Хона блог саҳифа 583

Боздошти пуштибони муҳоҷирон дар фурудгоҳи Шереметово

Аз ҷониби
shukhrat
-
0

Нерӯҳои амниятии Русия (ФСБ) ҳимоятгари ҳуқуқи муҳоҷирон Валентина Чупикро аз Русия ихроҷ ва вуруди ӯро ба ин кишвар то соли 2051 манъ кард.

Валентина Чупик. Акс: RFE/RL

Валентина Чупик, раиси созмони ҷамъиятии “Тонг Ҷаҳонӣ” (Субҳи ҷаҳон), ки ба муҳоҷирон кумак мекард, дар фурӯдгоҳи Шереметево боздошт шуд. Дар ин бора худи ӯ ҳангоми боздошташ ба “

Бино ба навиштаи “Новая Газета” Чупик танҳо тавонистааст нусхаи ҳуҷҷатҳоеро, ки нерӯҳои амниятӣ ба ӯ додаанд, ба ин рӯзнома бидиҳад, ки баъдтар муошират бо вай қатъ мешавад.

Валентина Чупик шаҳрванди Ӯзбекистон буда, ба эҳтимоли зиёд метавонанд вайро ба кишвараш истирдод кунанд. Ин ҳомии ҳуқуқ пас аз ҳодисаҳои Андиҷон соли 2006 аз Ӯзбекистон фирор кард ва пас аз се сол вай дар Русия мақоми паноҳандагӣ гирифт.

Ин ҳомии ҳуқуқ пас аз рӯйдодҳои Андиҷон ба Русия кӯчида аз соли 2005 нерӯҳои ҳукуматӣ ба сӯи мардуми мулкӣ, ки дар майдони асосии шаҳр ҷамъ омада, адолатро талаб мекарданд, оташ кушоданд. Ба гуфтаи ҳомиёни ҳуқуқ, беш аз 500 нафар ҷони худро аз даст додаанд.

Чупик солҳои зиёд дар Маскав ҳамчун паноҳада ба сар мебарад ва ба муҳоҷироне, ки бо фишори мақомоти ҳифзи ҳуқуқ ва мушкилоти дигар рӯбарӯ мешуданд, ба таври ройгон кумаки ҳуқуқӣ мерасонд.

Ба навиштаи “Медиазона”, Чупикро бар асоси қонун “дар бораи гурезаҳо” банди (Пешниҳоди ҳуҷҷатҳои қалбакӣ ё қасдан маълумоти нодуруст додан барои ба даст овардани паноҳандагӣ ҳамчун гуреза эътироф шудан) аз мақоми паноҳандагӣ маҳрум карда шуд.

Мақомоти Русия ҳанӯз дар бораи боздошти Чупик расман изҳори назар накардааст.

Ин бори аввал нест, ки ҳомиёни ҳуқуқи муҳоҷирон дар Русия аз тарафи мақомоти ин кишвар таҳти фишор қарор гирифта, фаъолиятҳояшонро қатъ мекунанд ва ё бархеро аз кишвар ихроҷ менамоянд.

Соли 2017 Каромат Шарипов, раҳбари Ҷунбиши умумирусиягии муҳоҷирони кории тоҷикро барои фаъолиятҳояш аз шаҳравандии Русия маҳрум ва ба Тоҷикистон истирдод карданд. Шодравон яке аз ҳомиёни ҳуқуқ буд, ки сиёсати Русияро нисбати муҳоҷирон шадидан интиқод мекард.

Иззат Амон, поягузори созмони “Тоҷикон” дар Маскав, ки аз ҳуқуқи муҳоҷирони тоҷик дифоъ мекард, бо баҳонаҳои гуногун аз қаламрави Русия ихроҷ шуд.

Инчунин 19 майи соли ҷорӣ раиси ҷамъияти тоҷикони “Пайванд” дар Самара Саидасрор Мирзоевро аз Русия ихроҷ карданд. Вайро ҳанӯз 23-юми декабри соли 2020 додгоҳи шаҳри Самара шаҳрвандияшро бекор карда буд. Саидасрор дар байни муҳоҷирон бо лақаби “Ганс” маъруф буда, яке аз бузургтарин бозорҳои шаҳри Самараро идора мекард.

Баъд аз ҳамрасонӣ шудани боздошти ҳомии ҳуқуқ Валентина Чупик коршнисони тоҷик дар шабакаҳои маҷозӣ менависанд, ки бо ихроҷи Валентина Чупик Русия ҳарфи охираш дар бораи муҳоҷиронро зад: Муҳоҷирон дар Русия дигар наметавонанд ҳуқуқ дошта бошанд!

Вокуниши Тоҷикистон ба таҳдиди Толибон

Аз ҷониби
m
-
0

Эмомалӣ Раҳмон зимни сафари хидматӣ дар Бадахшон дар гузашти низомии Қушунҳои сарҳадӣ, хизматчиёни Вазорати мудофиа ва кормандони мақомоти ҳифзи ҳуқуқ дар ноҳияи Дарвоз ширкат кард.

Тибқи иттилои торнамои расмии раисҷумуҳур, ин гузашти низомӣ бо ҳузури беш аз 2 ҳазор нафар сарбозону афсарон ва намоиши ҳудуди 50 техникаву дигар муҳимоти ҷангӣ баргузор гардид.

Пеш аз ин Толибон бо баргузории як режаи низомӣ (парадҳои ҳарбӣ)-и “нерӯҳои истишҳодӣ” (маргталаб)-и худ дар Шимоли Афғонистон, ба хусус вилоятҳои ҳаммарз, ба Тоҷикистон ҳушдор дода буданд. Дар ин режаи низомӣ шохаи Лашкари Мансурии Толибон дар маркази вилояти Бадахшон, шаҳри Файзобод баргузор шуда буд.

Ин таҳдиду вокунишҳои дуҷониба бори аввал нест, ки дар чанд моҳи ахир дар ду сӯи Ому баргузор мешавад ва гоҳе Тоҷикистон бо баргузории режаи низомӣ ба Толибон зӯрашро нишон медиҳаду гоҳи дигар Толибон бо баргузории режаҳои низомӣ дар манотиқи ҳаммарз бо Тоҷикистон тавонмандии худро ба намоиш мегузоранд.

Ин ҳам дар ҳолест, ки Забеҳуллоҳ Муҷоҳид, муовини вазири иттилоот ва фарҳанги ҳукумати Толибон пештар дар саҳфаи Твиттериаш навишт, ки Толибон “гурӯҳи вижаашро” ба  минтақаҳои ҳаммарз бо Тоҷикистон фиристода аст, аз ҷумла ба Тахор, Қундӯз ва шаҳри Файзобод, маркази вилояти Бадахшон дар Афғонистон. Муҷоҳид сафарбаркардани ин нерӯҳоро  барои рафъи таҳдидҳои амниятӣ ва дигар таҳдидҳои эҳтимолӣ гуфта аст.

Аммо рӯзномаи “Independent”-и Бритониёӣ навишта, ки расонаӣ кардани ҳузури нирӯҳои маргталаб дар Шимоли Афғонистон, ба хусус шаҳрҳое, ки бо кишвари Тоҷикистон ҳаммарзанд, навъе паёми ҳушдор ба ҳукумати Эмомалӣ Раҳмон аст. Қаблан мулло Абдулғанӣ Бародар ва мулло Абдуссалом Ҳанафӣ  дар шабакаи телевизионии Ал-Ҷазира ба Тоҷикистон ишора кард, гуфта буданд, ки  дар умури Афғонистон мудохила мекунад.

Дар ҳоли ҳозир тамоми ҳамсояҳои Тоҷикистон ва шарикони роҳбурдии он ба мисли Русия, Чин, Эрон ва шарикони бо эътимоди Тоҷикистон ба мисли Покистон ҳам расман бо ҳукумати Толибон дар Афғонистон ҳамкориро оғоз кардаанд, аммо дар ин васат Тоҷикистон танҳо кишварест, ки то ҳол бар мавзеи худ пофишорӣ дорад ва таъкид мекунад, ки бояд дар Афғонистон ҳукумати ҳамашумул ташкил карда шавад, сипас онро ба расмият мешиносад.

Интиқоди рӯзноманигор аз пешвози президент бо кадуву картошка

Аз ҷониби
m
-
0

Фаъолони тоҷик аз бо кадӯ пешвоз гирфтани Эмомалӣ Раҳмон ҳангоми сафарҳои корияш ба ноҳияҳо интиқод карданд.  

Рӯзноманигор Далери Имомалӣ дар саҳифаи

Рӯзнонаиногор аз даст кишидани Раҳмон ба рафтан ба хонаҳои мардум ҳангоми сафрҳояшро ситоиш карда, онро сенарияи дуруғине медонад ва мегӯяд хайрият бас кардед. Одатан Раҳмон дар хонаҳои сокинон ҳангоми боздид ба кадбонувони хонадон маслиҳатҳои ошпазӣ медод ва аз тарзи омода кардани хӯрокҳо мегуфт. Аз ҷумали маслиҳатоҳои машҳури раисҷумуҳур Раҳмон омода кардани қурӯтоб бо олуча буд.

Эмомалӣ Раҳмон, Президенти Тоҷикистон ҳоло дар ноҳияҳои ВМКБ дар сафари хидматӣ қарор дорад.

Муннақиди маршировка бо талаби раиси ВМКБ ба ҷавобгарӣ кашида мешавад

Аз ҷониби
firuzihait
-
0

Мақсуд Ғаёсов, фаъол ва волонтёр аз шаҳри Хорӯғ барои танқид аз маршировка бахшида ба сафари Эмомалӣ Раҳмон ба ВМКБ ба ҷавобгарӣ кашида мешавад.

Ёдгор Файзов ва Мақсуд Ғаёсов

Бино ба иттилои Pamir Daily News бо такя ба манобеаш аз шаҳри Хорӯғ, мақомот мехоҳанд Ғаёсовро бо талаби раиси Вилояти Мухтори Кӯҳистони Бадахшон (ВМКБ) Ёдгор Файзов ба ҷавобгарии ҷиноятӣ ё маъмурӣ бикашанд. Аммо маълум нест, ки ӯро бо кадом моддаи Кодекси ҷиноӣ ё маъмурӣ айбдор карданиянд. Дар ҳоли ҳозир мақомот мехоҳад Мақсуд Ғаёсовро ба муддати 15 рӯз боздошт кунанд.

Бино ба иттилои манобеи АЗДО ТВ, мақомот Мақсудро барои бозпурсӣ даъват карда буданд, аммо сафари Раҳмонов ба ВМКБ сабаб шуд, ки кори ӯ ба баъд гузошта шавад. Ба иддаои манбаъ тақдири ин фаъоли ҷомеаи шаҳрвандӣ баъд аз итмоми сафари Эмомалӣ Раҳмон ба ВМКБ маълум хоҳад шуд.

Ёдовар мешавем, ки 22-юми сентябри соли ҷорӣ Мақсуд Ғаёсов дар гурӯҳи Фейсбукии “БОБИНГЕ 04” матлаберо таҳти унвони “Шармандагии миллӣ” нашр кард, ки дар он аз раванди маршировка интиқод мекунад.

Мақсуд менависад, ки “Оё ин ба худи Президент маъқул аст ё касе мехоҳад бори дигар садоқати худро бо зулм кардан бо мардум маҷбуран ба иштирок дар раҳпаймоӣ нишон диҳад? Ҳатто агар ин тавр бошад, чӣ гуна шавҳар иҷозат медиҳад, ки занаш дар ин бетартибӣ иштирок кунад ва бародараш ба хоҳараш ва кадом падар ба духтараш, аммо ман дар бораи мардон хомӯшам!!! Бонувони азиз, мутаасифам, ки на шумо ва на мардони шумо шуморо муҳофизат карда наметавонанд! ”

Ғаёсов ҳамчунин навиштааст, бисёре аз иштирокчиёни маршировка мегӯянд, ки онҳоро маҷбур менамояд, то рақс кунанд ва тамоми рӯз дар варзишгоҳ бимонанд. Онҳое, ки аз Хоруғ дур зиндагӣ мекунанд, маҷбуранд хароҷоти нақлиёт ва ғизои худро пардохт кунанд.

Пости ӯ дар байни корбарони шабакаҳои иҷтимоӣ, баҳсу баррасиҳои зиёдеро ба бор оварда, бисёриҳо ба ин назаранд, ки сафари президент ба ВМКБ сафари корие беш нест ва ин ҳама маршировка беҳуда аст.

23-юми сентябр мақомоти иҷроияи ВМКБ дар саҳфаи фейсбукии худ мақолаеро нашр кард, ки дар он Мақсуд Ғаёсовро шадидан танқид карда, ӯро “хоин ва иғвогар” номид. Илова бар ин, мақомоти иҷроия дар муроҷиати худ аз сохторҳои кудратӣ ва Ситоди байниидорави ВМКБ даъват карда буд, ки нисбати Ғаёсов чораҳои дахлдор андешида шавад.

Ёдовар мешавем, ки дар Хорӯғ барои истиқбол аз сафари президент кӯдакону наврасон ва занони калонсолро ба маршировка ҷалб намуда, масъулон бо онҳо муомилаи дурушт кардаанд. Ҳамчунин Модаре дар гурӯҳи фейсбукии Pamir News низ аз нимашаб расидани духтараш ба хона аз маршировка, шикоят карда буд.

‘Мофиё’-и Арбобзода дар Айнӣ

Аз ҷониби
AZDA TV
-
0

Сокинони деҳаи Мазичи ноҳияи Айнии вилояти Суғд аз амалҳои ғайриқонқнӣ ва ҷабру бедодгарии Прокурори Прокуратураи генералӣ Арбобзода (Қулмаҳмад) Муҳаммад Хуҷа ба Президент, Прокуратураи генералӣ, КДАМ ва дигар мақомоти олии кишвар шикоят карданд.

Акс аз Интернет

Корбаре бо номи Шоҳин Фондарё дар саҳифаи фейсбукияш шикоятномаеро аз номи сокинони ноҳияи нашр кард. Тибқи он сокинон мегӯянд, Арбобзода 10-15 сол мешавад аз вазифаи давлатӣ суиистифода намуда, ҳамаи мардуми деҳаи Марзичро таҳти фишор ва тарсу ҳарос қарор додааст.

Мардум аз он шикоят доранд, ки Арбобзода бо аксари хешу наздиконаш дар шуъбаи Вазорати корҳои дохилаи ноҳия ва бахши ноҳиявии Ожонсии маводи нашъаовар кор карда, “мофиё” дар симои мақомоти давлатӣ ташкил додаанд. Онҳо тамоми мардумро бо роҳи зӯрӣ, бо таҳдид ба “ҷарима” зери “итоат”-и худ даровардаанд.

Ба иддаои сокинони ноҳияи Айнӣ, Арбобзода намегузоштааст онҳое, ки маълумоти олӣ доранд ва донишгоҳҳои ҳуқуқшиносиро хатм кардаанд, дар мақомти қудратӣ кор кунанд. Ӯ танҳо наздикон ва шиносони худро ба кор қабул мекардааст.

“Мо ҷавонони мардуми ноҳияи Айнӣ, хусусан деҳаи Марзич дар Федератсияи Россия кору фаъолият намуда, аз таҳдидҳои хешу таборони ин АВЛОД ба дод омадаем.”, менависанд шикояткунандагон.

Гуфта мешавад, Арбобзода Муҳаммад Хуҷа ҳангоми фаъолияташ дар вазифаҳои Прокуротура соҳиби тахминан 8-10 ҳазор сар моли майда шудааст. Инчунин дар шаҳрҳои Душанбе Панҷакент, Хуҷанд ва Истиқлол дар умум 16 хонаи 3 ва 4 ҷуҷрагӣ, “дар деҳааш 3 қасри боҳашамати 3-ошёнагӣ ва дар кӯчаи Зарафшон-1 низ як хонаи боҳашамати истиқоматӣ харидорӣ намуда, ҳамаро ба ному насаби хешу табораш гузаронидааст.

Арбобзода соли 2015 бо фармони Эмомалӣ Раҳмон аз мақомаш барканор шуда буд, вале баъдтар тавонист боз ба мансабҳои болотар бирасад. Инчунин бародари ӯ Шуҳрат Хуҷа, ки дар Ожонсии назорати маводи нашъаовари назди Президенти кор мекард, низ ду маротиба бо ришвар дастгир шудааст, вале баъдар боз ба мансабҳои болотар расид.

Бедодгарии кормакндони сатҳи болоии ҳукумат дар Тоҷикистон бори аввал нест. Солона даҳҳо мақомдори сатҳҳои болоӣ бо ҷурмҳои ришва ва қаллобӣ дастгир мешаванд, аммо аксараш ё озод мешаванд ва ё боз ба мансабҳои болотар мерасанд. Аммо касе ҳозир нест пеши бедодгарии онҳоро бигирад.

Сабаби пошхӯрии хонаводаҳо дар Тоҷикистон дар чист?

Аз ҷониби
AZDA TV
-
0

Ҳудуди 50 дарсад парвандаҳои баррасишаванда дар ҳафтаи ҷорӣ аз пошхӯрдани оилаҳо дар пойтахт қисса мекунанд.

Сомонаи додгоҳи ноҳияи Синои шаҳри Душанбе рӯйхати парвандаҳои баррасишавандаеро нашр кардааст, ки қарор аст дар ин ҳафта баррасӣ шаванд. Дар ин феҳрист дида мешавад, ки дар маҷмуъ 102 парванда дар додгоҳ бояд давоми ҳафтаи ҷорӣ – аз рӯзи 27-уми сентябр то 1-уми октябр баррасӣ шаванд. Дар байни ин парвандаҳо тақрибан 50 дарсадашон дар мавриди пошхӯрии хонаводаҳост.

Аз байни 102 паварванда 21-тои он ба бекор кардани ақди никоҳ марбут буда, ҳамчунин 21 парвандаи дигар барои рӯёнидани алимент барои кӯдакон, яъне баъд аз пошхӯрдани оила гуфта мешавад. Ва танҳо як парванда барои барқарор кардани ақди никоҳ зикр шудааст.

Тибқи ин рӯйхат фаҳмида мешавад, ки танҳо дар як додгоҳи ноҳияи Синои шаҳри Душанбе давоми як ҳафта 42 парванда барои барҳам додани оилаҳо баррасӣ мешавад ва танҳо 1 парванда барои барқарор кардани хонавода аст, ки ин баёнгари вазъи бади хонаводагӣ да Тоҷикистон аст.

Мутаххассисон сабабҳои зиёд шудани талоқро дар ҳар ҷомеа ва кишвар гуногун таҳлилу баррасӣ мекунанд. Ҷомеашиносони тоҷик сабабҳои аслии пошхӯрдани хонаводаҳоро бештар дар мушкилоти молӣ ва фақр, бекорӣ, хушунати хонаводагӣ, дахолати хешу наздикон ба зиндагии дигарон, бесаводӣ ва ғайра рабт медиҳанд.

Инчунин равоншиноси маъруфи тоҷик, Маҳмудшоҳ Кабиров дар суҳбат бо Аздо тв ба 7 сабаби дигари пошхӯрии оилаҳо ишора кард, ки аз ин қабиланд:

– тайёрии ҷисмӣ надоштан ба муносибатҳои ҷинсиву маҳрамона;

– набудану надоштани муҳаббат дар барпокунии оила;

– хомиву нофаҳмии ақидаи мафҳуми оила;

– надоштану надонистани фарҳанги оиладорӣ;

– мустақилият ва тайёрии иҷтимоӣ надоштани оилабарпокунандагони ҷавон;

– номувофиқатии табиати духтарписарони навхона;

– беъмаънавиётии онҳо.

Маҳмудшоҳ Кабиров инчунин барои аз байн бурдани ин мушкилии муҳими иҷтимоӣ роҳҳои илоҷро низ пешниҳод кард:

– кушодани курсҳои махсуси омӯзишии оиладорӣ;

– фаъол кардани машваратҳои то пеш аз судӣ;

– мустаҳкамкунии оиладорӣ бо қонунҳои нави уҳдадоркунандаи аъзоёни оила;

Ин равоншиноси тоҷик мегӯяд, “мо имкони ҳам омӯзиш ва ҳам табобати оилаҳои беморро дорем. Ҳар сол то даҳҳо оилаҳоро аз вайроншавӣ эмин медорем”.

Ёдгор Файзов ҳам ба гурӯҳи чоплӯсҳо пайваст?

Аз ҷониби
firuzihait
-
0

Дар Хорӯғ барои истиқбол аз сафари президент кӯдакону наврасон ва занони калонсолро ба маршировка ҷалб карда, масъулон бо онҳо муомилаи дурушт мекунанд.

Сокинони Хорӯғ аз бемасъулитии мақомот шикоят карда, мегӯянд, ки фарзандони онҳо рӯзона аз “маршировка” соти 21-22 шаб ба хона мерасанд. Модаре дар гурӯҳи фейсбукии

Ин модар аз он шикоят дорад, ки тақрибан як моҳ аст ба хотири омадани Президент дар Хоруғ “маршировка” баргузор карда истодаанд ва вақтҳои охир ин маршировкаҳо, бо вуҷуди набудани нақлиёти ҷамъиятӣ дар роҳҳо, то соати 9-10-и шаб идома мекунад.

Вай меафзояд, оилаи онҳо 20 км дуртар аз шаҳри Хоруғ ва хешовандонашон низ дар Хоруғ дуртар аз маҳалли маршировка зиндагӣ мекунанд.

Ин модар, ки номаш Саидмо аст, мегӯяд, шоми дирӯз, 23-юми сентябр вақте ки духтар ва дугонааш пиёда ба сӯи хонаи хешовандон мерафтанд, як мошин пур аз мардони маст, ки бо забонҳои помирӣ гап намезаданд ва зоҳиран мардуми таҳҷоӣ набуданд, дар назди онҳо истода, пешниҳоди ба мошин савор шуданро кардаанд.

Ин модар мепурсад: “Агар, Худо накунад, бо духтари ман ё дигар донишҷӯён чизе рух диҳад, кӣ ҷавобгар хоҳад буд? муассисаи таълимӣ ё ташкилотчиён? Дар куҷо гуфта шудааст, ки моҳҳо ба ҷои таҳсил маршировка бояд кард? Ва агар Президент ҳар ҳафта аз Хоруғ дидан кунад, пас онҳо умуман таҳсил намекунанд? Чаро шабона донишҷӯён бо нақлиёт таъмин нестанд ???”

Гуфта мешавад, нархи роҳкиро тавассути нақлиёти ҷамъиятӣ дар шаҳри Хорӯғ 2 сомониро ташкил медиҳад ва барои рафту омад ба маршировка рӯзона дасти кам бояд 4 сомонӣ харч кард.

Навиштаи ин модар дар шабакаҳои иҷтимоӣ баҳсҳо ва нигарониҳои зиёдеро ба бор овардааст. Аз ҷумла, корбаре бо номи Азамат Абдуллоев менависад, ҳатто ректори донишгоҳ дар фикри таъмини амнияти донишҷӯдухтарон нест, ки шабона чи гуна ба хонаҳои худ бираванд?

Ҳамзамон Алим Шерзамонов, фаъоли сиёсии тоҷик ва муовини Паймони Миллии Тоҷикистон дар ин бора мегӯяд, пештар раиси вилоят ҷаноби Ёдгор Файзов гуфта буд, ки сафарҳои президент сафарҳои хидматӣ буда, бидуни дабдаба баргузор мешаванд, аммо ин дафъа ба назар мерасад худи Эмомалӣ Раҳмон Ёдгор Файзовро маҷбур кардааст, ки бояд мисли дигарон дар Бадахшон ҳам бо дабдаба президентро пешвоз бигиранд.  

Паноҳҷӯёни афғон: 25 рӯз боз дар марз мунтазири вуруд ба Тоҷикистонем

Аз ҷониби
AZDA TV
-
0

Зиёда аз се ҳазор нафар аз афғонистониҳо беш аз се ҳафта мешавад, ки дар марз бо Тоҷикистон қарор дошта, интизори онанд, ки мақомоти тоҷик марзро боз карда, ба Тоҷикистон панаҳ мебаранд.

Акс аз навор

Телевизиони “Афғонистон-интернешнл” бо нашри наворе хабар дод, ки байни се то севуним ҳазор нафар дар марзи Ишкошим бесарнавишт мунтазири боз шудани марз ҳастанд.

Ба иттилои манбаъ, онҳо мехоҳанд ба Тоҷикистон паноҳанда шаванд, аммо мақомоти тоҷик ба онҳо иҷозати вуруд намедиҳанд. Ва ин мардум гуруснаву ташна аз имконоти аввалияи зиндагӣ маҳруманд ва дар зери дарахтон шабро рӯз мекунанд.

Ба гуфтаи баъзе таҳлилгарон, иҷозат надодани паноҳҷӯёни афғонистонӣ ба Тоҷикистон дар ҳолест, ки Эмомалӣ Раҳмон худро ҳамчун ҳомии Ҷабҳаи муқовимат муаррифӣ намуда, ҳатто дар суханронияш дар СММ низ аз поймолшавии ҳуқуқи мардуми Афғонистон суҳбат кард. Вале шаҳрвандони Афғонистон дами дараш расидаанд, барояшон иҷозати вуруд намедиҳад.

Қаблан мақомоти Тоҷикистон эълом карда буд, ки омода аст ҳудуди 100 ҳазор паноҳандагонро аз Афғонистон бипазирад. Ҳамзамон моҳи июл раиси вилояти Хатлон Қурбон Ҳакимзода дар нишасти матбуотияш ба хабарнигорон иброз дошт, “набояд фаромӯш кард, ки дар давраи ҷанги шаҳрвандӣ сокинони моро қабул карданд. Онҳо моро бо хона ва хӯрок таъмин карданд. Имрӯз онҳо дар изтиробанд ва мо вазифадорем, ки кумак кунем. Албатта, бо назардошти меъёрҳои бехатарӣ ва санитарӣ.”

Аммо баъдтар, 1-уми сентябр Рамазон Раҳимзода дар мулоқот бо Роҳбари Намояндагии Комиссари Олии Созмони Милали Муттаҳид дар умури паноҳандагон (UNHCR) Мулугета Зевди гуфт, дар ҳоли ҳозир Тоҷикистон бо далели надоштани бунёди зерсохтори паноҳгоҳ барои қабули муҳоҷирон ва таваҷҷӯҳ накардани созмонҳои байналмиллалӣ ба ин масъала қодир нест аз паноҳҷӯёни афғон пазироӣ кунад.

Пас аз ин Иттиҳоди Аврупо барои кумак ба паноҳандагони Афғонистон ба Тоҷикистон 160 ҳазор евро ҷудо карда буд, аммо бо ин вуҷуд мақомоти Тоҷикистон ба паноҳҷӯёни афғонистонӣ, ки дар байни онҳо занону кӯдакон низ ҳузур доранд, иҷозаи вуруд ба намедиҳанд.

Домани ҷабаҳро ки пури чормағз карда, ки аз ташкили давлат гуфтанд?

Аз ҷониби
m
-
0

Амруллоҳ Солеҳ ва Бисмиллоҳ Муҳаммадӣ, ду шахсияти пуртаъсир дар майдони сиёсии Афғонистон ва собиқ мақомдорон дар ҳукумати президенти фирорӣ Ашраф Ғанӣ бо Эмомалӣ Раҳмон, раисҷумҳури Тоҷикистон мулоқот кардаанд.

Бахши тоҷикии Хабаргузории Sputnik аз қавли манобеаш навишта, ки ин вохурӣ рӯзи 19-ми сентябр сурат гирифта дар он Амруллоҳ Солеҳ, собиқ муовини аввали президенти Афғонистон, Бисмиллоҳ Муҳаммадӣ, собиқ вазири дифоъ, Тоҷмуҳаммади Ҷоҳид, вазири корҳои дохилии собиқ ва Муҳаммад Зоҳири Ағбар, сафири Афғонистон дар Тоҷикистон иштирок доштаанд.

Дар ҳамин ҳол телевизиони “Афғонистон Интернешнол” хабар дода, ки Латиф Пидром раҳбари Кунгураи милии Афғонистон аз ташкили давлати ҷадид гуфат аст.

Ба гуфтаи Пидром, ин давлат на дар хориҷ, балки дар дохили кишвар ташкил хоҳад шуд. Оқои Пидром арз карда, ки шакли давлат дертар эълом хоҳад шуд ва нагуфта, ки он давлати мувозӣ хоҳад буд ёэътилофӣ.

Ташкили паймони мухолифини Толибон, ки дар назар аст, то чанд рӯзи дигар эъломи таъсис қунад, дар дигар расонаҳо низ садо дод аст.

Ҳамзамон сомонаи Паём аз қавли манобеъаш навишта, ки ин паймон бо меҳварияти тоҷикон шакл хоҳад гирифт, аммо ақвоми дигар, аз ҷумла узбакҳову ҳазораҳо низ дар он қисман ё пурра ширкат хоҳанд дошт.

Эмомалӣ Раҳмон дар ҳоли ҳозир ягона раҳбари кишвари ҳамсояи Афғонистон аст, ки ошкоро аз мухолифташ бо шакли ҳукумати Толибон гуфта аст.

Боздошти ду нафар бо иттиҳоми дуздӣ дар пойтахт

Аз ҷониби
firuzihait
-
0

Дар шаҳри Душанбе ду нафар бо гумони дуздии калон аз манзили як сокини пойтахт боздошт шуданд.

Вазорати корҳои дохилӣ (ВКД)-и Тоҷикистон аз боздошти як зани 34-солаи сокини ноҳияи Варзоб ва марди 34-солаи сокини шаҳри Душанбе бо иттиҳоми дуздӣ хабар додааст.

Гуфта мешавад, гумонбарон 19-уми сентябри соли ҷорӣ ба манзили як сокини 28-солаи пойтахт ворид шуда, 80 ҳазор доллар ва 53 ҳазору 500 сомониро дуздидаанд.

Вазорати корҳои дохилӣ аз гумонбарон ном наовардааст. Инчунин назари муттаҳамон ва ё адвокату пайвандонаш низ дар хабар вуҷуд надорад. Аммо гуфтааст, аз рӯи ин ҳодиса тафтишот идома дорад.

1...582583584...802саҳифаи 583 аз 802