36.9 C
Dushanbe

Оғози размоиши низомии СПАД дар Тоҷикистон

Имрӯз Созмони Паймони Амнияти Дастаҷамъӣ (СПАД)  размоиши низомии бузургеро бо ширкати 4000 сарбоз дар Тоҷикистон дар наздикии марз бо Афғонистон оғоз кард.

Интерфакс” аз қавли маркази тадорукоти ин размоишҳо хабар дод, ки дар тамринҳои вижаи “Эшелон-2021”, “ Ҷустуҷӯ-2021” ва размоиши муштараки “Ҳамкорӣ-2021”, ки дар чорчӯби тамринҳои амалиётӣ-стратегии СПАД “Ҷанговарони бародарӣ-2021” дар қаламрави Тоҷикистон баргузор мешавад, 4 ҳазор нафар бо беш аз 500 адад таҷҳизоти ҳарбӣ иштирок мекунанд.

Гуфта мешавад, ин размоишҳо дар майдонҳои омӯзишии “Момирак” ва “Ҳарб-Майдон”-и назди марзи Тоҷикистону Афғонистон баргузор мешаванд. Ҳадаф аз ин чорабинӣ омодагӣ ва гузаронидани амалиёти муштараки Қувваҳои мусаллаҳи Тоҷикистон ва гурӯҳи СПАД барои пешгирӣ ва ҳалли муноқишаи мусаллаҳонаи марзӣ ва инчунин пешгирӣ аз кӯшиши ворид шудани аъзои созмонҳои террероистии байналмиллалӣ ба қаламрави як давлат арзёбӣ мешавад.

Ба гуфтаи манбаъ, машқҳои низомӣ дар Тоҷикистон ба муддати 5 рӯз аз 18 то 23-уми октябри соли ҷорӣ идома меёбанд. “Ҷустуҷӯ-2021” машқи иктишофии кишварҳои СПАД аст, “Ҳамкорӣ-2021” бошад нерӯи вокунишии сареъ ва зудамал гуфта мешавад, аммо “Эшелон-2021” воҳиди таъминоти моддию техникӣ мебошад.

Ташабубскорони ин тамринҳо мегӯянд, мо сенарияҳои эҳтимолиро дар марзи Тоҷикистону Афғонистон дар назар гирифтаем, аммо умедворем кор ба онҷо нахоҳад кашид, ки ин сенарияҳо ба амал биёянд.

Фармондеҳи Округи марказии ҳарбии Русия Александр Лапин ба “Интерфакс” гуфта, ки қисми асосии нерӯҳои низомии Русия дар ин тамринҳо Пойгоҳи низомии 201 -уми Русия дар Тоҷикистон хоҳанд буд.

Ӯ афзуда, ки барои интиқоли нерӯҳои низомии Белорус, Қазоқистон Русия ба ин размоиш ба Тоҷикистон 35 парвоз анҷом додаанд. Қисме аз воҳидҳои низомӣ низ тавассути роҳи оҳан ба Тоҷикистон фиристода шудаанд.

Баъд аз ба сари қудрат омодани Толибон дар Афғонистон кишварҳои ҳаммарз бо Афғонистон нерӯҳои амниятии худро дар марз бо ин кишвари ҳамсоя тақвият бахшидаанд. Инчунин Русия моҳи август ду размоиши низомӣ, яке дар наздикии марзи Афғонистон бо Узбакистон ва дигаре бо Узбакистону Тоҷикистон баргузор кард.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Фишор болои наздикони фаъолони зодаи Бадахшон

Мақомоти Тоҷикистон фишор болои хонаводаҳои зодагони Вилояти Мухтори Кӯҳистони Бадахшонро, ки дар хориҷ аз Тоҷикистонанду дар ҷустуҷӯ қарор доранд, сахттар кардааст.

Тазоҳуроти фаъолон дар Олмон: Ҳамкорӣ бо Тоҷикистон қатъ шавад!

Гурӯҳе аз фаъолон дар Олмон бо баргузории тазоҳурот ва дархости озодии Абдуллоҳи Шамсиддин, хостори қатъи ҳамкорӣ бо Тоҷикистон шуданд.

Муттаҳидони Русия ҳамлаҳои Исроил ба Эрон ва Ғаззаро маҳкум карданд

Раҳбарони кишварҳои узви гурӯҳи БРИКС дар як баёнияи муштарак...

Боздошти ду ҷавони тоҷик дар Русия бо иттиҳоми озори ноболиғон

Пас аз баргузории ҷашнвораи фарҳангии тоҷикон дар шаҳри Красноярски Русия, ду ҷавони тоҷик бо иттиҳоми озору азияти ду духтари 14-сола боздошт шудаанд.