Ҷустуҷӯ кунед
Ҷустуҷӯ
9.9 C
Dushanbe
Хона блог саҳифа 528

Писари Эшони Қиёмиддин аз боздошт раҳо шуд

Аз ҷониби
AZDA TV
-
0

Додгоҳи Русия писари Эшони Қиёмиддини Ғозӣ, Баракатулло Ғозиевро имрӯз 22-сентябр аз боздошт раҳо кард.

Баракатулло Ғозиев моҳи августи соли равон аз ҷониби мақомоти амниятии шаҳри Қазон дастгир шуда буд. Додгоҳи ноҳияи Совети шаҳри Қазон 15-уми август гуфта буд, ки боздошти ӯ бо дархости ҷониби Тоҷикистон сурат гирифтааст.

Баъд аз боздошт наздикони Ғозиев гуфтанд, ба эҳтимоли зиёд ӯро ба Тоҷикистон истирдод мекунанд ва дар сурати истирдод ӯро шиканҷа ва зиндон интизор аст. Рӯзи 22 сентябр вакили мудофеи Баракатулло Ғозиев дар саҳифаи фейсбукишя хабар дод, ки мақомоти Русия зерҳимояи ӯро озод кардаанд.

Нагиев Руслан мегӯяд, ки зерҳимояша бо модаҳои 189 “Барангехтани кинаву адовати динӣ” ва 305 “Хиёнат ба ватан”-и Кодекси ҷиноятии Ҷумзурии Тоҷикистон модаи гунаҳкор дониста, дар пайгард қарор дошт. Ва бо дархости Тоҷикистон дар Русия боздошт шуда буд.

Бино ба гуфтаи вакили дифоъ, ба хотири он ки зерҳимояшро дар Тоҷикистон зиндон, шиканҷа ва таҳқиру тавҳин таҳдид мекунад, чанде пеш дархости паноҳандагии сиёсӣ ба ВКД-и шаҳри Қазон дода буданд.

Ғозиев Баркатулло фарзанди Саидқиёмиддин Ғозӣ (Эшони Қиёмиддин) аз руҳониёни машҳури солҳои 90 ва яке аз раҳбарони ҲНИТ буд, ки соли 2018 дар шаҳри Санкт-петербурги Русия боздошт ва ба Тоҷикистон истирдод шуд ва тибқи гуфтаҳои мақомот дар зиндон бо дасти ДОЪИШ ба қатл расид.

Се тоҷик дар Қирғизистон маҳукм ба зиндон шуданд

Аз ҷониби
AZDA TV
-
0

Се шаҳрванди тоҷиктабори Қирғизистон дар ин кишвар барои солҳои тӯлонӣ ба зиндон маҳукм шуданд.

Рӯзи 21-уми сентябр додгоҳи ноҳияи Лайлаки вилояти Бодканд ин се тоҷикро бо иттиҳоми “убубри ғайриқонунии марз”, “қочоқи маводи мухаддир” ва “ғоратгарӣ” маҳкум кардааст.

Хабаргузории қирзии “24.kg” дар истинод ба додгоҳи Лайлак навишт, ки аз парвандаи Акмалҷон Исоев моддаи иттиҳоми “Хиёнат ба ватан” бардошта шуда. Аммо тибқи моддаҳои “Ғоратгарӣ”, “Қочоқи маводди мухаддир” инчунин “Убури ғайриқонунии марзи давлатӣ”-и Кодекси ҷиноятии Қирғизистон айбдор дониста шуда, ба 15 соли зиндон маҳкум шуд.

“Аз парвандаи ду шаҳрванди дигари Қирғизистон Аюбҷон Амонҷон Уроновҳо низ иттиҳоми “Хиёнат ба ватан” бардошта шуд. Аммо бо моддаҳои “Ғоратгарӣ” ва “Убури ғайриқонунии марзи давлатӣ” -и Кодекси ҷиноятии Ҷумҳурии Қирғизистон ҳарду ба 8 солу 6 моҳи зиндон маҳкум шуданд”, – гуфтанд аз додгоҳи Лайлак ба “24.kg”.

Инчунин гуфта мешавад, яке аз ин ду шаҳрванди тоҷиктабори Қирғизистон, ки номаш бурда нашудааст, бар иловаи маҳрум шудан аз озодӣ ҳамчун ҷуброни моддӣ бояд ба ҷабрдида 200 ҳазор сом (ҳудуди 2400 доллар) ва 100 ҳазор сом (тақрибан 1200 доллар) ҳамчун ҷарима ба ҳисоби давлат пардохт кунад.

Аммо наздикони маҳкумшудагон аз ҳукми додгоҳ розӣ нестанд ва мегӯянд ба зинаҳои болоии судӣ шикоят мебаранд.

Пештар гуфта мешуд, ки ин афрод бо иттиҳоми “Хиёнат ва ба ватан” айбдор ҳастанд ва вакили мудофеашон талаб карда, ки бо сабаби тасдиқ наёфтани “Хиёнат ба ватан” ва “Қочоқи маводди мухаддир” дар амали онҳо ин модда аз парвандаашон бардошта шавад.

Майсара Исоева, хоҳари Акмалҷон Исоев мегӯяд, иттиҳомоти онҳо туҳмат аст ва онҳоро асосан барои тоҷик будан чунин ҷазои сахт доданд.

“Акмалҷон дар сухани охирини худ гуфт, ғоратгарӣ ва қочоқи маводи мухаддир нисбат ба ӯ туҳмат аст ва бо сохтакорӣ ба гарданаш бор карда шудааст. Додрас таваҷҷуҳ накард. Бовар дорам, онҳоро барои тоҷик будан ҷазои сахт доданд. Аз рӯи ҳукм шикоят мебарем”, гуфт Майсара ба Радиои Озодӣ.

Ёдовар мешавем, пеш аз ин рӯзи 14 сентябр низ Додгоҳи ноҳияи Лайлаки вилояти Бодканд ду шаҳрванди Тоҷикистонро бо ҷурми даст доштан дар муноқишаҳои марзӣ ба ҳукми абад маҳкум кард.

Ин ду шаҳрванди Тоҷикистон Абдурозиқ Қаҳҳоров ва Аскар Юнусов, сокинони ҷамоати Хистеварзи ноҳияи Бобоҷон Ғафуров буда, бо моддаҳои “Ҷиноят бар зидди сулҳ” ва “Ғоратгарӣ” айбдор дониста шуданд.

Узви “Гурӯҳи-24” дар Душанбе ба 20 соли зиндон маҳкум шуд

Аз ҷониби
firuzihait
-
0

Додгоҳи шаҳри Душанбе Раҳматҷони Маҳмадҷон, намояндаи “Гурӯҳи – 24” дар Русияро ба 20 соли зиндон маҳкум кард.

Бино ба иттилои сомонаи расмии Ҳаракати сиёсии “Гурӯҳи – 24” Раҳматҷони Маҳмадҷон бо қарори додгоҳи шаҳри Душанбе бо моддаҳои 187, 189, 307 (қисми 1,2,3) -и кодекси ҷиноятии ҶТ айбдор дониста шуда, ба 20 соли зиндон маҳкум шудааст.

“Гурӯҳи – 24” даст доштани макомоти ҳифзи ҳукуқи Тоҷикистон ва Русияро дар қазяи рабуда шудани Раҳматҷони Маҳмадҷон қайд намуда, ҳарду ҷонибро ба поймол намудани меъёрҳо ва қонунҳои байналмилалӣ айбдор кардааст.

Ҳамчунин дар идома ин Ҳаракати сиёсӣ дар сомонаи расмиаш менависад, ки “дар ин ҷиноят ба адолат ноил шудан ва гунаҳкоронро ҷазо додан ғайриимкон аст. Ва пайомади беҷазоӣ боз ҷиноятҳои нав хоҳад шуд.”

Ёдовар мешавем, ки 18-уми майи соли ҷорӣ намояндаи Ҳаракати сиёсии “Гурӯҳи 24” дар Федератсияи Русия Раҳматҷони Маҳмадҷон, ки шаҳрвандии Русияро низ доштааст, пас аз хона баромадан нопадид шуд. Пас аз номаву дархостҳои “Гурӯҳи-24” ба мақомоти ҳифзи ҳуқуқи Русия, 27-уми майи соли ҷорӣ аз номи ВКД-и Русия дар посух ба дархости Дастгоҳи иҷроияи Президенти Русия ва 10-уми июн аз номи Сарраёсати ВКД дар шаҳри Маскав ба дархости вакили дифоъ ҷавоб омад.

Дар ҳар ду мактуб гуфта мешуд, ки Раҳматҷони Маҳмадҷон тавассути фурӯдгоҳи Домодедоваи шаҳри Маскав ба шаҳри Душанбе парвоз кардааст.

Ҳамчунин таъкид мешуд, ки Раҳматҷони Маҳмадҷон дар ҳудуди Русия барои қонуншикании ҷиноятӣ сабти ном нашудааст ва “Гурӯҳи-24”- ро зарур аст, ки барои таҳқиқи ҳамаҷонибаи ин қазия ба мақомоти ҳифзи ҳуқуқи Тоҷикистон муроҷиат кунад.

Боздошти чор тоҷикистонӣ бо иттиҳоми пайравӣ аз Толибон

Аз ҷониби
shukhrat
-
0

Чор тоҷикистонӣ бо иттиҳоми пайравӣ аз ақидаи толибонӣ ва бо гумони анҷоми ҳамлаҳои терористӣ дар Екатеринбурги Русия боздошт шуданд.

Сурат: Интернет

Рӯзи чоршанбе, 22-уми сентябр дар Екатеринбург панҷ пайрави Толибонро, ки мехостанд ҳамлаҳои террористӣ анҷом диҳанд, боздошт карданд. Дар ин бора телеграмканали “

Азимҷон Ваҳоббов, коршиноси масоили сиёсӣ

Азимҷон Ваҳоббов гуфт: Бубинед дар ин бора чанд фарзия вуҷуд дорад. Аз ҷумла инки дар гузашта ҳар боре дар Русия як маъракаи сиёсие ба монанди интихобот доир шудааст, баъд ва пеш аз он ин эҳтимол вуҷуд дорад, ки якчунин ҳодисаҳое гуё сурат мегирад ва ё гуё қарор аст, ки сурат бигирад ва хабарҳои он тавассути расонаҳои русӣ бо манбаи мақомоти қудратии он кишвар паҳн мешаванд. Ва зуд фазои хабаргузориҳо ва расонаҳои русиро пур мекунад. Ва масъалаи шикоят аз интихобот ва тақаллуб ва ғорати раъйи мардум билофосила ба хабари дуввум ва севвумдараҷа табдил ва ҳамин тариқ фаромӯш мешавад.

Ба таъкиди ин коршиноси масоили сиёсии тоҷик: Интихоботи ахири Русия ҳам аз ин масъала истисно набуд ва нест. Далелаш ҳам ин аст, ки интихоботҳои россия мисли интихоботҳои Тоҷикистон ҳечгоҳ шаффоф намегузаранд ва хабарҳо ва интиқодҳо атрофи он зиёд мешавад. Барои онки таваҷҷуҳи афкори умум ба тарафи дигар бурда шавад ва мардум барои ҳимоят аз раъйи худ ба кучаҳо нарезанд, бояд якчунин ҳодисаҳое тавассути афроди хос тарроҳӣ шаванд ва мардум бояд дар ҳолати тарсу ваҳмзадагӣ қарор бигиранд. Ба ҳамин хотир ҳодисаи кушта шудани зани 65 – сола, ҳодисаи террористии донишгоҳи Перм ва ин ҳодисаи ахири боздошти 5 нафар аз ҷумла чаҳор тоҷикистонӣ то адозае аз ҳамин зовия мавриди баррасӣ қарор мегиранд.

-Аммо чаро дар ин қазия аз номи Толибон истифода шудааст?

-Зеро гурӯҳи Толибон як гурӯҳи тоза ба қудрат расида ҳаст ва бо таваҷҷуҳ ба таҳлилу ҳарфҳои зиёде, ки феълан дар саросари ҷаҳон нисбати онҳр вуҷуд дорад, метавонад бештар мавриди таваҷҷуҳ қарор бигирад ва мутмаинам ин масъала то чард рӯз дар расонаҳо маврирди баҳсу баррасӣ хоҳад буд. Ки оё Толибон дар ин кор даст доранд ё не ва бо таваҷҷуҳ ба инки Толибон таъкид мекунанд, ки хориҷ аз марзҳои Афғонистон фаъолият нахоҳанд кард. Бинобар ин, ин масъала барои расонаҳо ва афкори умум ҷолиб хоҳад буд.

-Ва чаро пойи шаҳрвандони Тоҷикистон ба ин масъала кашида шуд?

-Посух ин аст, ки оё магар бесоҳибтар аз тоҷик дар Россия ва минтақа ягон қавму миллати дигаре ҳаст? Ҳама заминаҳо барои истифода аз тоҷикҳо дар ингуна ҳаводис омода аст. Ҳеч кас аз онҳо ҳимоят нахоҳад кард. Парвандаашон ҳечгоҳ шаффоф баррасӣ намешавад. Тоҷикҳо худашон дар кишвари худ бесоҳибанд. Ҳукумати Тоҷикистон худаш тоҷикҳоро бадном, туҳмат, шиканҷа, зиндонӣ, муттаҳам ба терроризм ва ҳатто мекушад.

Вақте чунин аст, пас тоҷикҳо дар ингуна бозиҳои ноҷавонмардона, баройи мақомоти махсуси Русия як луқмаи ширини тайёр, бепул, бесоҳиб, беватан ва қурбонии рақами авваланд.

Интиқоди вазири тоҷик дар Ню-Йорк аз Толибон

Аз ҷониби
m
-
0

Сироҷиддин Муҳриддин, вазири корҳои хориҷии Тоҷикистон дар ҳошияи нишастҳои Созмони Миллали Муттаҳид дар Ню-Йорк аз кишварҳои таъсиррасон хост, ки алайҳи зулму ситами Толибон дар Панҷшер чораҷӯӣ кунанд.  

Ба иттилои сомонаи Вазорати корҳои хориҷии Тоикистон Сироҷиддин Муҳриддин 21-ум сентябр барои иштирок дар иҷлосияи 76-уми Маҷмаи умумии СММ ба Ню-Йорк рафт.

Дар ҳошияи ин нишастҳо ҷаноби Сироҷиддин Муҳриддин аз ҳамтоёни худ ва кишварҳои таъсиррасон талаб кардааст, ки ба мардуми Панҷшер кумак кунанд, то аз зулму шиканҷаи Толибон раҳоӣ ёбанд.

Ҳамзамон вазири корҳои хориҷаи Тоҷкистон дар Ню-Йорк бо Президенти Кумитаи байналмилалии Салиби Сурх Петер Маурер мулоқот карда ёдовар шудааст, ки айни замон расонидани ёрии башардӯстона ба мардуми Афғонистон, ва бахусус сокинони водии Панҷшер зарурӣ мебошад.

Вилояти Панҷшер яке аз минтақаҳои тоҷикнишини Афғонистон аст, ки раҳбаронаш ҳукумати Толибонро пас аз ишғоли Кобул дар 15 августи соли ҷорӣ қабул накарданд. Сипас ба раҳбарии Аҳмад Масъуд дар ин минтақа Ҷабҳаи муқовимати миллии Афғонистон таъсис дода шуд ва дар ҳоли ҳозир ҷанг байни нерӯҳои ин ҷабҳа ва Толибон дар Панҷшер идома дорад.

Донишҷӯёни овора, на дар Душанбе роҳ ёфтанд ва на дар Бишкек

Аз ҷониби
AZDA TV
-
0

Як гурӯҳ аз донишҷӯёни тоҷик рӯзи 20-уми сентябр дар назди сафорати Қирғизистон дар Душанбе ҷамъ омада, талаб карданд, ки ба онҳо иҷозат диҳанд барои иодмаи таҳсил ба ин кишвари ҳамсоя сафар кунанд. Аммо дар сафорат гуфтаанд, ки аз дасти онҳо коре сохта нест.

Акс аз навори гузориши Радиои Озодӣ

Яке аз нафарони ҷамъомада донишҷӯи соли 5-уми Дошингоҳи тиббии Қирғизистон буда, баҳори имсол ба Тоҷикистон омад, вале дигар натавонист барои идомаи таҳсил ба ҷояи таҳсилаш баргардад.

Ба гузориши Радиои Озодӣ, донишҷӯёни ҷамъомада дар назди сафорат аз он шикоят кардаанд, ки касе омода нест мушкилоти онҳоро ҳал кунад. Онҳо ба Вазорати маориф ва илми Тоҷикистон ба сафорати Қирғизистон дар Душанбе ва дигар ниҳодҳои марбута муроҷиат кардаанд, вале мушкилашон ҳал нашуд.

Пеш аз ин ба онҳо тавсия шуда буд, ки метавонанд барои идомаи таҳсил дар дохили кишвар аз рӯи ихтисосҳояшон ба донишгоҳҳо шомил шаванд ва таҳсилро идома диҳанд. Аммо ин донишҷӯён гуфтаанд, ба донишгоҳҳо муроҷиат карданд, ба онҳо гуфтанд, ки ҷой нест.

“Ба Донишгоҳи тиббӣ рафтем, қабул накарда, гуфтанд, ҷой аллакай пур шудааст. Дар Донишгоҳи тиббии Данғара 32-33 нафар дохил шуданд, гуфтанд, ки студент пур шудааст, мо қабул карда наметавонем.”, гуфт як донишҷӯ бо номи Машрафи Муҳаммадюсуф ба Радиои Озодӣ.

Донишҷӯёни саргардони хавфи онро доранд, ки муддати таҳсилашон дар Донишгоҳҳои Қирғизистон кам мондааст ва агар сари вақт ба макони таҳсилашон нараванд, заҳматҳои чандсолаашон барбод меравад.

Ёдовар мешавем, ки Қирғизистон пас аз даргириҳои хунини охири моҳи апрел марзҳояшро яктарафа бо Тоҷикистон баст ва эълон кард, ки то ҳал шудани мушкилоти марзӣ марзҳояш бар рӯи тоҷикистониён баста мемонад.

Муаррифии сомонаҳои куҳна дар Вазорати меҳнат

Аз ҷониби
shukhrat
-
0

Вазорати меҳнат, муҳоҷират ва шуғли аҳолии Тоҷикистон рӯзи 18-уми сентябр нишасте доир кард, ки дар он аз фаъол шудани се сомона хабар дод.

Сурат: Вазорати меҳнат, муҳоҷират ва шуғли аҳолии ҶТ

Дар рафти нишаст оид ба муаррифии сомонаҳо қайд карда, ки фаъол гаштани онҳо минбаъд ба корҷӯён ва муҳоҷирони меҳнатӣ дар дохил ва хориҷи Тоҷикистон барои пайдо кардани ҷойи кор кумак хоҳанд кард.

Тибқи маълумоти Вазорати меҳнат ва шуғли аҳолии кишвар ин се сомона (www.kor.tj, www.shugl.tj, www.kasb.tj)  дар заминаи ҳадафҳои «Стратегияи миллии рушди Ҷумҳурии Тоҷикистон барои давраи то соли 2030», Фармони Президенти Ҷумҳурии Тоҷикистон «Дар бораи Стратегияи давлатии технологияҳои иттилоотӣ – коммуникатсионӣ барои рушди Ҷумҳурии Тоҷикистон», қарорҳои Ҳукумати Ҷумҳурии Тоҷикистон «Дар бораи Барномаи таъмини бехатарии иттилоотии Ҷумҳурии Тоҷикистон» ва аз 30 декбри соли 2019, №642 «Дар бораи Консепсияи иқтисоди рақамӣ дар Ҷумҳурии Тоҷикистон» таҳия шудаанд.

Гуфта мешавад, тавассути ин се сомона шаҳрвандон метавонанд мустақилона маълумотҳои саривақтӣ, навигариҳо дар бораи ҷойҳои кории холӣ, санад ва дигар маводҳои заруриро дастрас намоянд.

Инчунин ба шаҳрвандони бекор, корҷӯён ва муҳоҷирони меҳнатии ба ватан баргашта ҷойҳои кории холӣ таъмин ва барои интихоби мутахассисон ба корфармоён шароит фароҳам меорад.

Вазорати меҳнат дар ҳоле аз муаррифии се сомона хабар медиҳад, ки сомонаҳои мазкур қаблан дар интернет фаъолият мекарданд. Бино ба маълумоти торнамои “Get.TJ” сомонаи kor.tj аз сентябри соли 2011 таҳти номи “Агентии меҳнат ва шуғли аҳолии Вазорати меҳнат, муҳоҷират ва шуғли аҳолии Ҷумҳурии Тоҷикистон” ба қайд гирифта шуда, 10 сол мешавад, ки рӯйи кор аст.

Сомонаи shugl.tj бошад, шаш моҳ пеш, моҳи марти ҳамин сол ва сомонаи kasb.tj 5 моҳ қабл, апрели соли ҷорӣ ба қайд гирифта шуда, ҳар се сомонаҳо бо нишонии кӯчаи Алишер Навоӣ 5/1 дар доменҳои интернетӣ сабти ном гаштаанд.  

Коршиносон мегӯянд, бо фаъол гаштани чунин сомонаҳо вазъият тағйир нахоҳад кард ва теъдоди бекорон ва корҷӯён чи дар дохили кишвар ва чи дар хориҷ бештар ва дар ҳоли афзоиш аст. Чунки дар Тоҷикистон истеҳсолот мавҷуд нест.

Кӯшиши табаддулоти ноком дар Судон

Аз ҷониби
m
-
0

Субҳи имрӯз кӯшиши табаддулоти давлатии низомиён алайҳи ҳукумати интиқолӣ дар Судон ноком гузошта шуд.

Тибқи гузориши шабакаи “Алҷазира”, бисёре аз муттаҳамон дар кӯшиши табаддулоти давлатӣ боздошт шудаанд ва тафтишот оғоз шудааст. Телевизиони давлатии Судон низ эълом карда, ки кӯшиши забт кардани қудрат барҳам зада шуд.

Кӯшиши табаддулот дар ин кившари арабӣ имрӯз, сешанбе сӯрат гирифта, сарбозон барои пахш кардани изҳороти табаддулот вориди бинои Радио шудаанд, аммо ин талош фавран қатъ карда шуд.

Як манбаъ аз ҳукумати феълии Судон ба Ал -Ҷазира гуфта, ки маълумот дар бораи кӯшиши табаддулоти давлатӣ шоми душанбе ба ҳукумат расида буд, ва дар ҳукумат барои хунсо кардани он пешакӣ омодагӣ гирифтанд.

Субҳи имрӯз телевизиони давлатии Судон эълом кард, ки кишвар шоҳиди “кӯшиши  табаддулоти нофарҷом” аст ва аз шаҳрвандон даъват кара, ки бо он муқобилат кунанд. Мақомоти Судон низ дар ин бора дертар изҳорот пахш хоҳанд кард.

Дар навбати худ, узви Шӯрои Ҳокимияти Судон Муҳаммад Ал-Факӣ Сулаймон гуфт, ки “Судониҳо бояд барои дифоъ аз кишвари худ ва ҳифзи ҳукумати интиқолӣ бархезанд.” Ал–Факӣ Сулаймон афзуд, ки “ҳама чиз таҳти назорат буда ва қиёми мардум пирӯз аст.”

Як раҳбари нерӯҳои Озодӣ ва Тағйирот ба Ал -Ҷазира гуфта, ки аъзои режими собиқ кӯшиши табаддулотро анҷом додаанд ва шуморе аз онҳо боздошт шудаанд. Кӯшиши табаддулот аз ҷониби афсарон бо мошинҳои зиреҳпӯш дар ду минтақаи низомӣ Води Сидно ва Умдурмон сурат гирифтааст.

Субҳи имрӯз фаъолони судонӣ дар шабакаҳои ифтимоъӣ тасвирҳоеро дар бораи ҷойгиркунии нерӯҳо ва мошинҳои низомӣ дар кӯчаҳои Хартум пахш карданд.

Охирин табаддулоти низомӣ дар Судон моҳи апрели соли 2019 рӯх дода буд, ки дар натиҷа ба ҳукми 30-солаи собиқ президент Умар Албашир хотима дод. Ин табаддулот бар асари эътирозҳои оммавӣ, ки моҳи декабри соли 2018 дар пасманзари бӯҳрони амиқи иқтисодӣ ва паст шудани сатҳи зиндагӣ сар зад.

Дар охири моҳи августи соли ҷорӣ дар ин кишвар ҳукумати интиқолӣ ташкил шуд ва раҳбари шӯрои низомии давраи гузариш Абдулфаттоҳ ал-Бурхон ба ҳайси сарвари Шӯрои Ҳокимияти Давлат савганд ёд кард ва Абдуллоҳ Ҳамдок сарвазири нав эълон шуд.

Парвозҳо зиёд шуданду билет арзон нашуд

Аз ҷониби
AZDA TV
-
0

Ширкати ҳавонавардии русии “

Тибқи ҷадвали нави ин ширкат парвозҳо аз фурӯдгоҳи Богашево (Томск) ба шаҳрҳои Тоҷикистон ва Қирғизистон мунтазам аз моҳи ноябр оғоз мегардад.

Ба иттилои ширкат, парвозҳо ба чор шаҳри Тоҷикистон: Душанбе, Хуҷанд, Бохтар ва Кӯлоб анҷом дода мешаванд. Парвозҳо тибқи ҷадвали омодашуда ба ҳама самтҳо то охири моҳи марти соли 2022 дар як ҳафта як маротиба амалӣ мешаванд.

Бино ба гуфтаи ширкат, парвозҳои доимӣ аз Томск ба кишварҳои Осиёи Марказӣ аз солҳои 90 -ум ин ҷониб анҷом наёфтааст. Сабабро намояндагони ширкат ба кам будани талабот рабт медиҳанд. Бо ин ҳол, интизор меравад, ки парвозҳо аз 6 ноябри соли ҷорӣ оғоз гарданд.

Ширкати “S7 Airlines” нархи билетҳои ҳавопайморо дар самтҳои мазкур эълон накардааст ва маълум нест арзиши як билет чӣ қадар меистад. Аммо бо вуҷуди зиёд шудани парвозҳои байни шаҳрҳои Русия ва Тоҷикистон ҳамоно нархи билетҳо гарон боқӣ мондаанд.

Як сокини вилояти Хатлон дар суҳбат ба Аздо тв гуфт, ҳафтаи гузашта барои сафар ба Иркутск бо нархи 6000 сомонӣ билет харидааст. Ба қавли ӯ, ин нарх албатта барои ҳаркас дарстрас нест.

Тибқи изҳороти Ожонси авиатсияи шаҳрвандии Тоҷикистон бояд нархи билетҳо аз 500$ бештар набошанд. Аммо ба қавли сокинон бо ин нарх ёфтани билет маҳол аст.

Баъд аз шуруи дигарбораи парвозҳои доимӣ байни Русия ва Тоҷикистон якбора нархи билетҳо боло рафт. Ҳатто мардум то 12 ҳазор сомонӣ то Маскав билет хариданд.

Интихоботи Русия тағйироти ҷиддие ба зиндагонии муҳоҷирон намеорад

Аз ҷониби
m
-
0

Ҳизби “Русияи воҳид” дар интихоботи Думаи Давлатии Русия бо ба даст овардани наздик ба 50 дарсади оро 300 курсиро соҳиб шудааст.

Тибқи иттилои хабаргузории русии “ТАСС”, пас аз шумориши 100 фоизаи оро дар Русия барои интихоби вакилони Думаи давлатӣ (парлумон)-и Русия ҳизби “Русияи воҳид” (Единая Россия) пирӯзи интихобот дониста шудааст.

Ба иттилои манбаъ, натиҷаи ҳисоби овозҳои раъйдиҳандагон нишон дода, ки Ҳизби Русияи воҳид , 49,82% фисади ороро соҳиб шуда аст. Ҳамин тариқ Ҳизби коммунистони Русия (18,93%), Ҳизби либерал-демократ (ЛДПР) – 7,55%, “Русияи одил” – 7,46% ва “Одамони нав” – 5.32% фоизи ороро соҳиб шудаанд.  Ҳамаи ин 5 ҳизб бо соҳиб шудани бештар аз 5 фоизи оро ҳаққи вуруд ба  Думаи давлатиро пайдо кардаанд.

Назарсанҷиҳо аз қабл пирӯзии ҳизби ҳокимро пешбинӣ карда буданд. Инчунин дар интихобот мухолифон ва мунтақидони Кремлин бо баҳонаҳои мухталиф роҳ наёфтанд ва гузоришҳо аз тахаллуф ва ношафоф пур кардани сандуқҳои раъй зиёд нашр шудааст. Дар ҳамин ҳол Комиссияи интихобот ин гузоришҳоро қабул надорад, ва онро кори хориҷиҳо дониста аст.

Дар Русия муҳоҷирони зиёде аз кишварҳои собиқ Шӯравӣ ва ба хусус Тоҷикистон ба сар мебранд, ки ададшон аз 1,5 то 2 милион гуфта мешавад. Интихоботи ахири ин кишвар дар зиндагии онҳо низ бетаъсир буда наметавонад, аммо коршисносн мегӯянд, беҳбудие дар кори муҳоҷирон сурат нахоҳад гирифт ва шояд қавонини муҳоҷират боз шадидтар шавад.

Фарҳод Одинаев, фаъоли сиёсии тоҷик, ки ҳудуди 20 сол дар Русия зиндагӣ ва кору фаъолият кардааст, мегӯяд дар парлумони Русия чизе иваз нашуд, ҳамон тиме куҳна ва вафодор ба Путин аст боз рӯи кор омад ва аз ин рӯй қавонин низ тағйир нахоҳад кард.

Ба гуфтаи ӯ: “Ин ҳама омодагӣ ба интихоботи соли 2024 аст, чун дар назар аст дар соли 2024 интихоботи президентӣ сӯрат бигирад ва Путин боз ҳақ дорад номзадиашро пешбарӣ кунад”.

Ин фаъоли сиёсии тоҷик таъкид мекунад, ки дар ин интихобот комунистон як кам раъйи бештар гирфитанд, аммо боз ҳам барои тағйироти ҷиддие дар қонунгузорӣ басанда нахоҳад буд ва ҳарфи аввал дар дасти тими Путин аз ҳизби “Русияи воҳид” хоҳад монд.

1...527528529...745саҳифаи 528 аз 745

Дар бораи мо

АЗДО ТВ бо ҳадафи рушди озодии баён, нашри арзишҳои демократӣ, риояи гуногунандешӣ ва додани минбари озод барои тамоми қишрҳои ҷомеа рӯйи кор омадааст. Тарҳ аз ҷониби Фонди (NED) сармоягузорӣ мешавад. Мо дар фаъолияти расонаии худ пойбанди меъёрҳои байналмилалӣ ва ахлоқи журналистӣ ҳастем. Бознашри матолиби АЗДО ТВ бо зикри манбаъ иҷозат дода мешавад. Шиори мо: Озодии расона зербинои ҷомеаи демократист!

Dushanbe
few clouds
10.1 ° C
10.1 °
10.1 °
81 %
2kmh
11 %
Sat
11 °
Sun
21 °
Mon
24 °
Tue
26 °
Wed
20 °

© 2023 АЗДО ТВ шабакаи хабаррасонӣ ва таҳлилӣ мебошад - Ҳамаи ҳуқуқ маҳфуз аст