30.9 C
Dushanbe

Сарпечии омӯзгорони ҷавон аз кор дар мактабҳо

Зиёда аз 50 дарсад омӯзгорони ҷавоне, ки барои кор ба мактабҳо роҳхат гирифтаанд, ба муассисаҳои таълимӣ нарафтаанд.

Бино ба иттилои расмӣ, имрӯз, 1-уми сетябри соли 2023 Эмомалӣ Раҳмон гуфт, ки имсол зиёда аз 260 ҳазор нафар кӯдакон дар мактабаҳои Тоҷикистон ба синфи якум рафтаанд.

Президенти Тоҷикистон, ки дар Донишгоҳи давлатии тиббии Хатлон дар зодгоҳаш дар ноҳияи Данғара суханронӣ мекард, бо нигаронӣ гуфт: Соли ҷорӣ 3 ҳазору 432 нафар мутахассисони ҷавони равияи омӯзгорӣ барои кор ба муассисаҳои таълимии кишвар фиристода шудаанд, ки то имрӯз 49 фоизи онҳо ба шуъбаҳои маорифи шаҳру ноҳияҳо ҳозир шудаанд.”

Эмомалӣ Раҳмон ҳамзамон аз кам шудани сафи донишҷӯён дар муассисаҳои олии таълимии кишвар нигаронӣ карда, изҳор доштааст, ки тибқи оморҳои расмии Маркази милии тестӣ (ММТ), соли равон нақшаи қабули донишҷӯён ба донишгоҳҳо ва донишкадаҳои кишвар 53 дарсад иҷро шудааст, ки хеле кам аст.

Гуфта мешавад, дар замони беш аз 30 соли раҳбарии Эмомалӣ Раҳмон ва сиёсатҳои ғалати раҳбарияти кишвар ба ботлоқи буҳронҳо гирифтор шуда, эътимоди мардум ва бахусус ҷавонон ба ояндаи неки худ дар Тоҷикистон беш аз 50% коҳиш ёфтааст. Ба ҳамин хотир, на майли хондан ва касб омӯхтан дар Тоҷикистонро доранд ва на вақте донишгоҳҳо ва донишкадаҳои олии кишварро хатм кунанд, тибқи роҳхатҳо ба ҷои кор ҳозир мешаванд.

Хабарро таблиғ кунед:

БЕШТАР БИХОНЕД
БЕШТАР БИХОНЕД

Кумаки 141 миллионии ИА ба Тоҷикистон

Иттиҳоди Аврупо эълон кардааст, ки зиёда аз 140 миллион евро ба Тоҷикистон кумак мекунад.

Рушди беш аз 8%-и иқтисоди Тоҷикистон

Гузоришгарони Бонки ҷаҳонӣ мегӯянд, рушди иқтисоди Тоҷикистон дар 16 моҳи ахир беш аз 8% тавсеа ёфтааст.

Баррасии ҳамкориҳои Тоҷикистон ва Иттиҳоди Аврупо

Мақомоти боломақоми Тоҷикистон ва Иттиҳоди Аврупо дар бораи ҳамкориҳои дирӯз ва имрӯзи худ гуфтугӯ карданд.

Шикояти мардум аз беобӣ дар Тоҷикистон

Бархе сокинони шаҳри Бохтар, маркази вилояти Хатлон мегӯянд, ки чор моҳ боз мардум аз беобӣ азият мекашанд ва касе дар вилоят ба доди онҳо намерасад.