31.9 C
Dushanbe

Оғози Нишасти вазирони хориҷаи кишварҳои ҳамсояи Афғонистон дар Теҳрон

Имрӯз 27-уми октябр дар Теҳрон дуввумин Нишасти вазирони корҳои хориҷии кишварҳои ҳамсояи Афғонистон оғоз шуд.

Дар ин нишаст вазирони корҳои хориҷӣ ва баъзе мақомҳои кишварҳои Тоҷикистон, Ӯзбекистон, Туркманистон, Покистон, Чин ва Русия ширкат ва суханронӣ мекунанд. Аммо касе аз намояндагони Толибон дар ин нишаст ҳузур надорад.

Даври аввали Нишасти вазирони корҳои хориҷии кишварҳои ҳамсояи Афғонистон моҳи августи соли ҷорӣ бо мизбонии Покистон ба сурати маҷозӣ баргузор шуд. Дар он ба чанд банд, аз ҷумла ташкили давлати ҳамашумул, ҳимоят аз истиқлол ва тамомияти арзии Афғонистон тавофуқ сурат гирифт.

Дар нишасти имрӯза намояндагони Чин ва Русия ба сурати маҷозӣ ширкат мекунанд. Қарор аст, Муҳаммад Мухбир, муовини аввали раисҷумҳури Эрон дар ин нишаст суханронӣ кунад.

Пас аз суқути давлати Афғонистон ва тасаллути Толибон бар ин кишвар таҳаввулоти зиёде дар ин кишвар рух дод. Ин таҳаввулот паёмадҳои ногузире дар ҷанбаҳои иқтисодӣ, сиёсӣ ва амниятӣ барои минтақа, ба хусус барои ҳамсоягонаш дорад.

Гуфта мешавад, масоили таъмини амният, ташкили давлати фарогир, расидан ба мушкилоти муҳоҷирон ва оворагон, рафъи буҳрони иқтисодии Афғонистон дар ин нишасти Теҳрон баррасӣ хоҳад шуд.

Дар ин нишаст аз вазири корҳои хориҷии Тоҷикистон Сироҷиддин Муҳриддин ширкат кард.

Акс аз Вазорати корҳои хориҷаии Тоҷикистон

Бино ба иттилои Вазорати хориҷаи Тоҷикистон Сироҷидди Муҳриддин  дар ҳошияи ин нишаст, бо вазири хориҷаи Эрон Ҳусейн Амир Абдуллоҳиён мулоқот карда, вазъи Афғонистонро баррасӣ карданд. Гуфта мешавад, дар мулоқот ҷонибҳо ташкили ҳукумати фарогир дар Афғонистонро таъкид карданд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Анҷумани иқтисоди рақамии СҲШ дар шаҳри Тянҷзини Чин

Дар чаҳорчӯби Анҷумани иқтисоди рақамии Созмони ҳамкории Шанхай (СҲШ) дар шаҳри Тянҷзини Чин ҷаласаи пӯшидаи вазирони иқтисодии кишварҳои узви ин созмон баргузор гардид.

Боздошти як омӯзгори забони англисӣ дар Душанбе бо иттиҳоми рафтори ғайриахлоқӣ

Раёсати корҳои дохилии шаҳри Душанбе хабар дод, ки як марди 50-сола бо иттиҳоми рафтори ғайриахлоқи ба як гурӯҳ духтарони ҷавон боздошт шудааст.

Чаро мақомот дар бораи хабари ихроҷи муҳоҷирони афғонистонӣ хомӯшанд?

Масъулини муҳоҷирони афғонистонӣ дар Душанбе хабари ихроҷи шаҳрвандони Афғонистон аз Тоҷикистонро рад карданд.

Боздошти ду тоҷикистонӣ бо гумони ба асорат гирифтани ҳамватани худ

Мақомоти Русия хабар доданд, ки ду шаҳрванди Ҷумҳурии Тоҷикистон бо гумони ба асорат гирифтан ва латтукӯби як ҳамватани худ боздошт шудаанд.