Як зани тоҷик бо нашри навори видеоие аз рафтори як корманди Фурӯдгоҳи Жуковскийи шаҳри Маскав, ки зоҳиран ӯ ҳам тоҷик будааст, изҳори норозигӣ кардааст.
Ба гуфтаи ӯ, онҳо қасд доштанд 4 кило борро ба таври ройгон тавассути як ҳамватани дигар фиристанд, аммо ин корманди фурӯдгоҳ бо вуҷуди ҳамзабон ва ҳаммиллат будан, ба ин кор иҷозат надод ва баръакс, талаб кардааст, ки барои интиқоли бор маблағ пардохт шавад.
Ин навор вокуниши зиёди корбаронро дар фазои маҷозӣ ба бор овардааст. Бисёре аз корбарон чунин рафторро нисбат ба ҳамватани худ “шармовар” хонда, аз мақомоти дахлдор хастанд, нисбати ин корманд чора андешанд.
Ин бори аввал нест, ки муҳоҷирони кории тоҷик аз рафторҳои ҳамватанони худ дар Русия шикоят мекунанд. Қаблан ҳам наворҳое нашр шуда буд, ки шаҳрвандони Тоҷикистон аз фиреб хӯрдан надодани дастмуздашон тавассути ҳамватани худ шикоят карда буданд.
