Дар фурӯдгоҳи байналмилалии шаҳри Хуҷанд Эмомалӣ Раҳмонро раиси вилояти Суғд Раҷаббой Аҳмадзода, ки дирӯз, 14-уми апрел аз субҳи барвақт то поёни шаб дар шаҳри Панҷакент ҳамроҳӣ мекард, пешвоз гирифт.
Инчунин бо супориши раиси вилоят Раҷаббой Аҳмадзода садҳо гулдухтарони донишҷӯ ва донишомӯзро, ки тайи наздик ба се моҳи ахир маҷбурӣ барои истиқболи президент омодагӣ гирифта буданд, ба пешвози Эмомалӣ Раҳмон фиристоданд.
Имрӯз Эмомалӣ Раҳмон дар шаҳри Хуҷанд ва ноҳияи Бобоҷон Ғафурови вилояти Суғд аз суҳби барвақт то ҳол аксари вақтҳои худро ба лентабурӣ ва бандкашӣ барои ифтитоҳи корхонаҳои хусусии соҳибкорон, аз он ҷумла корхонаи истеҳсоли хӯроки чорво, хӯроки паранда, “Орди фатир”, корхонаи истеҳсоли лифт ва ғайра бахшида аст.
Ҷолиб он, ки дар аксҳои нашр кардаи Хадамоти матбуоти Президент дида мешавад, се тан аз гулдухтароне, ки қабл аз пойин шудани Эмомалӣ Раҳмон аз чархбол дар масофаи то 100 метр дуртар ҳамроҳ бо дигарон барои истиқболи ӯ омодагӣ мегирифтанд, баъд аз пешвозгирӣ дар пушти сари Эмомалӣ Раҳмону ҳамроҳонаш назди дари вурудии чархболи президент ҳузур доранд ва барои савор шудан ба он шитоб доранд.
Гуфта мешавад, барномаи сафари Эмомалӣ Раҳмон ба вилояти Суғд аз пеш барои расонаҳо эълон нашудааст, вале вай ин сафарашро дирӯз, 14-уми апрел аз ноҳияи Айнӣ оғоз карда, сипас соате баъд ба шаҳри Панҷакант рафт ва тавре дар аксу наворҳо дида шуд, аксари онҳое, ки маҷбурӣ барои истиқболи ӯ оварда шуда буданд, бо чеҳраҳои боз вайро пешвоз нагирифтанд.
Бар асоси ин санад, дар соли ҷорӣ содироти 60 ҳазор тонна нахи пахта ба маблағи 89,9 миллион доллар дар назар гирифта шудааст, ки ин рақам дар соли 2023-50 ҳазор тонна (78,6 миллион доллар) ва дар соли 2024-40 ҳазор тонна (66 ҳазор доллар) хоҳад буд.
Ҳукумат дар ҳоле мехоҳад содироти нахи пахтаро кам кунад, ки танҳо дар ду моҳи аввали соли ҷорӣ Тоҷикистон ба маблағи беш аз 52,5 миллион доллар ҳудуди 21 ҳазор тонна нахи пахта содир кардааст.
Тибқи омори расмӣ, соли гузашта дар кишвар 388,8 ҳазор тонна пахта ҷамъоварӣ шудааст. Гуфта мешавад, аз 3 кг пахта 1 кг нахи пахта истеҳсол мешавад.
Дар кишвар ҳудуди 30 корхонаи нассоҷӣ фаъолият мекунад, ки иқтидори умумии коркарди онҳо дар як сол то 100 ҳазор тонна пахтаро ташкил медиҳад.
Дар шабакаҳои иҷтимоӣ тақрибан ҳар рӯз наворе аз боздошти ҷавонон дар кӯчаҳои Душанбе нашр мешавад. Аксар корбарон онро сарбозшикор ё “Облава” меноманд, аммо мақомот мегӯяд, “Облава” вуҷуд надорад.
Акс аз навори корбар аз Фейсбук
Корбаре бо номи Fardoi Tojikiston дар Фейсбук наворе аз лаҳзаи боздошти як ҷавон, ки зоҳиран донишҷӯ аст, нашр кард. Дида мешавад, се нафар ӯро зӯран ба мошини таксии 3333 савор мекунанд ва он ҷавон бо овози баланд гиря мекунад. Дар зери ин навор бештар аз 300 шарҳ навишта шудааст.
Дар шарҳҳои зери навор зане бо номи Наргис Рахматшоева аз ҷавони боздоштшуда Шоҳрух ном мебарад ва мегӯяд шогирдаш асту корманди ТВ “Душанбе” будааст. Ӯ афзуда, ки Шоҳрух баъди боздошт ба комиссариати ноҳияи Шоҳмансури шаҳри Душанбе бурда шудааст.
Президент Эмомалӣ Раҳмон пеш аз он, ки ба хонаводаи сарбози кушташуда дар марзи Тоҷикистон бо Қирғизистон ибрози ҳамдардӣ кунад, барои ҷашну пойкӯбӣ вилояти Суғд рафт.
Бино ба иттилои расмӣ, субҳи имрӯз, 14-уми апрели соли 2022 Президенти Тоҷикистон Эмомалӣ Раҳмон сафари худ ба вилояти Суғдро аз ноҳия Айнӣ оғоз карда, сипас барои иштирок дар ҷашни наврӯзӣ ва барномаи театрии он ба шаҳри Панҷакент рафт.
Дар ин сафар Президенти Тоҷикистон Эмомалӣ Раҳмонро шахсони расмӣ, аз ҷумла муовини Сарвазири кишвр Сатториён Матлубахон Амонзода, раиси вилояти Суғд Раҷаббой Аҳмадзода ва дигар шахсони расмӣ ҳамроҳӣ мекунанд.
Сафари раисони ҷумҳуриҳои Лаҳистон, Литва, Латвия ва Эстония ба Киев нахустин сафари сарони давлатҳо ба пойтахти Украина аз замони оғози ҳамлаи Русия аст. Дуда ва Науседа бори охир бо Зеленский дар остонаи ҷанг дар Киев мулоқот карда буданд.
Пештар Матеуш Мораветский сарвазири Лаҳистон бо ҳамтоёни худ аз Чехия ва Словения дар миёнаи моҳи март ба Киев рафта бо раисиҷумҳури Украина Владимири Зеленский мулоқот карда буданд.
Чанде пеш рӯзномаи “Bild” хабар дода буд, ки раисиҷумҳури Олмон Франк-Валтер Штайнмайер бо раисони ҷумҳуриҳои Лаҳистон, Литва, Латвия ва Эстония мехоҳад аз Киев боздид кунад, аммо раисиҷумҳури Украина Владимир Зеленский аз мулоқот бо Штайнмайер худдорӣ кард. Худи раисиҷумҳури Олмон Франк-Валтер Штайнмайер вақти боздидаш аз Лаҳистон ин гуфтаҳоро тасдиқ кард.
Ба навиштаи “Bild”, дар ҳоли ҳозир Владимир Зеленский ба далели равобити наздики сиёсатмадори олмонӣ бо Русия дар гузашта ва аз ҷумла пуштибонии ӯ аз тарҳи “Северный поток – 2” , намехоҳад бо Штайнмайер дар Киев мулоқот кунад.
Ҳамчунин дар ҳамин моҳ раиси Комиссияи Аврупо Урсула фон дер Ляйен, намояндаи Иттиҳодияи Аврупо Ҷозеп Боррел, садри аъзами Австрия Карл Неҳаммер ва сарвазири Бритониё Борис Ҷонсон аз Киев дидан карда буданд.
