5-уми июни соли 2025 дар шаҳри Душанбе ҷаласаи навбатии Шӯрои сарони ҳукуматҳои Иттиҳоди Давлатҳои Мустақил (ИДМ) баргузор мегардад.
Раҳбарии давраии ин созмон дар соли 2025 ба уҳдаи Тоҷикистон аст ва ҷаласаи фардо таҳти раёсати Қоҳир Расулзода, сарвазири Тоҷикистон сурат хоҳад гирифт.
Ҳадафи нишаст баррасии масоили вобаста ба ҳамкориҳои минтақавӣ, аз ҷумла таҳкими ҳамкориҳои сиёсӣ, иқтисодӣ ва гуманитарӣ миёни кишварҳои иштирокчӣ гуфта мешавад.
То ҳол барои иштирок дар ин нишаст сарвазони Русия, Қазоқистон, Беларус ва Озарбойҷон ба Душанбе омадаанд ва хабари мулоқоти Қоҳир Расулзода бо сарвазири Беларус Александр Турчин нашр шудааст.
Гуфта мешавад, Иттиҳоди Давлатҳои Мустақил 8-уми декабри соли 1991 пас аз пошхӯрии Иттиҳоди Ҷамоҳири Шӯравӣ таъсис ёфта, Озарбойҷон, Арманистон, Беларус, Қазоқистон, Қирғизистон, Молдова, Русия, Тоҷикистон ва Узбекистон шомили он мебошанд. Туркманистон ба ҳайси узви ҳамкор (ассотсиатсионӣ) дар нишастҳо иштирок мекунад.
