Дар Бадахшон як ҳаракати мардумии сиёсӣ ҷадид шакл гирифта, ки ояндаи наздик дар тамоми Тоҷикистон доман паҳн хоҳад кард.

Дар ин бора Рустами Ҷонӣ, рӯзноманигори шинохта ва директори “Радиои Имрӯз” ва муассиси рӯзномаи “Имрӯз Нюс” дар саҳфаи фейсбкиаш хабар дода, гуфтааст: “Акнун як ҳаркати бузурги сиёсӣ дар Бадахшон ва Тоҷикистонро фаро мегирад.”

Ҷонӣ сабабҳо ва ё омили пайдоиши ин ҳаракати нави сиёсӣ дар Бадахашонро ҳодисаҳои ахир дар шаҳри Хоруғ ва ноҳияи Роштқалъаи Вилояти Мухтори Кӯҳистони Бадахшон рабт дода, гуфтааст, ки мардум ба вуҷуди ҳукумат бовар карда, назди бинои вилоят додхоҳӣ омада буданд, вале дар ҷавоб “ҳукумат ба мардум кун гардонд ва ганд зад, мардумро тирборон кард, дигар на (ба ҳукумат) эътимод монду на эътиқод…”

Мақомоти Тоҷикистон дар рӯзҳои ахир тавассути васоити ахбори омма ва таблиғгарони сиёсати ҳукумат бидуни ироаи далиле дар ҳодисаҳои ахири Бадахшон нерӯи сеюму чорумеро муттаҳам мекунанд.

Рустами Ҷонӣ нерӯҳои амниятро ба хиёнат муттаҳам карда, меафзояд, ки митинги Хоруғ қазияи дохилӣ буд ва дар қазияҳои дарунӣ нерӯи хориҷӣ “бозӣ кардан бо виҷдони мардум аст”. Вай меафзояд, “дар ин қазия нерӯҳои сеюму чаҳорум ва панҷум худи ҳукумат буд.”

Ин рӯзноманигор, ки қазияҳои Бадахшонро бештар пайгирӣ мекунад, таъкид дорад: “Аз ин ба баъд ҳар ҳаракати мардум дар Бадахшон фаҳмиданист. Метавонад қонунӣ ҳам набошад. Чунки онҳо бо чашми сар диданд, ки аз ҳаққи онҳо кам мекунанд. Ба дархости қонунии онҳо ҷавоби тунд медиҳанд. Роҳи қонунии ҳалли қазияҳоро мебанданд. Ин ҳукумат аст, ки бо роҳи сулҳ намеравад. Нуги камонаш ба синаи мардум. Вокуниш аз мардум тундтар хоҳад буд.”

Сафири Тоҷикистон дар Кувейт Зубайдулло Зубайдзода бо Мудири кулли Фонди тавсиа ва рушди Кувейт Марвон ал-Ғоним дар масъалаи ҷалби қарз аз ин фонд барои тарҳи “Роғун” гуфтугӯ карданд.

Мулоқоти ҷонибҳо рӯзи 12 декбар дар давлати Кувейт сурат гирифта, дар он ҷонибҳо атрофи ҳамкориҳои дуҷониба дар соҳаи рушди иқтисодӣ ва сармоягузорӣ гуфтугӯ карданд.

Расонаҳои маҳаллии Кувейт хабар медиҳанд, ки дар ин мулоқот масъалаи ҷалби қарз аз Фонди тавсиа ва рушди Кувейт барои маблағгузории тарҳи “Рагон” дар Тоҷикистонро, ки яке аз бузургтарин нерӯгоҳҳои обии барқӣ дар Осиёи Марказӣ маҳсуб мешавад, баррасӣ карданд. Аммо дар масъалаи ҳаҷми қарз ва навъи он чизе гуфта намешавад.

Дар ҳамин ҳол Вазорати корҳои хориҷии Тоҷикистон, ки хабарро рӯзи 13-уми декабр нашр кард, дар мавриди ҷалби қарз барои НОБ-и “Роғун” ишорае накардааст.

Сохтмони нерӯгоҳи обии барқии “Роғун” дар Осиёи Марказӣ калонтарин НОБ буда, тибқи маълумотҳои расмӣ, соли 1976 сохтмони он оғоз шудааст. Иқтидори лоиҳавии НОБ-и “Роғун” ба 3600 МВт баробар буда, он аз 6 чархаи 600 МВт ва баландии сарбанди он 335 метр муайян шудааст. Ин нерӯгоҳ дар ҳолати пурра ба кор даромаданаш дар як сол метавонад 17 млрд кВт-соат нерӯи барқ истещсол кунад, ки ин мицдор ду баробар аз масрафи дохиль бештар аст. Ва метавонад кишварҳои ҳамсоя ва минтақаро бо барқи арзонтар таъмин кунад.

Русия дар пасманзари афзоиши таҳдидҳо теъдоди тамринҳои муштараки худ бо кишварҳоро дар Осиёи Марказӣ афзоиш медиҳад.

Ба навиштаи Интерфакс, “Бо назардошти таҳдидҳои афзояндаи низомӣ дар минтақаи Осиёи Марказӣ, барои рушди минбаъдаи маҳорату малакаи эътилофӣ ва гурӯҳҳои муштараки нирӯҳо дар соли 2022 теъдоди чорабиниҳои муштараки омӯзиширо бештар хоҳем кард. Муҳимтарин тамрини муштарак бо нерӯҳои посдори сулҳи Созмони Паймони Амнияти Дастаҷамъӣ (СПАД) зери унвони “Бародарони вайроннашаванда-2022″ баргузор хоҳад шуд”-, гуфтааст, фармондеҳи фармондеҳи Ҳавза-Округи марказии ҳарбии Русия Александр Лапин.

Вай ҳамчунин таъкид кард, ки дар соли ҷорӣ дар вокуниш ба таҳдидҳо дар минтақаи Осиёи Марказӣ Округи ҳарбӣ ҳудуди 50 чорабинии байналмиллалӣ баргузор кардааст, ки умдатан 11 тамрини муштарак дар қаламрави Русия, Қирғизистон, Тоҷикистон ва Ӯзбекистон бо ҳузури қуввахои мусаллахи даҳ давлати аъзо гузаронида шуданд.

Дар баҳори соли ҷорӣ замони қудратгирии бештари Толибон дар Афғонистон ва ниҳоятан дар 15-уми август сари қудрат омадани онҳо кишварҳои минтақа ва ҳамсояҳои Афғонистон, ба хусус Тоҷикистон то кунун аз минбарҳои мухталиф садо баланд мекунанд, ки марзҳояшонро хатарҳои эҳтимолӣ аз Афғонистон таҳдид мекунад.

Гуфта мешавад, дар Афғонистон нерӯҳои силоҳбадасти мухолифи ҳукуматҳои кишварҳои ҳамсояи Афғонистон, ба хусус Тоҷикистону Ӯзбекистон ва Туркманистону Чин зери чатри Толибон ҳузур доранд. Кишварҳои минтақаи Осиёи Марказӣ ва Чин, ки бо сиёсатҳои саркӯрагаронаи мухолифони худ машҳур ҳастанд, тарсашон аз он аст, ки гурӯҳҳои назири “Ансоруллоҳ”, Ҳаракати исломии Ӯзбекистону Ҳаркати исломии Туркистон марзи онҳоро рахна накунанд.