20.9 C
Dushanbe

Дар Душанбе ҷаласаи муштараки иқтисодиву иҷтимоии Узбекистону Тоҷикистон баргузор мешавад

Акс аз sputnik-tj.com

Тибқи иттилои Хабаргузории “Форс” дар Душанбе, ҷаласаи Комиссияи муштараки ҳамкориҳои тиҷоративу иқтисодӣ, иҷтимоӣ ва фарҳангӣ таҳти раёсати сарвазири Тоҷикистон Қаҳер Расулзода ва сарвазири Узбекистон Абдуллоҳ Арифов дар рӯзҳои 28 ва 29 сентябр дар пойтахти Тоҷикистон баргузор мешавад.

Интизор меравад, ки ҳайати мақомоти баландпояи Узбакистон таҳти раёсати сарвазир дар рӯзҳои охири моҳи ҷорӣ барои баррасии муносибатҳои ду кишвар дар соҳаҳои гуногун вориди Душанбе шавад.

Гуфта мешавад, ки дар ҷараёни музокирот ҷонибҳо масъалаи боз кардани марзҳо ва барқарор кардани иртиботи ҳавоии ду кишварро, ки дар нимаи моҳи марти соли равон бо сабаби хуруҷи вируси COVID-19 қатъ шуда буд, баррасӣ мекунанд. Дар ҷараёни мулоқот, ҷонибҳо инчунин ният доранд, ки масъалаҳои рушди тиҷорати дуҷониба, лоиҳаҳои ояндаи сармоягузорӣ, тавсеаи алоқа дар соҳаи нақлиёт ва коммуникатсия ва муносибатҳои байни минтақаҳоро баррасӣ кунанд.

Хабаргузории “Форс” менависад, ки аз ҷумлаи мавзӯҳои баррасишавандаи ин Комиссияи муштараки ҳамкориҳои тиҷоративу иқтисодӣ, иҷтимоӣ ва фарҳангӣ, ҳаҷми интиқоли нерӯи барқи Тоҷикистон ба Узбакистон, гази Узбакистон ба Тоҷикистон ва нархи он барои соли оянда низ мавриди баҳсу баррасӣ қарор хоҳанд гирифт.

Баъд аз омадани Шавкат Мирзиёев ба раҳбарии Узбекистон, муносибатҳои ду кишвари ҳамсоя беҳбуд ёфт. Мирзиёев соли 2018 ба Тоҷикистон ташриф овард ва зимни сафараш чандин санадҳои ҳамкориро ба имзо расонид, аз ҷумла раводидро аз байн бардоштанд ва то 30 рӯз шаҳрвандони Тоҷикистону Узбекистон метавонанд бе раводид ба хоки якдигар ворид шаванд, инчунин марзҳое, ки солҳо баста буданд боз гардиданд ва равуо байни шаҳрвандони ин ду кишвар осон гардид.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Гумонбарон дар қатли занҷираии Конибодом боздошт шуданд?

Мақомот гумонбарон дар қатли занҷираӣ дар шаҳри Конибодоми вилояти Суғдро боздошт кардаанд.

Ҳушдори КҲФ аз омадани сел дар баъзе манотиқ кишвар

Кумитаи ҳолатҳои фавқулодда ва мудофиаи граждании назди Ҳукумати Ҷумҳурии Тоҷикистон ба сокинон ва меҳмонони кишвар аз эҳтимоли омадани сел дар чанд ноҳияи кишвар ҳушдор медиҳад.

Боздошти Усмонзода бо иттиҳоми ғасби ҳокимият

Дахлнопазирии вакили парлумони кишвар Саидҷаъфар Усмонзода бекор ва худи ӯ ба ҳабси пешакӣ гирифта шуд.

“Карим”-ро аз Русия ихроҷ карданд

Мақомоти Русия варзишкори тоҷик ва қаҳрамони ду вазни созмони "Hardcore MMA" Фазлиддин "Карим" Мадраҳимовро аз ин кишвар ихроҷ карданд.