32.9 C
Dushanbe

Обхезии шадид дар Либия ҷони беш аз 3 ҳазор нафарро гирифт

Дар пайи тӯфон ва обхезии шадид дар Либиё беш аз 3 ҳазор нафар ҷони худро аз даст дод. Дар ин бора вазири тандурустии Либия Усмон Абдуҷалил рӯзи сешанбе ба расонаҳо хабар дод.

Вазири тандурустии Либия ба расонаҳо гуфта, ки “шумори онҳое, ки дар пайи тӯфони “Дониёл” ба ҳалокат расидаанд, аз 3 ҳазор гузаштааст.” Ин масъули либӣ мегӯяд, ин омори танҳо сабтшудаҳо аст, “ҳоло ин тӯфон баъзе шаҳрҳоро қариб аз байн бурдааст ва шумори дақиқи қурбониён сабт нашудааст.”

Усмон Абдуҷалил ба расонаҳои маҳаллӣ вазъ дар шаҳри Дарнаро “даҳшатбор” арзёбӣ карда, гуфтааст: “Мо ҳоло дар дохили утоқи ёрии таъҷилие, ки ҳукумат дар шаҳри Дарна таъсис дода, қарор дорем. Вазъ даҳшатбор аст.”

Мақомоти расмии Либия мегӯянд, эҳтимол шумори қурбониён хеле зиёд аст, вале то ҳол масъулин натавонистаанд омори дақиқро ироа кунанд.

Ёдовар мешавем, ки рӯзи якшанбе, 10-уми сентябр тӯфони шадиде, ки “Дониёл” ном гирифт, чанд шаҳри Либия, аз ҷумла Бинғозӣ, Байзо, Суса, Дарна ва дигар манотиқи ин кишварро зерурӯ кард.

Бино ба иттилои расмии Либия, тӯфони шадид 25 дарсади шаҳри Дарнаро пурра нобуд кардааст. Коршиносон гуфтаанд, ба сабаби он ки дар ин шаҳр саде барои пешгирӣ аз чунин тӯфонҳо бунёд ёфтааст, он дар пайи тӯфони мазкур канда шуда, шаҳр зери об мондааст.

Рӯзи душанбе раиси ҳукумати Либия Абдулҳамид Дбейба бо ташкили ҷаласаи изтирорӣ 3 рӯз дар тамоми кишвар мотам эълон кард ва ба тамоми масъулини ҳукуматаш амр дода, ки бидуни истисно дар кумаки мардуми зарардида ва бо онҳо бошанд.

Ҳамчунин дар шаҳри Бинғозӣ дарсҳо дар мактабҳо таътил шуда, мактабҳоро барои пазириши зарардадагон омода мекунанд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Бозгашти нахустин гурӯҳи зоирони тоҷик

Нахустини гурӯҳи зоирони тоҷикистонӣ баъд аз анҷоми маросими Ҳаҷ-2024 аз Арабистони Саудӣ ба Ватан баргарштанд.

Нопадид шудани панҷ сокини Язгулом дар фурӯдгоҳи Кӯлоб

Панҷ нафар аз сокинони ноҳияи Язғулом дар фурӯдгоҳи шаҳри Кӯлоб нопадид шудаанд. Дар ин бора хешовандонашон ба расонаҳо дар Тоҷикистон хабар додаанд. 

Ҳамлаи террористӣ дар Доғистон 20 кушта ба ҷо гузошт

Бино ба иттилои Вазорати корҳои дохилии Русия, шаби 23-уми...

Абдусалом Одиназода аз зиндон озод шуд

Абдусалом Одиназода, донишманди тоҷики муқими Австралия баъд аз 3,5 соли зиндон рӯзи 19-уми июн ба озодӣ баромад.