирдод шудани Абдуллоҳи Шамсиддинро бигиранд, вале муваффақ нашуданд.

Абдуллоҳи Шамсиддин

Яке аз адвокатҳое, ки имрӯз барои наҷоти Абдуллоҳи Шамсиддин талош мекард, бидуни зикри номаш ба Azda tv гуфт: “Ба далели ин ки Абдуллоҳ дар нуқтаи транзит қарор дошт, талоши адвакатҳо натиҷа надод. Инчунин ду пулиси олмонӣ ва кормандони сафорат дар парвоз ҳамроҳияш мекарданд дар. Интизор меравад, соати 1:00 шаби 19-уми январ ба Душанбе расад ва эхтимолан фардо маълум мешавад сарнавишташ.”

Гуфта мешавад Абдуллоҳ аллакай дар хатсайри рақами “TK 254” Истанбул-Душанбе парвоз кардааст.

Ёдовар мешавем, ки зуҳри рӯзи 18-уми январи соли ҷорӣ мақомоти Олмон Абдуллоҳи Шамсиддин, писари узви аршади ҲНИТ Шамсиддини Саидро ба Тоҷикистон ихроҷ кард.

Имрӯз Шамсиддини Саид, падари Абдуллоҳ дар тамос ба Azda tv гуфта буд, ки аллакай дар Истанбул ҳам адвокат гирифтаанд ва талош доранд пеши роҳи писарашро аз истирдод шудан бигиранд.

Ӯ гуфт: “Дар Истанбул аллакай адвокат мисле ки корашро шуруъ кардааст, вале он ҷо як мушкиле ҳаст, ки ҳамагӣ 2 соат вақт аст ва он ҳам дар қисми транзити фурудгоҳ аст, дар як ҷои озод нест, ки битавонанд бо ӯ дастрасӣ пайдо кунанд, вале кӯшишҳо рафта истодааст. Ҳамчунин дар Олмон ҳам бояд дар зарфи ҳамин чанд соат як додгоҳе ташкил шавад ва бо далелҳои ахире, ки адвокат пешниҳод кардаст ва иҳтемло дорад, ки инҳо ҳам ягон тасмиме бигиранд.”

Шамсиддини Саид дар идома афзуд, ки дар умум корҳо барои наҷот додани писараш аз истирдод шудан ба Тоҷикистон ҳам дар Олмон ва ҳам дар Туркия идома дорад.

Антониу Гутерриш: Ҷаҳон дар вазъияти асафборе қарор дорад

Аз ҷониби
AZDA TV
-
0

Дабири кулли Созмони Миллали Муттаҳид Антониу Гутерриш мегӯяд, ҷаҳон ба сабаби чолишҳои гуногун ва ба ҳам муртабит дар ҳолати “асафборе” қарор дорад.

Антониу Гутерриш рӯзи чоршанбе, 18-уми январ дар Маҷмаи ҷаҳонии иқтисод дар шаҳри Давоси Швейтсария суханронӣ карда, ҳамлаи низомии Русия бар Украинаро яке аз сабабҳои аслии вазъияти ногуворӣ ҷаҳонӣ арзёбӣ кард.

Ӯ дар бо изҳори нигаронӣ гуфт, “Ҷаҳон ба далели чолишҳои гуногун ва муртабит ба якдигар, аз ҷумла тағйироти обу ҳаво ва ҷанги Украина дар вазъияти асафборе қарор дорад.”

Дабири кулли СММ гуфт, ки ба ин зудиҳо ҷанг дар Украина поён ёфтанӣ нест ва афзуд, ки ба хабарҳо дар мавриди поён ёфтани ин чандон хушбин нест.

Ӯ ҳамчунин гуфт: “Ин ҷанг поён хоҳад ёфт, аммо поёни онро дар ояндаи наздик намебинем, чунки ихтилофоти амиқи торихӣ байни Русия ва Украина ёфтани роҳи ҳалли мабнӣ бар қавонини байналмилалӣ ва эҳтиром ба тамомияти арзиро душвор кардааст.”

Ба гуфтаи Антониу Гуттериш, дар чунин вазъият бисёр душвор аст, ки ин ду кишварро барои баргузории як музокираи ҷиддӣ, ки ба воситаи битавонанд ба як сулҳи домӣ даст ёбанд, дар кӯтоҳмуддат ташвиқ карда шаванд.

Вай ҳамчунин таъкид кард, ки таҷовузи Русия ба Украина нақзи қонунҳои байналмилалӣ аст.

Ҳудуди 1,5 миллион сайёҳи Тоҷикистон дар Узбекистон

Аз ҷониби
amrullokhi
-
0

Нархҳои арзон дар Узбекистон муҳоҷирони корӣ, мусофирон ва беморони тоҷикистониро водор кардааст, ки ба ин кишвар бираванд.

Имрӯз, 18-уми январи соли 2023 Агентии миллии иттилоотии Тоҷикистон (АМИТ) “Ховар” дар истинод ба Кумитаи омори Узбекистон хабар додааст, ки дар соли 2022 аз Тоҷикистон 1 миллиону 447,1 ҳазор нафар ба қасди сайёҳат ба кишвари ҳамсоя  сафар кардааст.

Пеш аз ин Кумитаи омори Узбекистон хабар дода буд, ки моҳона ба ҳисоби миёна то се ҳазор бемор аз Тоҷикистон ба қасди табобат ба ин кишвар ташриф меоранд. Ба қавли манбаъ, танҳо дар даҳ моҳаи аввали соли гузашта 30 ҳазору 547 нафар бемор аз Тоҷикистон ба Узбекистон барои табобат сафар кардаанд, ки дар маҷмуъ 56 дарсади беморони хориҷиро ташкил медиҳанд.

Инчунин ҳазорҳо нафар аз тоҷирон ва сармоядорони тоҷикистонӣ низ вақте диданд, ки авзоъ дар кишвар рӯз то рӯз бадтар мешавад, барои ҳифзи тиҷорат ва сармояҳои худ ба Узбекистон кӯч баста, бо роҳандозии тиҷорат, истеҳсолот ва таъсиси корхонаву ширкатҳои хусусӣ ва муштарак дар рушди иқтисоди ҳамсоякишвар сармоягузорӣ мекунанд.

Аз сӯи дигар, дар шароите, ки мардуми Тоҷикистон қарор доранд, бовар кардан ба ин омори нашр кардаи “Ховар” сахт аст. Аз Тоҷикистоне, ки 10 миллион нафар аҳолӣ дорад, агар дар як сол якуним миллион нафари онҳо ба қасди сайёҳат ба Узбакистон рафта бошад, маънои онро дорад, камаш аз ҳар як хонадон як нафар аз ҳамсоякишвар дидан кардааст.

Ба гуфтаи бархе коршиносон, асли гап дар он аст, ки нархи хидматрасониҳо дар Узбекистон нисбат ба Тоҷикистон арзонтар аст. Нархи билетҳо ба Русия ва дигар кишварҳо низ хеле арзонтар мебошанд. Муҳоҷирон ва мусофирон ҳангоми рафту баргашт дониста ин роҳро интихоб мекунанд. Бархе пулдорҳо низ барои бозорёбӣ ва тарки бозори кор дар Тоҷикистон ба он кишвар рафта, боздид карда, меоянд.

Аз ин хотир як қисми зиёде аз муҳоҷирони кории Тоҷикистон, бахусус дар вилояти Суғд, вақте қасди рафтан ба Русия ва ё дигар кишварҳои хориҷро доранд ва ё аз Русия ва дигар кишварҳо ба Ватан баргаштан мехоҳанд, роҳи арзонро интихоб карда аз тариқи Узбекистон ба Тоҷикистон меоянд. Пештар як қисми онҳо аз роҳи Қирғизистон рафту омад доштанд. Пас аз баста шудани марзҳо Узбекистонро ҷои муносиб ёфтанд.

Вазири қирғиз аз беҳтар шудани муносибат бо Тоҷикистон гуфт

Аз ҷониби
firuzihait
-
0

Вазири корҳои хориҷии Қирғизистон дар як нишаст аз беҳтар шудани муносибатҳо бо Тоҷикистон хабар дод.

Ҷээнбек Кулубоев, вазири корҳои хориҷии Қирғизистон дар як суҳбати онлайние гуфт, ки соли 2022 дар муносибатҳои Қирғизистону Тоҷикистон соли сахт буд ва он айни замон каме беҳтар шудааст.

“Давраи сахти муносибатҳо бо Тоҷикистон буд: ҳодисаҳои сентябрӣ, баъди он гуфтугуҳои пӯшида тӯл кашиданд. Айни замон вазъ каме сабуктар шуд. Ҳамдигарфаҳмӣ аз ҷониби Тоҷикистон ҳаст, аз ҷониби мо ҳаст, ки ба ҳар ҳоле бояд гуфтугуҳои марзӣ ба поён расонида шаванд”, – гуфт Кулубоев.

Ба гуфтаи ӯ, аз ҳама муҳимаш сулҳ дар минтақаи марзӣ аст ва ӯ илова кард, ки гуфтугӯҳои марзӣ бо Тоҷикистон дар соли 2023 идома дошта, суръати бештар гирифтааст.

Ёдовар мешавем, ки чанд рӯзе пеш Эмомалӣ Раҳмон ва Содир Ҷабборов дар як суҳбати телефонӣ аз пешрафт дар музокироти марзӣ суҳбат карда, ба зарурати ҳалли тамоми масоил фақат аз роҳи сиёсиву дипломатӣ таъкид кардаанд ва гуфтаанд, ки музокироти кумиссиюни байнидавлатии таъйин ва аломатгузории марзи давлатӣ суръат бахшида шавад.

Тоҷикистону Қирғизистон 987 километр марзи муштарак доранд, ки беш аз 300 километри дигари он то ҳол муайян ва аломатгузорӣ нашудааст.

Солҳост, ки аломатгузорӣ нашудани марзи ду кишвар боиси сар задани муноқишаҳо мегардад. Муноқишаи охири марзӣ рӯзҳои 14-17-сентябри соли 2022 сурат гирифт, ки дар он аз ду тараф беш аз 100 нафар кушта ва даҳҳо нафари дигар захмӣ шуд. Ҳарду кишвар якдигарро ба таҷовуз ба қаламрави ҳамдигар муттаҳам карда буданд.

Писари Шамсиддини Саид аз Олмон ба Тоҷикистон ихроҷ шуд

Аз ҷониби
AZDA TV
-
0

Бино ба иттилои манобеи Azda tv, зуҳри рӯзи 18-уми январи соли ҷорӣ мақомоти Олмон Абдуллоҳи Шамсиддин, писари узви аршади ҲНИТ Шамсиддини Саидро ба Тоҷикистон ихроҷ кард.

Абдуллоҳи Шамсиддин

Манобеъ ба Azda tv гуфтанд, ки аз тафсилоти ихроҷ маълумоти дақиқ надоранд, вале айни ҳол танҳо ҳаминро медонанд, ки худи Абдуллоҳ субҳи имрӯз ба ҳамсараш занг зада хабар додааст, ки ӯро ба фурӯдгоҳ бурдаанд ва бо хатсайри Дюсселдорф-Истанбул ба Туркия ва аз онҷо ба Душанбе истирдод мекунанд.

Худи Шамсиддини Саид, падари Абдуллоҳ дар тамос ба Azda tv ихроҷи писарашро тасдиқ карда, гуфт, ки аллакай дар Истанбул ҳам адвокат гирифтаанд ва талош доранд пеши роҳи писарашро аз истирдод шудан бигиранд.

Ӯ гуфт: “Дар Истанбул аллакай адвокат мисле ки корашро шуруъ кардааст, вале он ҷо як мушкиле ҳаст, ки ҳамагӣ 2 соат вақт аст ва он ҳам дар қисми транзити фурудгоҳ аст, дар як ҷои озод нест, ки битавонанд бо ӯ дастрасӣ пайдо кунанд, вале кӯшишҳо рафта истодааст. Ҳамчунин дар Олмон ҳам бояд дар зарфи ҳамин чанд соат як додгоҳе ташкил шавад ва бо далелҳои ахире, ки адвокат пешниҳод кардаст ва иҳтемло дорад, ки инҳо ҳам ягон тасмиме бигиранд.”

Шамсиддини Саид дар идома афзуд, ки дар умум корҳо барои наҷот додани писараш аз истирдод шудан ба Тоҷикистон ҳам дар Олмон ва ҳам дар Туркия идома дорад.

Наздикони Абдуллоҳ пештар гуфта буданд, мақомоти Олмон тамоми далоиле, ки вакилони дифоъ дар ҷараёни боздошташ пешниҳод карда буданд, ба инобат нагирифтанд. Ва аллакай ҳукми ихроҷи ӯро ба Тоҷикистон содир карданд.

Пайвандон ва шиносҳои ӯ мегӯянд, агарчи Абдуллоҳи Шамсиддин фаъолияти сиёсӣ надошт, вале дар Тоҷикистон ӯро шиканҷаву зиндон таҳдид мекунад.

Пас аз боздошти ӯ, 17-уми декабри соли 2022 ҷамъе аз олмониҳо ва ҳамкоронаш аз ҳукумати ин кишвар хоста буднд, ки паноҳҷӯи тоҷик Абдуллоҳи Шамсиддинро ба Тоҷикистон ихроҷ накунанд, зеро дар онҷо шиканҷаву зиндон ӯро таҳдид мекунад.

1...372373374...800саҳифаи 373 аз 800