Хона блог саҳифа 88

Нафақаи иҷтимоӣ дигар ба муҳоҷирон дода намешавад?

Аз ҷониби
AZDA-TV
-
0

Дар Русия мехоҳанд нафақаҳои иҷтимоӣ барои муҳоҷиронро бекор кунанд, то сарборӣ аз буҷети федералӣ кам гардад.

Чунин пешниҳодеро раҳбари Ҳизби либерал-демократӣ ва вакили Думаи давлатии Русия Леонид Слутский кардааст.

Ба гуфтаи ӯ ҳоло Русия вазъи ҳасосеро паси сар дорад ва ҳар як танга барояш лозимӣ ҳаст.

Слутский иддао карда, ки аксари хориҷиён дар рушди Русия саҳме намегузоранд, вале ҳаққи нафақа доранд, дар ҳоле, ки нафақахӯрони рус аз дастгирии хуби иҷтимоӣ бархурдор нестанд.

Дар тавзеҳи ин лоиҳаи қонун гуфта шуда, ки бекор кардани нафақаҳои иҷтимоӣ барои муҳоҷирон имкон медиҳад, ки низоми нафақавӣ аз уҳдадориҳои беасос эмин нигаҳ дошта шавад ва сарбории буҷет кам гардад.

Тибқи қонунгузории амалкунанда дар Русия, ҳаққи гирифтани нафақаи иҷтимоиро хориҷиён ва шахсони бешаҳрвандие доранд, ки дар Русия на камтар аз 15 сол истиқомати доимӣ дошта бошанд ва ба синни муқарраршудаи бознишастагӣ расида бошанд.

Бино ба оморҳои расмӣ, ҳоло дар Русия беш аз 6 миллион шаҳрванди хориҷӣ қарор доранд ва маълум нест, чанд нафари онҳо нафақаи иҷтимоӣ мегиранд.

Қаблан вакилон аз Ҳизби либерал-демократии Русия ба Думаи давлатӣ лоиҳаи қонунеро пешниҳод карда буданд, ки тибқи он муҳоҷироне, ки шаҳрвандии Русияро надоранд, вазифадор мешаванд, ки хароҷоти давлат барои дастгирии иҷтимоӣ, тиб ва маорифро пардохт кунанд.

Иттиҳоди Аврупо бар зидди Эрон таҳримҳои нави худро ҷорӣ кард

Аз ҷониби
AZDA.TV
-
0

Иттиҳоди Аврупо рӯзи душанбе, 29-сентябр эълом кард, ки таҳримҳои худ алайҳи Эронро ба хотири “фаъолиятҳои ҳастаияш” дигарбора фаъол кард.

Ба гуфтаи ИА, ин таҳримҳо шомили маҳсулоти тиҷорӣ, молӣ, таслиҳотӣ ва боздошти дороиҳои бонкҳои Эрон, инчунин шахсони воқеӣ ва ҳуқуқӣ, ки пеш аз БАРҶОМ таҳти таҳрим буданд, мешавад.

Бар асоси баёнияи расонаҳои шӯрои Иттиҳодияи Аврупо, ки субҳи рӯзи душанбе нашр шуд, Иттиҳоди Аврупо бори дигар тамоми таҳримҳоеро, ки пас аз тавофуқи БАРҶОМ муваққатан боздошта шуда буданд, бар зидди Эрон дигарбора ҷорӣ кард.

Таҳримҳо пас аз он эълон шуданд, ки Шӯрои амнияти Созмони Миллали Муттаҳид ҳафтаи гузашта муддати лағви таҳримҳо бар зидди Эронро тамдид накард. Ин ҳам дар пас аз он рух медиҳад, ки соли 2015 се кишвари аврупоии узви БАРҶОМ – Фаронса, Олмон ва Британия ҳангоми гуфтушунидҳои ҳастаии Эрон, таҳримҳоро ба ҳолати таълиқ дароварда буданд.

Таҳримҳои эълоншуда шомили мавридҳои зер ҳастанд:

. Мамнуияти сафар барои афрод ва боздошти дороиҳои онҳо ва дороиҳои ниҳодҳое, ки шомили таҳрим шудаанд;

. таҳримҳои иқтисодӣ ва молӣ, ки бахшҳои тиҷорӣ ва молӣ ва ҳамлу нақлро дар бар мегиранд;

. мамнуияти содироти аслиҳа ба Эрон

. мамнуияти ҳар навъ мавод ва колое, ки дар сохти мушакҳои эронӣ истифода мешаванд;

. мамнуияти воридот, харид, ҳамлу нақли нефти хом ва гази табиӣ;

. фурӯш ё арзи таҷҳизоти калидие, ки дар бахшҳои энержӣ истифода мешавад;

. фурӯш ё арзи тилло, алмос ва дигар филизоти гаронбаҳо;

. мамнуияти бархе нармафзорҳо.

Дар вокуниш ба эълони таҳримҳо Эрон ин тасмими Иттиҳоди Аврупоро ғайриқонунӣ хонда, гуфтааст, ки барои муқобила бо таҳримҳо ва таъсироти иқтисодии онҳо тадбирҳои лозимаро пешбинӣ кардааст.

Истифода аз шабакаҳои иҷтимоӣ барои кӯдакон маҳдуд карда мешавад?

Аз ҷониби
Azda TV 3
-
0

Дар Тоҷикистон талош мешавад, ки шабакаҳои иҷтимоӣ барои кӯдакон ва наврасон маҳдуд карда шавад.

Дилноза Аҳмадзода, вакили Маҷлиси намояндагони Маҷлиси Олии Ҷумҳурии Тоҷикистон пешниҳод намуда, ки истифодаи шабакаҳои иҷтимоӣ барои кӯдакони то 14-сола пурра манъ карда шавад. Ин пешниҳод дар рӯзномаи “Народная газета” нашр шудааст.

Ба гуфтаи вакил, шабакаҳои иҷтимоӣ метавонанд ба рушди равонӣ ва ахлоқии кӯдакон таъсири манфӣ расонанд ва паҳншавии маълумоти бардурӯғ низ хатарзо аст. Ӯ таъкид мекунад, ки бо вуҷуди ворид шудани баъзе тағйирот ба Қонуни Ҷумҳурии Тоҷикистон “Дар бораи ҳифзи ҳуқуқи кӯдак”, назорат дар ин самт ҳанӯз нокифоя мебошад.

Аҳмадзода пешниҳод кардааст, ки истифодаи шабакаҳои иҷтимоӣ барои кӯдакони то 14-сола пурра манъ гардад. Барои наврасони аз 14 то 17-сола бошад, танҳо бо ризояти хаттии падару модар иҷозаи истифода аз чунин шабакаҳо дода шавад.

Ин пешниҳод вокунишҳои гуногунро дар ҷомеа ба бор оварда, ҳам ҷонибдорони ҳифзи ҳуқуқи кӯдакон ва ҳам мухолифони маҳдудияти озодиҳои шахсиро ба баҳс кашидааст.

Хидмат дар артиш – дар ивази шаҳодатномаи ронандагӣ

Аз ҷониби
Azda TV 3
-
0

Аз 1-уми октябр то охири моҳи ноябри соли 2025 дар Тоҷикистон маъракаи даъвати тирамоҳии ҷавонон ба хидмати ҳатмии ҳарбӣ баргузор мешавад.

Тибқи Фармони Президенти Тоҷикистон, шаҳрвандони солҳои таваллуди 1998–2007 ба сафи Қувваҳои мусаллаҳ ҷалб мегарданд. Дар ин бора расонаи давлатии АМИТ «Ховар» бо истинод ба маркази матбуот ва иттилооти Вазорати мудофиаи Ҷумҳурии Тоҷикистон хабар доааст.

Гуфта мешавад, вобаста ба ин масъала дар Вазорати мудофиаи Ҷумҳурии Тоҷикистон таҳти роҳбарии муовини Сарвазири Ҷумҳурии Тоҷикистон Дилрабо Мансурӣ ҷаласаи навбатии комиссияи даъвати ҷумҳуриявӣ оид ба омодагӣ ба даъвати тирамоҳии соли 2025 ба хидмати ҳарбӣ баргузор шуда, масъалаҳои иҷрои нақшаи даъват, беҳтар кардани шароити хидмат, пешгирии қонуншиканиҳо ва тарбияи ватандӯстии ҷавонон баррасӣ шуданд.

Барои ҷавонони 18 то 27-сола хидмати ҳарбӣ ҳатмӣ буда, муҳлати хидмат барои хатмкунандагони мактабҳои миёна ва миёнаи касбӣ 2 сол ва барои хатмкунандагони донишгоҳҳо бо кафедраи ҳарбӣ 1 сол пешбинӣ шудааст. Ҳукумати кишвар барои сарбозон баъзе имтиёзҳо, аз ҷумла гирифтани шаҳодатномаи ронандагиро ваъда додааст.

Мақомоти масъул таъкид карданд, ки хидмат ба Ватан қарзи шаҳрвандӣ ва виҷдонии ҳар ҷавон аст ва маъракаи тирамоҳӣ бояд дар сатҳи баланд гузаронида шавад.

Дар Тоҷикистон маъракаи даъвати ҳарбӣ, ки миёни мардум бо номи «Облава» маъруф аст, ҳамасола боиси баҳсу вокунишҳои зиёд мегардад.

Қисме аз ҷавонон аз хидмат дар сафи Қувваҳои мусаллаҳ худдорӣ мекунанд ва мақомоти масъул онҳоро бо роҳҳои ғайриқонунӣ тавассути боздошт дар кӯчаҳо ва хиёбонҳо ба хидмат мебаранд. Инчунин солҳои охир сокинон аз он шикоят доранд, ки мақомот барқи деҳаро қатъ мекунанду дарҳои масҷидҳоро баста, талаб мекунанд, ки фарзандонашонро ба артиш фиристанд.

Таҳлилгарон яке аз омилҳои асосии фирори ҷавононро аз хидмати ҳарбӣ набудани шароити муносиб дар қисмҳои ҳарбӣ, инчунин ҳолатҳои озору азияти аскарон аз ҷониби сарбозони бузургсол медонанд. Борҳо расонаҳои кишвар аз ҳолати ба ҳалокат расидани сарбозони ҷавон дар натиҷаи чунин муносибатҳо ва шароити сахт дар қисмҳои ҳарбӣ хабар додаанд.

Трамп: Ба Исроил иҷозат намедиҳам Соҳили ғарбии рӯди Урдунро ғасб кунад

Аз ҷониби
AZDA-TV
-
0

Президенти ИМА Доналд Трамп эълом кард, ки ғасби эҳтимолии қаламравҳои Фаластинро дар соҳилҳои ғарбии рӯди Урдун аз ҷониби Исроил дастгирӣ намекунад. Ӯ дар ин бора 25-уми сентябр зимни нишасти матбуотие дар Кохи Сафед ба хабарнигорон гуфт.

Трамп дар ин нишаст гуфта, ки “Ман ба Исроил иҷозат намедиҳам соҳилҳои ғарбиро ғасб кунад. Не, ман инро иҷозат намедиҳам. Ин рух намедиҳад”.

Инчунин ӯ дар посух ба савол дар мавриди он ки оё дар ин бора бо нахуствазири Исроил Бинёмин Натанёҳу тавассути телефон баррасӣ кардааст ё на, гуфта: “Оё ман бо ӯ суҳбат кардам ё на — ман ба Исроил иҷозат намедиҳам, ки Соҳили ғарбии рӯди Урдунро ғасб кунад. Бас аст. Вақти он расидааст, ки инро қатъ кунем”.

Ин гуфтаҳои Трамп дар ҳоле садо медиҳанд, ки нахуствазири Исроил Бинёмин Натанёҳу пас аз ба расмият шинохтани давлати Фаластин аз ҷониби Фаронса, Британия, Канада, Австралия ва чанд кишвари урупоии дигар гуфт, ки “Ҳеҷ давлате дар Ғарби рӯди Урдун ташкил намешавад” ва изҳор дошт, ки нақша дорад деҳаҳои аҳолинишини яҳудиро аз ҳисоби соҳилҳои ғарбӣ васеъ кунад.

Пеш аз ӯ вазири ифротии исроилӣ Смотрич ҳам ба ғасби пурраи соҳилҳои ғарбӣ даъват карда буд ва гуфт, ки Исроил аллакай 82% ин қаламравҳоро назорат мекунад. Ин ҳам дар ҳолест, ки ҷомеаи байналмилалӣ, аз ҷумла СММ, ин қаламравҳоро ишғолшуда меҳисобад.

Дар ҳамин ҳол раисҷумҳури ИМА Доналд Трамп гуфта, ки умедвор аст ба зудӣ оташбас дар Навори Ғазза таъмин шавад ё ҳатто созишномаи сулҳи дарозмуддат имзо гардад.

Намояндаи махсуси президенти ИМА Стив Уиткофф низ ба расонаҳо дар бораи «нақшаи 21 бандӣ» барои коҳиш додани таниш дар Ховари Миёна гуфтааст, ки он на танҳо Навори Ғаззаро, балки қаламравҳо дар Соҳили ғарбии рӯди Урдунро низ дар бар мегирад.

Гуфта мешавад, Трамп ин нақшаи сулҳро ба ҷуз Исроил аллакай бо Арабистони Саудӣ, Имороти Муттаҳидаи Араб, Қатар, Миср, Урдун, Туркия, Индонезия ва Покистон муҳокима кардааст.

Манобеи нашрияи Financial Times мегӯяд, ки дар он аз озодии тамоми гаравгонҳои боқимонда ва барқарории оташбаси доимӣ гуфта шуда, пешниҳод гардидааст, ки қувваҳои Исроил аз минтақа марҳила ба марҳила, вале ба таври пурра бароварда шаванд ва ба ҷои онҳо дар навори Ғазза “нерӯҳои байналмилалии ҳофизи сулҳ”, ки иборат аз кишварҳои мусалмонӣ мебошанд, ҷойгир шаванд.

Ҳамчунин дар ин нақша гуфта шудааст, ки идоракунии Ғазза, бидуни ҳузури ҲАМОС ба як ниҳоди махсуси байналмилалӣ вогузор гардад, ки дар он намояндагони Маъмурияти Миллии Фаластинӣ низ иштирок хоҳанд кард ва маблағгузорӣ аз ҷониби кишварҳои арабӣ ва мусалмонӣ сурат хоҳад гирифт.

Гуфта мешавад, кишварҳои дар боло зикр шуда, дар баробари ин нақша чанд шартеро ба мисли иҷозаи фаврии вуриди ёриҳои гуманитарӣ ба Ғазза, қатъи ишғол ва шаҳраксозии Исроил дар Ғазза, ғасб накардани минтқаҳо дар Соҳили ғарбӣ аз ҷониби Исроил ва ғайра низ гузоштаанд.

Имрӯз, 26-уми сентябр Натанёҳу дар СММ суханронӣ кард ва 29-уми сентябр вохӯрии ӯ бо Трамп дар Кохи Сафед пешбинӣ шудааст ва назари Натанёҳу дар бораи нақша маълум хоҳад гашт.

Ёдовар мешавкем, ки пас аз моҳи октябри соли 2023 Исроил ҳамлаҳои худ ба Ғазза ва Каронаи Бохтарӣ (Соҳили ғарбии рӯди Урдун) шиддат бахшидааст. Бино ба иттилои Вазорати беҳдошти Фаластин, ба сабаби бомборонҳои Исроил дар Ғазза то кунун беш аз 65 ҳазору 500 нафар кушта ва наздики 168 ҳазор нафари дигар захмӣ шудааст.

Тафтиши густурдаи муҳоҷирон дар яке аз корхонаҳои Новосибирск

Аз ҷониби
AZDA-TV
-
0

Дар вилояти Новосибирски Русия кормандони пулис, Росгвардия ва Шуъбаи ҳарбии Кумитаи тафтиш дар яке аз корхонҳо дар деҳаи Крупская тафтиш (Рейд) гузарониданд.

Ба иддаои мақомоти рус ҳадафи ин тафтиш ошкор кардани муҳоҷирони ғайриқонунӣ ва ҳамчунин шаҳрвандоне буда, ки шиносномаи Русия гирифтаанд, вале худро дар қайди ниҳодҳои ҳарбӣ нагузоштаанд.

Дар наворҳое, ки аз ин тафтиш дар шабакаҳо нашр шудаанд, дида мешавад, ки ҳамаи кормандони корхонаро ба кӯча бароварда, ҳуҷҷатҳои ҳамаро тафтиш мекунанд. Мақомоти рус мегӯянд, ки 450 нафарро санҷида, 17 нафареро ошкор кардаанд, ки дар ҳудуди Русия бо вайрон кардани қонунгузории муҳоҷиратӣ қарор доштанд.

Дар натиҷа ба се муҳоҷир ҷаримаи маъмурӣ аз 2 то 40 ҳазор рубл таъйин шуда, ба 13 нафар қарори манъи вуруд ба Русия ба муддати 5 сол ва ба як нафари дигар ба муддати 10 сол қабул гардидааст. Ҳоло ин афрод ба Маркази муваққатии нигоҳдории шаҳрвандони хориҷӣ қарор доранд, то ки аз Русия хориҷ карда шаванд.

Инчунин мақомоти Русия ҳангоми гузаронидани тафтиш дар боғу бустонсароҳои наздишаҳрии Новосибирск 51 шаҳрванди хориҷӣ тафтиш карда, панҷ нафарашонро ба шуъбаҳои ВКД бурдаанд. Маълум нест дар миёни боздоштшудаҳо зодагони Тоҷикистон ҳастанд ё на.

Ба ин монанд тафтишу бозҷӯиҳои муҳоҷирон дар дигар минтақаҳои Русия, бахусус ҷойҳое ки бештар муҳоҷирон ҷамъ мешаванд, мисли қаҳвахонаву бозор, хобгоҳ ва ҳатто толорҳои варзишиву консертӣ идома доранд.

Дар баробари тафтиши асноди будубош, мақомоти рус, инчунин онҳоеро меҷӯянд, ки ба наздикӣ шаҳрвандии Русияро гирифтаанду худро дар комисариатҳои ҳарбӣ сабти ном накардаанд. Ба гуфтаи худи муҳоҷирон, ин гуна афродро ба комисариатҳои ҳарбӣ мебаранду ба ҷанги зидди Украина мефиристанд ва ҳар нафаре, ки рафтан ба хидмат ё ҷангро рад кунад, шаҳрвандияш бекор ва аз Русия ихроҷ мешавад.

Ҳар рӯз 100 сомонӣ. Шикояти ронандагон аз ширкатҳои таксӣ дар Душанбе

Аз ҷониби
Azda TV 3
-
0

Агар таксӣ кор мекунӣ бояд аз меъёр зиёд кор кунӣ, то тавонӣ ҳам пули иҷро ва ҳам ҳаққи соҳибони ширкати таксиро пайдо кунӣ.

Яке аз баҳсҳои доғ миёни ҷомеаи Тоҷикистон шикояти ронандаҳои таксӣ аз ширкатҳои таксиронӣ мебошад. Ба гуфтаи онҳо, новобаста аз он ки рӯзона ба кор мебароянд ё не, маҷбуранд ҳар рӯз 100 сомонӣ ба ширкат супоранд.

Ронандаҳо мегӯянд, чунин талабот онҳоро водор мекунад, ки барои ба даст овардани маблағи зарурӣ соатҳои зиёд ва беистироҳат кор кунанд. Ин ҳолат боиси хастагӣ ва афзоиши садамаҳои нақлиётӣ, бахусус бо иштироки мошинҳои таксӣ шудааст.

Чанд ронандаи таксӣ бо нашри видео дар шабакаҳои иҷтимоӣ аз Эмомалӣ Раҳмон ва Рустами Эмомалӣ хостаанд, ки ба мушкили онҳо расидагӣ шавад. Ба гуфтаи онҳо, пардохти 100 сомонӣ ҳаррӯз барои ширкат хеле зиёд аст ва ба зиндагии онҳо таъсири манфӣ мерасонад.

Дар ҳамин ҳол, мусофирон низ аз кори ронандаҳои таксӣ ва гарон будани роҳкиро норозиянд. Инчунин ба гуфтаи онҳо, таксистҳо на ҳамеша ба ҷойи зарурӣ меоянд ва баъзан ба самте, ки дилашон нахоҳад, намераванд.

Бархе корбарон дар шабакаҳои иҷтимоӣ менависанд, ки бар иловаи вазъияти бади иқтисодӣ, зиёдахоҳии ширкатҳои таксӣ, ки ронандагонро маҷбур сохтааст, ҳар рӯз 100 сомонӣ бидиҳанд, сабаб шуда, ки онҳо дуруштрафторӣ кунанд. Дар асл, муомилае, ки ронандагон бо мусофирон дар Душанбе мекунанд ва ё соҳибони ширкатҳои таксӣ бо ронандагон, дар ҳеч гӯшаву канори дунё намебинед.

Истеҳсоли гӯшт зиёд шудааст, вале чаро нарх ҳамоно гарон аст?

Аз ҷониби
Azda TV 3
-
0

Нархи гӯшт дар Тоҷикистон нисбат ба шароити иқтисодии аҳолӣ хеле гарон маҳсуб мешавад. Бо вуҷуди афзоиши истеҳсоли гӯшт, нархҳо дар бозорҳо арзон намешаванд.

Тибқи маълумоти оморӣ, ки дар расонаи давлатӣ нашр шудааст, дар моҳҳои январ–августи соли 2025 ҳаҷми истеҳсоли гӯшти чорвои калон ва майда дар Тоҷикистон ба 164 055 тонна расида, нисбат ба ҳамин давраи соли 2024 10,3% зиёд шудааст. Саршумори чорвои калони шохдор ва гӯсфанду буз низ сол ба сол афзоиш ёфтааст.

Бо вуҷуди афзоиш истеҳсоли гӯшт, нархҳо дар бозорҳои истеъмолӣ пайваста боло меравад. Айни замон як кило гӯшт дар бозорҳо аз 75 то 100 сомонӣ нарх дорад, ки назар ба соли 2018 қариб ду баробар зиёд аст. Сабабҳо ба афзоиши хароҷоти нигоҳубини чорво, арзиши хӯроки чорво ва фасли тобистон, ки чорво ба чарогоҳ мебаранд, рабт дода мешавад.

Коршиносон таъкид мекунанд, ки барои дастрасии арзон ва афзоиши истеҳсоли гӯшт бояд фермаҳои махсуси говҳои зотии гӯштӣ ва корхонаҳои хӯроки омехтаи чорво дар шаҳру ноҳияҳо таъсис дода шаванд.

Нархи баланд ва дастрас набудани гӯшт ҳамеша боиси норозигии шаҳрвандон аст. Ба ин далел, аксари аҳолӣ тавони харидани гӯштро надоранд.

Додхоҳӣ! Пуламро гирифтанд худамро зада маъюб карданд

Аз ҷониби
AZDA.TV
-
0

Як сокини шаҳри Хуҷанди вилояти Суғд аз он шикоят дорад, ки Холиқов Комил, соҳибкор ва сокини ҷамоати Чоркӯҳи шаҳри Исфара 980 ҳазор сомонияшро гирифта, то ҳол барнагрдондааст.

Масобиров Ҳасан, як сокини шаҳри Хуҷанд дар тамос ба Azda Tv гуфт, ки ӯ як замон ба тиҷорати чархҳои мошин машғул буд. “Соли 2013 аз Омлон ва Лаҳистон чархҳои мошин овардам, Холиқов Комил моҳи апрели ҳамин сол омада, аз ман ба миқдори 120 ҳазор доллар балон харид, вале гуфт, пулашро баъдтар меорад. Бо ҳамин пулро наовард, борҳо муроҷиат кардам надод. На танҳо пулро надод, балки ба одамҳояш супориш дод, маро сахт зада маъюб карданд, хонаву мағозаямро кашида гирифтанд. Ҳоло маъюби гурӯҳи 1 дар хонаҳои мардум иҷоранишинам.“

Масобиров ҳамчунин гуфт, ки Холиқов Комил ҳамроҳи бародараш Холиқов Абдуҳаким ӯро зиёд озор додаанд ва аз сабаби он ки онҳо дар мақомоти вилояти Суғд шиносҳои зиёд дорад, ҳар ҷое, ки муроҷиат мекунад барои ҳақталабӣ, муроҷиаташ нодида гирифта мешавад.

Мусоҳиби мо мегӯяд: “Соли 2014 вақте ба ВКД муроиҷат карда, аз рафтори Холиқов шикоят кардам, маро ба 6-ум Отдел бурда, 8 нафар, ки танҳо номи дутояш – Далер ва Маҳмуд – дар ёдам мондааст, чунон заданд, ки гумон карданд мурдам, бурда дар қабристон андохтанд, вале баъдтар вақте фаҳмиданд зиндаам, маро раҳо карданд.“

Ба гуфтаи ӯ, пас аз ин заданҳои сахт маъюб шудааст ва як дасту пояш кор намекунад. Ҳатто сухангӯияш ҳам душвор шудааст. Ҳоло маъюуби гурӯҳи 1-ум аст.

“Зиёда аз 10 бор ба мақомҳои баланд, аз ҷумла 4-5 бор ба Дастгоҳи иҷроияи Президент, чанд бор ба парлумон, чанд бори дигар ба Прокуратураи генералӣ ва ба милисаҳо муроҷиат кардам, барои ҳақам талош кардам, вале фақат мегӯянд, “дида мебароем” ё ба дигар ниҳодҳо вобаста мекунанду тамом. То ҳол ҳеч натиҷа нест.“, мегӯяд Масобиров.

Ӯ бо ирсоли чанд нусхаи нома ва посухҳои онҳо, ки ба Дастгоҳи иҷроияи Президент, Додисотонии кулли кишвар, Додситнии нақлиёти Тоҷикистон ва дигар ниҳодҳо фиристодааст, ба мо гуфт, ки муроҷиатҳои пайдарпайяш бенатиҷа будааст. Чун Холиқов Комил аз баски дар мақомот шиносҳои зиёд дорад, касе ба доди ӯ намерасад.

Дар яке аз муроҷиатҳояш дида мешавад, ки Додситонии нақлиёти Тоҷикистон дар торихи 19-уми майи соли 2025 ба сардори Раёсати Вазорати корҳои дохилии Тоҷикистон дар нақлиёт генерал-лейтенанти милитсия Солеҳзода И.Р. нома исол намуда, аз ӯ хоҳиш намудааст, ки муроҷиати Масобиров пурра баррасӣ карда шавад.

Дар номаи Додситонии нақлиёти Тоҷикистон зоҳиран Холиқовҳоро айбдор ҳисобида, чунин навишта шудааст: “Прокуратураи нақлиёти Тоҷикистон муроҷиати шаҳрванд Масобиров Ҳ.А.-ро нисбати кирдорҳои ғайриқонунии шаҳрвандон Холиқов А.М. ва Холиқов К.М. дар хусуси барнагардонидани маблағи 980 ҳазор сомонӣ барои баррасӣ ва қабули қарори қонунӣ ирсол карда шавад.“

Ҳамчунин Додситонии ноҳияи Фирдавсии шаҳри Душанбе дар торихи 15-уми августи соли 2025 зери рақами 13-447а/28 ба ШКВД-2 дар ноҳияи Фирдавсӣ нома ирсол намуда, талаб кардааст, ки муроҷиати Масобиров Ҳасанро “пурра ва ҳаматарафа мавриди санҷиш қарор дода, аз натиҷааш ба муаллиф хабар диҳанд.“

Аммо Масобиров дар тамос ба Azda Tv гуфт, ки то ҳанӯз ҳеч посухе аз ҷониби ШКВД-2 дар ноҳияи Фирдавсӣ дарёфт накардааст.

Ба ҳамин монанд Додситони кулли Тоҷикистон ва дигар ниҳодҳо низ ба якдигар нома ирсол намуда, аз бахшҳои ВКД талаб намудаанд, ки кори ҷабрдида “дида баромада шавад.”

Барои назари муқобилро шунидан Azda Tv талош кард, вале шумораи Холиқовҳо пайдо нашуд. Танҳо шумораи раҳбари ширкати ҶСК “Авитсена” Саидов Абдураззоқро пайдо кардем, ки ба гуфтаи Масобиров, ӯ бо Холиқов Комил ҳам қудо ва ҳам ҳамкори наздикаш аст. Ва ҳоло Холиқов Комил дар Қазоқистон бахши ҳамин ширкатро, ки ба хонасозӣ машғул аст, идора мекунад.

Саидов Абдураззоқ ҳангоми тамос нахост бо Azda Tv суҳбат кунад ва ҳамчунин аз қазияи Масобиров Ҳасан ва Холиқов Комил, ки дуюмӣ қудо ва ҳамкораш аст, комилан изҳори беиттилоӣ кард.

Дар сурати вокуниши тарафи муқобил Azda Tv омадааст назари онҳоро низ нашр кунад.

Ин бори аввал нест, ки ниҳодҳои қазоии кишвар наметавонанд мушкилоти шаҳрвандони ҷабрдидаро бартараф намуда, ҳақро ба ҳақдор бирасонанд. Ба сабаби шиносбозиҳо ва додани ришва ба масъулин, одатан ҷабрдидаҳо баракс, гунаҳкор ҳисобида мешаванд ва маҷбур мешаванд, мустақим ба Президент Эмомалӣ Раҳмон муроҷиат кунанд, то дар ҳалли мушкилоташон кумак кунад.

Амрико сиёсати худро дар қиболи Афғонистон бознигарӣ мекунад

Аз ҷониби
Azda TV 3
-
0

Иёлоти Муттаҳидаи Амрико сиёсати худро дар қиболи Афғонистон бознигарӣ мекунад ва қарор кардааст, ки ба Толибон мустақиман кумак нарасонад.

Ду мақоми баландпояи Вазорати хориҷаи Амрико ба Афғонистон Интернешнл гуфтанд, авлавияти асосии Вашингтон ду ҳадаф аст: пешгирӣ аз табдил шудани Афғонистон ба паноҳгоҳи террористон ва хотима додан ба дипломатияи гаравгонгирии Толибон.

Ин мақомдорони амрикоӣ вазъи кунунии Афғонистонро “фалокатбор” арзёбӣ карда, гуфтанд, ки ИМА барномаҳои марбут ба занону духтарони афғонро дастгирӣ мекунад, вале ба Толибон бевосита кумак нахоҳад кард. Ба гуфтаи онҳо, Толибон ҳуқуқи башарро поймол мекунанд ва ҳатто ба амалиёти наҷот пас аз заминларзаи ахир монеъ шуданд.

Иёлоти Муттаҳида ҳамчунин аз талошҳои Чин барои нуфуз дар Афғонистон ва бахусус дар соҳаи маъдан нигарон аст ва таъкид мекунад, ки таҳаввулотро бодиққат пайгирӣ мекунад.

Чанде пеш Доналд Трамп ба расонҳо изҳор дошт, ки нерӯҳои ИМА бояд пойгоҳи низомии Багромро дар Афғонистон бозпас бигиранд. Таҳлилгарон бар инанд, яке аз сабабҳое, ки Амрико мехоҳад ин пойгоҳи низомиро пас бигирад, ҷойгоҳи муҳими стратегӣ ва наздикии он ба минтақаҳои ҳассоси Чин ва инчунин пешгирӣ аз нуфузи Чин дар Афғонистон аст.

1...878889...785саҳифаи 88 аз 785