Ҳаракати Толибон рӯзи сешанбе пас аз расидан ба қудрат дар саросари Афғонистон барои тамоми кормандони давлатӣ афви умум эълон каданд ва аз ҳама коркунони идораҳои давлатӣ ва занони коргар тақозо карданд, ки ба сари кори худ баргарданд.

Ҷангҷӯёни Толибон рӯзи якшанбе пас аз хуруҷи Ашрафғанӣ, президенти пешини Афғонистон вориди Кобул шуданд. Ин ҳаракат дар изҳороти рӯзи сешанбе аз шаҳрвандон даъват кард, ки фаъолияти касбии худро дубора оғоз кунанд. “Авфи умумӣ барои ҳамаи кормандони давлатӣ эълон шудааст. Дар натиҷа, шумо бо итминони комил бояд ба корҳои рӯзмарраи худ баргардед”, – омадааст дар баёнияи ин гурӯҳ.

Аммо аз сӯи дигар, бархе кишварҳои ғарбие, ки тайи 20 соли гузашта дар Афғонистон ҳузури низомӣ доштанд, эълон кардаанд, ки тамоми кормандон ва ҳамкорони маҳаллии худро аз ин кишвар хориҷ мекунанд. Ба ин хотир, мардум гурӯҳ-гурӯҳ ба сӯи фурӯдгоҳи Кобул барои фирор аз Афғонистон раҳсипоранд.

Хабаргузории “Ал-Ҷазира” дар сафҳаи Твиттериаш хабар аз масъулони амнияти фурӯдгоҳи байналмилалии Кобул дод, ки гурӯҳе аз мусаллаҳони Толибон вориди фурӯдгоҳи Кобул шуданд. Ин дар ҳолест, ки мулло Яъқуб, масъули комиссиюни низомии гурӯҳи Толибон ба ҷангҷӯёни ин гурӯҳ дастур дод, ки ба хонаҳо, сафоратхонаҳои холӣ ва фурӯдгоҳ ворид нашаванд.

Аммо дар робита ба ҳамкорӣ намудани ҷомеаи ҷаҳонӣ бо Толибон вокунишҳои гуногун дида мешавад. Аз ҷумла Амрико мегӯяд, ҳар ҳукумате, ки дар Кобул сари кор меояд бояд ба ҳуқуқи башар, аз ҷумла ба ҳуқуқи занон эҳтиром бигузорад.

Сухангӯи Вазорати хориҷаи Амрико, Эдвард Прайс дар як паёме дар Твиттер навишт, ки агар давлати ояндаи Афғонистон ҳуқуқи башарро риоят кунад, бо он ҳамкорӣ мекунем. Ҳамчунин давлати Чин низ дар як баёнияе гуфт, ки масъалаи ҳамкорӣ бо ҳукумати нави Афғонистонро баррасӣ дорад.

Ҳамзамон кишвари Русия низ эълони омодагӣ барои ҳамкорӣ бо Толибон кардааст. Русия мегӯяд, агарчи ин кишвар ҳаракати Толибонро гурӯҳи террористӣ ва мамнуъ эълон кардааст, вале дар асл бо ин гуруҳ “душман” нест. Дар ҳамин ҳол вазири корҳои хориҷии Русия Сергей Лавров гуфт, аз назари Маскав тазминҳое, ки гурӯҳи Толибон тай ду рӯзи ахир додаанд, “мусбат”-анд.

Хабаргузории “Азия-Плюс” бо такя ба манобеи маҳаллӣ иттилоъ дод, ки шаби 15 август дар фурудгоҳи шаҳри Бохтар – маркази вилояти Хатлон фуруду парвози зиёди ҳавопаймоҳҳо ба назар мерасид.

Аммо раҳбари фурӯдгоҳи шаҳри Бохтар, Фарҳод Абдурашидзода дар суҳбат бо “Азия-Плюс” хабарро рад карда, гуфтааст, ки “Овозаҳое, ки гӯё мо чанд тайёраи Афғонистонро қабул карда бошем, асос надорад ва дурӯғ аст”. Аммо сокинони атрофи фурӯдгоҳи шаҳри Бохтар, ки шоҳиди фурӯд ва парвози ҳавопаймоҳои зиёд ҳастданд, ҳадс мезананд, ки ин ҳавопаймоҳои Афғонистон буданд.

Ин дар ҳолест, ки Радиои Озодӣ низ иттилоъ дод, ки шаби 15 август 143 низомии Афғонистон тавассути ҳавопаймо ба Бохтар омаданд. Инчунин фурӯд омадани чархболу ҳавопаймоҳои ҳомили низомиёни Афғонистонро дар фурӯдгоҳи Бохтар аз манобеаш дар Кумитаи ҳолатҳои фавқулодаи Тоҷикистон рӯзи 16-уми август тасдиқ кард.

“Манобеъ дар Кумитаи ҳолатҳои фавқулодаи Тоҷикистон рӯзи 16-уми август ба Радиои Озодӣ гуфтанд, низомиёни фирории афғонро муваққатан дар хобгоҳи Донишгоҳи ба номи Носири Хусрав дар Бохтар ҷой кардаанд”- омадааст дар хабар.

Гуфта мешавад, ки низомиёни афғон бо се ҳавопаймо ва ду чархбол дар фурӯдгоҳи Бохтар поин шуда, аз онҳо 55 силоҳи гуногун гирифта шудааст.

Дар ҳамин ҳол хабаргузории “Tolonews” дар саҳифаи Твиттереаш хабар дод, ки шаби гузашта 18 ҳавопаймои мусофирбарӣ ба Тоҷикистон ва 27 ҳавопаймо аз Кобул ба Ӯзбекистон парвоз карданд, ки бештари онҳо кормандони нерӯҳои ҳавоии Афғонистон мебошанд.

Хамзамон дар як навори дигаре, ки дар Твиттер нашр шудааст, дида мешавад, сафири Афғонистон дар Тоҷикистон ҷаноби Зоҳир Ағбар дар торикии шаб бо ҷамъе аз паноҳҷӯёни афғон дар Тоҷикистон дидор мекунад ва мегӯяд: “Буздилҳо он рахбароне хастанд, ки милате, ки ба хотири ӯ қурбонӣ дод, шаходат дод, хамсари худро бева сохт, модари худро бефарзанд сохт, аз ӯ дифоъ кард ва ӯ буздилона фирор кард, агар плони фарор доштӣ, чаро мамлакатро ба буҳрон бурдӣ? Агар қудрат бароят кайф намекард, беҳтарин вақт ҳамин буд, ки аз қудрат канор мерафтӣ, чаро ҷангро дар вилоёт созмодеҳӣ кардӣ ва боз ифтихор дорӣ, ки номат дар торихи Афғонистон сабт шавад.”

Аммо мақомоти Тоҷикистон ва Ӯзбекистон то ҳанӯз ин хабарро таъйид ё рад накардаанд.

Ҳамзамон хабаргузории “

Инчунин телеграм-канали (Topnewsuz) зимни нашри наворе аз маҳалли суқути ҳавопаймои ҳомили нерӯҳои низомии Афғонистон хабар дода, ки ин ҳавопаймо дар ноҳияи Шерободи вилояти Сурхандарёи Ӯзбекистон суқут кардааст. Дар навор дида мешавад, ки ба халабони маҷруҳи ин ҳавопаймо кумакҳои авалияи тиббӣ мерасонанд ва ӯ дар замин хобидааст.

Gazeta.uz – Видео и фото

Самолёт с опознавательными знаками ВВС Афганистана потерпел крушение в Шерабадском районе Сурхандарьинской области вечером 15 августа. Источник «Газеты.uz» в Сурхандарье подтвердил, что двое военнослужащих Афганистана были госпитализированы в Термезский филиал республиканского научного центра экст…

Telegram

Шуруъ аз рӯзи 15 август, замоне, ки шаҳри Кобул ба дасти нерӯҳои Таҳрики Толибон даромад, аксари намояндагони Парлумони ин кишвар бо шумули низомиёну мақомдорон ба кишварҳои ҳамсоя фирор карданд. Баъд аз зуҳри рӯзи 15 август Ашраф Ғанӣ, акнун собиқ раисҷумҳури ин кишвар низ фирор кард ва то ҳанӯз ба куҷо рафтани ӯ дақиқ гузориш нашудааст. Чеҳраҳои саршиноси давлатии Афғонистон фирори ӯро интиқод намуданд.