5.9 C
Dushanbe

Низоми нави таҳримҳо аз ИА, мухолифон мегӯянд мақомдорони тоҷикро шомили он хоҳанд кард

Нишонҳо бо тасвири Сергей Магнитский

Иттиҳоди Аврупо низоми таҳримоти шахсиро барои нақзи ҳуқуқи инсон тасдиқ кард, ки тибқи он ҷорӣ кардани таҳримҳои шахсӣ алайҳи гунаҳкорони “нақзи ҷиддии ҳуқуқи инсон” дар саросари ҷаҳон имкон фароҳам меорад.

Коршинсон санади қабулкардаи ИА-ро як чизе шабеҳ ба “Санади Магнитский” мегӯянд. Ин санад рӯзи душанбеи 7 декабр аз ҷониби вазирони корҳои хориҷии Иттиҳоди Аврупо зери унвони “Барномаи иқдоми Иттиҳоди Аврупо барои  ҳуқуқи инсон ва демократия” тасдиқ шуд.

Низоми нави таҳримҳо метавонад дар ҳолатҳои шиканҷа, бардадорӣ, хушунати ҷинсӣ истифода бурда шавад. Омилони чунин кирдорҳо бо манъи вуруд ба ИА ва мунҷамид кардани дороиҳояшон дар Аврупо муҷозот хоҳанд шуд.

Чорчӯби муҷозоти муртакибони нақзи ҳуқуқи башар ҷаҳонӣ буда, шахсони воқеӣ ё шахсони гунаҳкоре, ки дар вайронкунии ҷиддии ҳуқуқи инсон муқассир донитса мешаванд, имкон дорад мавриди таъқибу муҷозот қарор бигиранд, новобаста аз он ки дар куҷо қарор дошта бошанд..

Ин низоми ҷадиди таҳримоти ИА барои се сол муаррифӣ шуд ва метавонад тамдид шавад. Санад дар бораи низоми нави таҳримҳо дар маҷаллаи расмии ИА нашр шудааст. Дар он қайд мешавад, ки иқдомоти маҳдудкунанада рӯзи баъд аз нашр, яъне 8 декабр мавриди амал қарор мегирад. Рӯйхати афроде, ки таҳти ин таҳримҳо қарор мегиранд, дар замимаи ин санад оварда мешавад, ва ҳоло он холӣ аст.

Мухолифони ҳукумати Тоҷкистон аз ин иқдом истиқбол карданд. Алим Шерзамонов муовини раиси ПМТ дар сӯҳбат ба “Аздо тв” гӯфт, ки ПМТ кӯшиш хоҳад кард то нақзкунандагони ҳуқуқи башар аз Тоҷикистонро дар ин рӯйхат ворид кунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Даҳҳо парванда ба иттиҳоми “фасодкорӣ” барои кормандони ниҳодҳои давлатӣ

Дар робита ба дуздии миллионҳо сомонӣ аз будҷети Вазорати дифоъ, ки соли гузашта рух дода буд, нисбати 26 корманди давлатии дигар парвандаи ҷиноӣ боз шудааст.

Қатли ду зодаи Осиёи Марказӣ дар пайи “амалиёт” дар Русия

Хадамоти амнияти Федералӣ (ФСБ)-и Русия аз пешгирии як ҳамлаи теруристӣ дар вокзали шаҳри Псков хабар дод.

Хабари боздошти Идибеки Бохтарӣ тасдиқ шуд

Додгоҳи шаҳри Бохтар боздошти Идибеки Мардон, маъруф ба "Идибеки Бохтарӣ"-ро, ки яке аз мубаллиғони ашаддии Ҳукумат дониста мешуд, тасдиқ кард.

Ҳукми зиндони даҳҳо нафар бо иттиҳоми амали террористӣ дар ҷашни “Наврӯз”

Додситони кулли Тоҷикистон даҳҳо шаҳрвандро бо иттиҳоми нақшаи анҷоми амали террористӣ дар маросими ҷашни Наврӯз 2024 боздошт кард.