Ҷустуҷӯ кунед
Ҷустуҷӯ
22.9 C
Dushanbe
Хона блог саҳифа 85

Раҳбари ҷадиди ҲАМОС кист?

Аз ҷониби
AZDA.TV
-
0

Ҷунбиши ҲАМОС рӯзи сешанбе, 6-уми август бо судури баёнияе ҷойниши ҷадиди Исмоил Ҳания, собиқ раҳбари сиёсии ин ҷунбишро эълом кард.

Шӯрои раҳбарии ҲАМОС дар баёнияи худ Яҳё Синворро, ки аз раҳбарони аршади ин ҳаракат буд ва Исроил ӯро мағзи мутафаккир ва идоракунандаи асосии ҷанг дар Ғазза медонад, раҳбари сиёсии худ интихоб кард.

Гуфта мешавад, пас аз террори Исмоил Ҳания, собиқ раҳбари ин ҷунбиш, ки дар Қатар зиндагӣ мекард ва ҳафтаи гузашта барои иштирок дар маросими савгандёдкунии раисҷумҳурии тозаинтихоби Эрон Масъуд Пизишкиён ширкат кард, кушта шуд.

Эрон террори Ҳанияро кори дасти Исроил унвон кард, вале Исроил то ҳанӯз инро расман на рад ва на тасдиқ кардааст.

Исроил Яҳё Синворро “хатарноктарин” раҳбари ҲАМОС эълон карда буд ва барои террори ӯ садҳо ҳазор доллар мукофот таъйин кардааст. Баъзе коршиносон бар ин назаранд, ки интихоби Синвор ҳамчун раҳбари сиёсии ин ҷунбиш дар ин вақти ҳассос паёмҳои бузурге ба Исроил дошт. Аз ҷумла, ба гуфтаи онҳо, Исроил Ҳанияро “раҳбари мутътадил” медонист, акнун бо раҳбари шадидтаре мувоҷеҳ хоҳанд шуд ва шахсест, ки аз Ҳания дида ба маротиб дар умури сулҳ ва ҷанг шадидтар аст. Ва паёми дигари интихоби Синворро таҳлилгарон “баёнгари устувории муқовимат дар дохили Ғазза” медонанд.

Шиддат гирифтани хушунат алайҳи муҳоҷирон дар Британияи Кабир

Аз ҷониби
AZDA.TV
-
0
ROTHERHAM, ENGLAND - AUGUST 4: Anti-migration protesters are seen during riots outside of the Holiday Inn Express in Manvers, which is being used as an asylum hotel, on August 4, 2024 in Rotherham, United Kingdom. Yesterday saw widespread violence as Far-right agitators in Liverpool and Manchester rioted and looted shops. Police were attacked and injured and dozens of arrests were made. (Photo by Christopher Furlong/Getty Images)

Гурӯҳҳои ростӣ ифротӣ дар Британияи Кабир мавҷи хушунатҳои нажодпарастона бар зидди муҳоҷиронро дар аксар шаҳрҳои ин кишвар ба вуҷуд овардаанд.

Ба гузориши расонаҳо, ин гурӯҳҳои ифротӣ бар иловаи даст задан ба амалҳои хушунатомез зидди муҳоҷирон ҳамчунин бо пулис даргир мешаванд ва ба нуқтаҳои фурӯши сӯзишворӣ ва фурӯшгоҳҳо ҳамла мекунанд ва ҳатто аксари ҷойҳоро оташ мезананд.

Пулис мегӯяд, дар ин қазияиҳо то кунун 400 нафарро дастгир кардааст, аммо онҳоро на ба иттиҳоми иқдомоти террорситӣ, балки ба “харобкорӣ” муттаҳам карданд, ки бо ҷарима раҳо мешаванд.

Ба гузориши “Skynews”, шаби душанбе, 4-ум ба 5-уми августи соли равон гурӯҳе аз ростгароёни ифротӣ дар шаҳри Белфасти Ирландияи Шимолӣ як нуқтаи фурӯши сӯзишвориро оташ заданд ва ҳамзамон дар шаҳри Плимути Британия ин гурӯҳ баъд аз харобкориҳои зиёд бо пулиси ин шаҳр даргир шуданд.

Дар ҳамин ҳол гурӯҳи дигаре, ки худро мухолиф ва зиддифашистӣ меноманд, низ дар шаҳрҳои мухталиф дар баробари ростагароёни ифротӣ сафороӣ карда, даргириҳо байни ин ду гурӯҳ шиддат мегирад.

Ихроҷи 17 ҳазор муҳоҷири тоҷик аз Русия

Аз ҷониби
AZDA-TV
-
0

Мақомоти Русия дар ним соли аввали соли ҷорӣ 17 ҳазор шаҳрванди Тоҷикистонро аз хоки ин кишвар ихроҷ кардаанд.

Гулнора Ҳасанзода, вазири кор ва муҳоҷирати Тоҷикистон рӯзи 6-уми август зимни нишасти матбуотӣ яке аз сабабҳои ихроҷи муҳоҷиронро риоя накардани қонунҳои Русия гуфт.

Аммо аксари муҳоҷирон тоҷик мегӯянд, бо вуҷуди доштани ҳуҷҷатҳои лозима ва вайрон накардани қонуну қоидаҳои ин кишвар, мақомоти рус болояшон фишор меоваранд ва беасосу барқасдона онҳоро дастгир ва аз ин кишвар иҳроҷ мекунанд.

Ба фарқ аз хонум Ҳасанзода, Хайриддин Усмонзода, раиси Маркази таҳқиқоти стратегии назди президенти Тоҷикистон фишору таъқиб ва ихроҷи муҳоҷирони тоҷикро талошҳои Русия барои таъмини амният гуфта буд ва таъкид карда, ки он мавқеи расмии мақомоти Русия нест.

Ин дар ҳоле аст, ки Хадамоти давлатии амнияти Федеролӣ, порлумон, Кумитаи тафтишот ва пулиси Русия батакрор аз танзими муҳоҷират, ихроҷи муҳоҷирон, бахусус муҳоҷирони Осиёи Марказӣ ба ватанашон ва ё бо фишор ҷалб кардани онҳо ба ҷанги Украина сухан мегӯянд.

Тибқи оморҳои ғайрирасмӣ, дар Русия беш аз 2 миллион муҳоҷири тоҷик кору зиндагӣ мекунанд ва бо вуҷуди фишор ва хатари ҷалб ба ҷанг дар Украина ҳамарӯза садҳо зодаи Тоҷикистон шаҳрвандии ин кишварро мегиранд.

Лағви раводид байни Тоҷикистон ва Эрон

Аз ҷониби
AZDA TV-2
-
0

Низоми рафту омадани бидуни раводиди шаҳрвандони Тоҷикистон ва Эрон байни ду кишвар оғоз мешавад.

Рӯзи сешанбе, 6-уми августи соли ҷорӣ Вазорати корҳои хориҷии Тоҷикистон эълон кард, ки шуруъ аз 10-уми августи ҳамин сол, барномаи рафту омади шаҳрвандони Тоҷикистон ва Эрон ба кишварҳои ҳамдигар бидуни доштани раводид ба ҳукми иҷро медарояд.

Ба қавли манбаъ, “дар асоси Ёддошти тафоҳум байни ҳукуматҳои Ҷумҳурии Тоҷикистон ва Ҷумҳурии Исломии Эрон дар бораи лағви раводид “барои дорандагони шиносномаҳои умумишаҳрвандии хориҷии ҳарду ҷониб ҳуқуқ доранд дар давоми 90 рӯз аз лаҳзаи вуруди аввалинашон ба муҳлати 30 рӯз бидуни раводид ба ҳудуди тарафҳо сафар намоянд.”

Гуфта мешавад, Вазорати корҳои хориҷии Тоҷикистон дар шарҳи ин хабар таъкид кардааст, ки дар ҳоли ҳозир “амалишавии низоми бераводид дар марҳилаи аввал танҳо барои нафароне роҳандозӣ мегардад, ки аз масири ҳавоии Душанбе-Теҳрон ва Теҳрон-Душанбе истифода мебаранд.”

Имзои Ёддошти тафоҳум байни ҳукуматҳои Ҷумҳурии Тоҷикистон ва Ҷумҳурии исломии Эрон дар бораи бекор кардани низоми раводид байни ду кишвар 8-уми ноябри соли 2023 дар замони Иброҳим Раисӣ, президенти пешини Эрон байни ду кишвар сурат гирифта буд.

Боздошти 3 нафар бо гумони фурӯши силоҳи сард

Аз ҷониби
AZDA TV
-
0

Шуъбаи Вазорати корҳои дохилӣ дар ноҳияи Исмоли Сомонии шаҳри Душанбе дар доираи амалиёти “Корд” аз ошкор шудани фурӯши ғайриқонунии силоҳи сард дар ин ноҳия хабар дод.

Дар пайи ин амалиёт 3 сокини пойтахт бо иттиҳоми фурӯши аслиҳаи сард, аз ҷумла кордҳои хурди ҷейбӣ, ки вақтҳои охир куштор ва занозаниҳои хунин бо чунин кордҳо дар байни ҷавонон авҷ гирифтааст, боздошт шудаанд.

Тавре Раёсати Вазорти корҳои дохилии шаҳри Душанбе дар саҳфаи фейсбукияш хабар медиҳад, зимни санҷиш муайян гардида, ки шаҳрвандон Нуралиев Мансури 52-сола, Фозилов Баҳроми 41-сола ва Қошбоев Ҳотами 38-сола ғайриқонунӣ ба фурӯши кордҳои гуногуннавъ, ки ҳамчун аслиҳаи сард шинохта мешаванд, машғул будаанд ва аз ин хотир аз ҷониби кормандони ВКД боздошт шуданд.

Гуфта мешавад, аз ин шарҳвандон дар маҷмуъ зиёда аз 100 дона корди гуногуни бурандаву халанда дарёфт ва мусодира шудааст. Ва нисбати боздоштшудаҳо тибқи моддаи 492-и Кодекси ҳуқуқвайроникунии маъмурӣ парванда боз карда, ҷарима шудаанд.  

Назари боздоштшудаҳо дар ин маврид дастраси расонаҳо нагаштааст ва маълум нест онҳо барои фурӯши чунин кордҳо иҷозати расмӣ доштаанд ё на.

Ин ҳам дар ҳолест, ки солҳои ахир соинон аз он шикоят мекунанд, ки дар байни навҷавонини пойтахт бо худ гардондани кордҳои хурд ба қавле “муд” шудааст, ки дар аксар ҷанҷолҳои кӯчагӣ аз чунин силоҳҳои сард истифода мешавад.

Мақомдори тоҷик сабаби фишор болои муҳоҷиронро шарҳ дод

Аз ҷониби
AZDA TV
-
0

Мақомоти тоҷик мегӯянд, фишору таъқиб ва ихроҷи муҳоҷирони тоҷик аз Русия мавқеи расмии мақомоти ин кишвар нест.

Дар ин маврид рӯзи 31-уми июл Хайриддин Усмонзода, раиси Маркази таҳқиқоти стратегии назди президенти Ҷумҳури Тоҷикистон зимни нишасти матбуотии ин марказ ба хабарнигорон иттилоъ дод.

Ҳайриддин Усмонзода гуфт, муносибати шаҳрвандони Русия дар баробари муҳоҷирони тоҷикро набояд сиёсати расмии Федратсия Русия талаққӣ кард. Ӯ расонаҳои иттилоотиро омили фишорҳои муҳоҷирон унвон кард.

Ӯ гуфт: “Дар фазои иттилоотии Русия тасаввуроти нодуруст аз муҳоҷирони меҳнатӣ нашр мешавад.” Ва набояд ҳама маълумоти расонаҳоро, ки манбаъҳои иттилоотии худро доранд, ба мавқеи расмии давлатии ин кишвар марбут донист.

Ин дар ҳоле аст, ки Хадамоти давлатии амнияти Федеролӣ, порлумон, Кумитаи тафтишот ва пулиси Русия батакрор аз танзими муҳоҷират, ихроҷи муҳоҷирон, бахусус муҳоҷирони Осиёи Марказӣ ба ватанашон ва ё бо фишор ҷалб кардани онҳо ба ҷанги Украина сухан мегӯянд. Стратеги тоҷик ин фишорҳоро на танг шудани шароит барои муҳоҷирон, балки талошҳои Русия барои таъмини амнияташ медонад.

Хайриддин Усмонзода дар идома гуфт, “ҳар як кишвар вобаста ба шароите, ки имрӯз дар ҷаҳон мегузарад, барои таъмини амнияти миллии худашон сайъу талош меварзанд. Аз ҷумла, Русия, Ҷумҳурии Тоҷикистон ва дигар кишварҳо. Баъзе аз равандҳое, ки мо мушоҳида мекунем, ин вобаста ба танзими будубоши муҳоҷирони меҳнатӣ дар Русия ҳаст.”  

Ёдовар мешавем, ки шоми ҷумъаи 22-уми марти соли ҷорӣ пеш аз оғози консерти гурӯҳи “Пикник” чанд нафар вориди бинои “Крокус Сити Ҳолл”-и шаҳри Красногорски вилояти Маскав шуда, сӯи мардум аз автоматҳо тир кушоданд. Пас аз чанде дар толори консертӣ таркиш рух дод ва бино оташ гирифт. Бино ба иттилои расмӣ, дар натиҷаи тирпарронӣ ва сар задани оташ 140 нафар, аз ҷумла се кӯдак ба ҳалокат расида, 182 нафари дигар ҷароҳат бардоштаанд. Баъд аз ин ҳодиса, ки шаҳрвандони Тоҷикстон гумонбарони асосӣ дониста шуданд, бахусус муҳоҷирони тоҷик аз ҳама бештар зери таъқибу фишорҳо қарор гирифтанд.

Ҳукми зиндони як мухолифи тоҷик

Аз ҷониби
AZDA-TV
-
0

Сулаймон Ҷобиров, собиқ узви “Гурӯҳи 24” дар Тоҷикистон ба 6 соли зиндон маҳкум шуд.

Радиои Озодӣ дар истинод ба пайвандони ӯ менависад, ки дар мурофиа вакили мудофеъ ва модару падари Ҷобиров ширкат дошта, додрас ӯро ба ҳамкорӣ бо Ҳаракати сиёсии “Гурӯҳи 24” гунаҳкор донистааст.

Ин фаъоли тоҷик дар ҳоле аз ҷониби Додгоҳи шаҳри Душанбе бо иттиҳоми ҳамкорӣ бо “Гурӯҳи 24” барои 6 сол равонаи зиндон мегардад, ки Убайдулло Саидӣ, сухангӯйи ин ҳаракат гуфта буд, ки Сулаймон Ҷобиров соли 2016 дар як ҷаласаи созмон довталабона аз узвияти “Гурӯҳи 24” даст кашид ва дигар ҳеч майле барои ҳамкорӣ ё пайвастан нишон надодааст.

Ҷобирови 43-сола зодаи ноҳияи Вахш буда, соҳиби шаш фарзанд мебошад ва солҳо боз дар муҳоҷирати корӣ дар шаҳри Самараи Русия қарор дошт. Ӯ рӯзи 8-уми апрели соли ҷорӣ ба таври мармуз нопадид шуда буд.

Пас аз ду моҳи нопадидшавӣ пайвандонаш ӯро дар як боздоштгоҳе дар Душанбе пайдо кардаанд.

Гуфта мешавад, Сулаймон Ҷобиров моҳи декабри соли 2014 низ дар Русия боздошт ва баъд аз 9 моҳ озод гардид. Мақомоти тоҷик ӯро тайи тақрибан даҳ соли охир таҳти ҷустуҷӯ қарор дода будаанд.

Сулаймон ягона нафаре нест, ки аз Русия истирдод ва бо иттиҳоми ҳамкорӣ бо “Гурӯҳи 24” дар Тоҷикистон боздошту зиндонӣ мешавад. Пеш аз ӯ даҳҳо нафар аз Русия ва дигар кишварҳо ба Тоҷикистон ихроҷ гардида, мақомоти тоҷик онҳоро барои муддати дароз зиндонӣ карда буданд. Инчунин афроде низ ҳастанд, ки тақдирашон то ҳол норӯшан боқӣ мемонад.

Аз ҷумла, то ҳол аз Суҳроби Зафар, раҳбари “Гурӯҳи 24” ва Насимҷон Шарифов, фаъоли дигари ин ҳаракат, ки моҳҳои феврал ва марти соли ҷорӣ дар шаҳри Истанбули Туркия ба таври мармуз нопадид шуданд, хабаре нест.

Тоҷикистон мошинҳои барқии худро месозад

Аз ҷониби
AZDA.TV
-
0

Вазири саноат ва технологияҳои нави Тоҷикистон Шералӣ Кабир рӯзи 1-уми август зимни нишасти матбуотии ниҳодаш гуфт, Тоҷикистон тасмим дорад мошинҳои барқии худро тавлид кунад.

Вазири саноат гуфт, ки “Тоҷикистон мехоҳад дар ояндаи наздик истеҳсоли мошинҳои барқии худро ба роҳ монад, ҳоло бо се ширкати чинӣ дар бораи интиқоли технология гуфтушунид идома дорад”.

Шералӣ Кабир таъкид карда, ки дар кишвар ҳамасола барои воридоти маводи сӯхт беш аз 1,5 миллиард доллар сарф мешавад. Дар ҳоле, ки Тоҷикистон кишвари аз ҷиҳати захираҳои обӣ бой аст ва нерӯгоҳҳои барқии зиёд дорад, “бинобар ин мо бояд ба мошинҳои барқӣ гузарем”.

Ҳоло дар Тоҷикистон чандин ширкатҳои наздик ба писарони раисҷумҳур мошинҳои барқиро аз Чин зиёд ворид кардаанд. Бархе ронандагоне, ки аз ин мошинҳои барқии чинӣ истифода мекунанд, аз бесифат будани ин навъи мошинҳо шикоят доранд. Ба гуфтаи онҳо, инчунин пур кардани батареяи он бо барқ арзон нест, дар ҳоле, ки барқ додани батареяи чунин мошинҳо дар аксар кишварҳо қариб бепул аст.

Тасдиқи боздошти Акбаршоҳ Искандаров

Аз ҷониби
AZDA-TV
-
0

Академияи миллии илмҳои Тоҷикистон боздошти раиси собиқи Шӯрои олии кишвар Акбаршоҳ Искандаровро тасдиқ кард.

Дар ин бора Нозим Маҳмадизода, раиси Пажӯҳишгоҳи фалсафа, сиёсатшиносӣ ва ҳуқуқи ин Академия рӯзи 1-уми август зимни нишасти хабарӣ ба хабарнигорон иттилоъ дод.

Ба гуфтаи Маҳмадизода, ин сиёсатмадори шинохта ду моҳ пеш дастгир шудааст ва бо сабаби муҳри махфӣ доштани парванда, ҷузъиёти қазияи Искандаровро намедонад.

Гуфта мешавад, Акбаршоҳ Искандаров то замони боздошт мудири Шуъбаи масоили сиёсӣ ва байналмилалии Пажӯҳишгоҳи фалсафа буд ва раиси ин Пажӯҳишгоҳ ба ҷойи кумак ба кормандаш гуфтааст, ки талош мекунанд ба рафти тафтиши парвандаи ҷиноӣ халал нарасонанд.

Ёдовар мешавем, ки Акбаршоҳ Искандаров дар пасманзари боздошту бозупурсии вакили порлумон ва собиқ раиси Ҳизби демократи Тоҷикистон Саидҷаъфар Усмонзода ва вазири собиқи корҳои хориҷӣ Ҳамроҳхон Зарифӣ дастгир шудааст.

Инчунин пас аз ӯ расонаҳо аз боздошти муовини раиси Ҳизби демократ Аҳмадшоҳ Комилзода ва ҳуқуқдони шинохтаву муовини раиси Ҳизби сотсиал-демократ Шокирҷон Ҳакимов хабар доданд.

То ҳол мақомот сабаби боздошти ин чеҳраҳои шинохта дар кишварро ба ҷуз қазияи Саидҷаъфар Усмонзода шаҳр надодааст.

Аммо коршиносон бар ин боваранд, ки боздошти ин афрод ба парвандаи Усмонзода рабт дорад, чун Додситони кулли кишвар Юсуф Раҳмон вақте аз парлумон бекор кардани дахлнопазирии вакилии ӯро дархост мекард, гуфта буд, ки парвандаи ҷиноятӣ бо иттиҳоми “ғасби ҳокимият” ба зидди Саидҷаъфар Усмонзода ва “дигарон” кушода шудааст.

Ҳоло мақомоти Тоҷикистон ҳисобҳои бонкии Саидҷаъфар Усмонзода, Акбаршоҳ Искандаров, Ҳамроҳхон Зарифӣ, Аҳмадшоҳ Комилзода ва Шокирҷон Ҳакимовро баста, дар баробари фишор наздиконашон ҳаққи фурӯхтан ё ба иҷора додани хона, бӯстонсаро, ширкат, мошин ва амволи дигарро надоранд.

Раиси Конибодом қатлҳои занҷираиро шарҳ дод

Аз ҷониби
AZDA TV
-
0
????????????????????????????????????????????????????????????

Абдусалом Тӯхтасунзода шаҳрдори Конибодом рӯзи 31-уми августи соли ҷорӣ зимни нишасти матбуотӣ овозоҳо дар бораи пайдо шудани як гурӯҳи қотили занҷираиро рад кард.

Шаҳрдори Конибодом гуфт, пайдо шудани шахсони сиёҳпӯши ниқобдор, ки гуфта мешуд, ба хонаҳои мардум дар шаҳри Конибодом даромада, даст ба дуздиву қатли сокинон задаанд, асос надорад.

Аммо Абдусалом Тӯхтасунзода, тасдиқ кард, ки дар пайи қатлоҳои пайдарпай дар моҳҳои март, апрел ва май боз як гумонбар дастгир карда шуд.

Ба гуфтаи ӯ, боздошти ин гумонбар ба кушторҳои дар деҳаи Санҷидзор рухдода иртибот доштааст. Аммо дар бораи шахсияти гумонбар иттилоъ надод, танҳо гуфт, ки таҳқиқи ҳодисаҳои деҳаи Санҷидзор аз ҷониби Додситонии кул идома дорад.

Ҳамчунин ӯ гуфт, кушторҳое, ки моҳҳои март, апрел ва майи имсол дар Конибодом рух доданд, ба ҳамдигар ҳеҷ алоқамандие надоранд. Ӯ наворҳои паҳншуда дар интернетро, ки гуфта мешуд, дар шаҳри Конибодом тавасути камераҳои назоратӣ забт шуданд ва марди сиёпӯши ниқобдореро нишон медод, ки вориди хонае мешвад, рад карда, гуфт, “ин наворҳо ба шаҳри Конибодом тааллуқ надорад.”

Ёдовар мешавем қаблан Azda.tv, бо такия бо манобеи худ хабар дода буд, ки гумонбарони қатли занҷираии Конибодом 11 нафар буда, ҳангоми кӯшиши убури марзи Тоҷикистону Узбекистон дастгир шудаанд. Гуфта мешуд, ҳамаи онҳо зодагони Ҷумҳурии Узбекистон будаанд. Ба иттилои марзбонӣ, изи ангушти боздоштшудаҳо ба изи ангушти ҷинояткорони қатли занҷираии Конибодом шабоҳат доштааст. Аммо ин хабар аз сӯи ҳеч ниҳоди давлатӣ тайид нашуд.

1...848586...680саҳифаи 85 аз 680

Дар бораи мо

АЗДО ТВ бо ҳадафи рушди озодии баён, нашри арзишҳои демократӣ, риояи гуногунандешӣ ва додани минбари озод барои тамоми қишрҳои ҷомеа рӯйи кор омадааст. Тарҳ аз ҷониби Фонди (NED) сармоягузорӣ мешавад. Мо дар фаъолияти расонаии худ пойбанди меъёрҳои байналмилалӣ ва ахлоқи журналистӣ ҳастем. Бознашри матолиби АЗДО ТВ бо зикри манбаъ иҷозат дода мешавад. Шиори мо: Озодии расона зербинои ҷомеаи демократист!

Dushanbe
clear sky
23.1 ° C
23.1 °
23.1 °
38 %
1kmh
0 %
Sat
39 °
Sun
39 °
Mon
38 °
Tue
38 °
Wed
38 °

© 2023 АЗДО ТВ шабакаи хабаррасонӣ ва таҳлилӣ мебошад - Ҳамаи ҳуқуқ маҳфуз аст